2 TIMOTE 3:16 - Boy Lonana

¹⁶ Magaara vi Londa ɓiiri halaŋŋi nam fo musuk mamba kaɗu, ndaɗ jivi a haɗ gasira kay gaɗ sana takam coomba a nam kak jivi ɗegee.

2 TIMOTE 3:16 ပူးပေါင်းရင်းမြစ်များ

2 SAMUEL 23:2

Musuk Yawera ɓak ki fununu, boy maɗna ka kay sininu.

NEHEMI 9:20

Aŋ ɦasi saa maŋga jivira a asi ɓorow ii tlena kira. Aŋ doorosi fu man maŋŋa ka ki funusiɗi. Aŋ ɦasi yona a asi ci kay laa masira.

SOOLLA 119:11

An ŋgayaŋ gaɗ maŋga hurun kurufuwa kay an ka li dla co egeŋgi.

SOOLLA 119:130

Humba hum u boy maŋŋa lira tak kiɗikka cocoo, ndaɗ ɓorow ii dlara ki ko suu hoŋ yasi gaana.

SOOLLA 119:9

Goozoŋŋa a hin ɗoɓ voɗ mamba ki ɗegee ɗegee ni u mege? Vi u boy maŋŋa ɗoɓoɗ ni u namu.

VUN ŊGOLNA 15:10

Gaɗta ŋgolla ka kay sa ma calaɗ voɗta kina. Sa ma ka hum u nera ka neembaɗina hin miɗ kiyo.

VUN ŊGOLNA 15:31

Sa ma tin humum jivi a hum nerana hin cuk ziimmi duk suu wi dlara.

VUN ŊGOLNA 6:23

Kay gaɗta, ndaɗ ni ko ndal pindilla na. Haɗta ni kiɗikka ni voɗta vi iirira, ni haɗta kay wi yal ma jivina.

MISE 2:7

Boy namma li ay ka ki di jew kala zi ma vi Yakobma? Siɓpa vi Yawera tew ki eg liiɗwa? Ni gasi voɗ mayra li dlara su? Boy manna na ni ka ni jivira maŋ sa ma ka tuɗ hu voɗta ɗegeeraɗi su?»

SOFONI 3:2

Ndaɗ hum yira kaɗi, ndaɗ vi haɗta ka kaɗɗi, ndaɗ hum vun Yawe kaɗi, ndaɗ ɦuɗ taɗ ay ka eg Looɗnaɗi.

MATIYE 13:52

Nam dasi ɗaŋ ana, «Agi gola, ni kay ndaɗta sa wi magaara gaɗta mbuɗ ki sa haɗina hu Mulla huulonara mbuɗ ni, ko malaŋ zina vaa ii tlegeyem suu wilina ki may, suu basina ki mayra na.»

MATIYE 21:42

Yesu dasi ɗaŋ ana, «Agi bay ndumugi va ma ɓiirina tu su? Ma di ana, Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu. Gola ni dlara Bu Suuna laɗta, aygi goloɗ na ni, ndaɗ su ki kaygi cocoo.»

MATIYE 22:43

Yesu dasi ana, «Lini na ni, David u saɓakŋa vi Musuk Lonara yam ana, Bu Suuna ni nanage? David di ki ana,

MATIYE 26:54

Li a doo kanu ni, boy ma ɓiiri hu magaarana ka liɗi. Faɗ ki wanni namu.»

MATIYE 26:56

Dla ndaɗta mba kan na ni, a faɗ ki ni vun boy ma suu jok vun Lona ɓiirim ay hu magaarana.» Suu haɗina hinim tani njay liŋŋa halaŋ gaw.

MARK 12:24

Yesu hoŋosi dira ana, «Agi viɗ tagi wa, kay agi ka wi Boy Lonanaɗi, ka wi saɓakŋa vi Lonaɗi lay.

MARK 12:36

David u tamba di ki u saɓakŋa vi Musuk Lonara ana, Bu Suuna di maŋ Bu Suuna manna ana, Kak kay bikin ma njufna, gak gak an cukuŋ babali maŋsina ki kaŋga u seŋ tuwa.

Boy Ma Ayra Ma JAŊ Ɓiirimma 10:35

Aygi wi ki ana sa ndak ka a bulum va ma ki ɓiirina kiɗi. Suu Lona dasi ana, Agi loogina, ni suu nam ɓakasina, ni asiya.

Boy Ma Ayra Ma JAŊ Ɓiirimma 3:20

Suu li dla cora ka min a mbay ki hu kiɗikkaɗi. Asi li ndaana ana suuna hin wasi dlaasira cora.

SUNDA 1:16

«Gorsenna li ki wanni va ma Musuk Lonara di kam hu magara jew ɓak ki fun David kay suu hal a vi Yesuna, Yudas ni sa ma hin takasina kina.

SUNDA 18:25

Nam haɗ voɗta vi Bu Suuna u voɗoɗu, yalna kam cocoo, haɗta nam haɗara, boy ma nam damma lay ni di ki kay sem Yesu gasi na ɗegee. Doli nam wi ni batem ma vi Jaŋŋa hol.

SUNDA 20:20

Agi lay wi ana vama a li kaki jiviya ma an ŋgayam ki kaɗi. An dagi boyna ki halaŋ haɗagina ki ni duk suuna lay halaŋ ki hu ziigi vo lay.

SUNDA 20:27

An dagi dlara Lona ŋgaaɗta ki wa, ŋgay va ka huna ewɗi.

SUNDA 28:25

Asi cuk tasi ɦawa bay vunusi taɓ duk tasiya. Pol dasi ɦawa ana, «Musuk Lonara di gasini u voɗoɗu, hu li ma ndaɗ di somoyogi u vun sa ma jok vun Lona Ezayi.

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

ROMMA 2:20

Aŋŋi sa ma haɗ suu ka wi vaɗina sa ma haɗ kemba. Kay mege, aŋ wi ana gaɗ magira tak ki wira u gasira pasiyakka.

ROMMA 3:2

U ŋgara ŋgolla ay ni eg suu Juifna kay nam ɦasi boy mamma ay fok jewe.

ROMMA 4:23

«Nam ŋgaam a sa ma ɗegeena,» ni ka ana boy namma ɓii ni kam dew naɗi.

1 KORINTNA 12:7

Musukka ɦal maŋ gegelay a li jivira kay suuna halaŋ.

GALATENA 3:8

Boy ma Ɓiirina di ki fok jew ana Lona min mbuɗ njaf suu ɦawana ki fokom ɗegee ni u viisira ni kay ndaɗta ndaɗ di Boy ma Ayra ay fok jew maŋ Abraham ana, «Lona hin paɗ vunum ki kay njaf suuna halaŋŋi u aŋu.»

GA 8ATAMBARA 4:36

Ay kolo huulona agi humum delemba ɓakŋa kiyo, ni a haɗagira, kay ndaŋgara tani nam takagi kura ŋgolla, ay duk ku ndaɗta agi humum delemba ɓakŋa.

2 TIMOTE 2:25

Nam haɗ suu ka minim boy mammaɗina u lalamba, Lona li hin ɦasi yal ma daŋŋa a jok hurusi zeɗ a wi gasira kalage.

2 TIMOTE 4:2

Di Boy Lonana col kam eŋe, lini lina ka jivi ɗowba jiviɗi lay, mal huu suuna, yalasiya, gaɗasiya, haɗasi u lalamba jivira.

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

HEBRENA 3:7

Ni kay ndaɗta Musuk Lonara di anaba, «Lini agi hum del Lona karam wani,

HEBRENA 4:12

Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.