2 TIMOTE 3:12 - Boy Lonana

¹² Suu min a kak u iirira ɗegeera, u ɗilira eg Lona u taɓpa u Yesu Kristura hin fi lassa halaŋ.

2 TIMOTE 3:12 ပူးပေါင်းရင်းမြစ်များ

MATIYE 16:24

Nam hin di suu haɗi mamsina ana, «Lini sana min a tuɗ kay cerenu ni, maa dla tam kiyo, tli garak mamma, tuɗ ay unu.

MATIYE 23:34

Agi hum haa! An hin sunugi suu jok vun Lonna u suu wi yal boyna u suu wi magaara aya. Agi hin ci suu ki ɦiw, hin ɓal suu taa ki ɦiw hu gu ma garakgina may, suu daŋŋa agi hin poŋosi hu Zira Tokka may, agi hin cuɗusi usi ɦoŋzina halaŋ may.

MARK 10:30

nam hin fi ni su tlesuu nam hinisi kina fasi ni kay ndaŋgara tani gaw sem kis, fi zina, fi gorsemma, fi sura, fi goora, fi senena. Nam fi lassa lay. Ha fokka nam hin fi iirira ka daɓ kiɗira.

Boy Ma Ayra Ma JAŊ Ɓiirimma 16:2

Asi hin dikigi ki hu Zira Tokka lay. Ni buu maa hin mbaa, suu cagi kina hin saa ana asi li ni sunda vi Lonara hu dla ndaɗta.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

Boy Ma Ayra Ma JAŊ Ɓiirimma 17:14

An ɦasi boy maŋŋa wa. Suu hu duliyarana noyosi kiyo, kay asi ka varasiɗi, ko an ka varasiɗira na may.

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

1 KORINTNA 15:19

Lini juɓ magira hu Kristu ni kay iirira cecemba ni ɦawaa ni aygi mbuɗ suu hahawra su suuna halaŋ.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

2 KORINTNA 4:9

Asi lasami lay ni Lona hinimi ka kiɗi, gami kaŋga gog gog lay ni cami ka kiɗi.

1 TIMOTE 2:2

Cen kay muli suu ŋgolona u suu ka hu ŋgolla na bel bel, kay aygi mba lak u jivira u heɓpa, ay mba lak taɓi fok Lona hu poyra jivira fokomu.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 6:3

Lini sana haɗ gaɗta daŋŋi ka taɓi u boy ma gasina vi Bu Suuna Yesu Kristuɗi, ka u haɗta vi viigiraɗi lay.

TITTA 1:1

Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,

TITTA 2:12

Oo ndaɗta haɗay ana poyra cora u saara vi duliyara noyosi kiyo, kay ay hin poy u voɗoɗ hu ndaŋgara tani, mba fi iirira jivi ɗegee ɗili u Lona.

JOSUWE 17:14

Goryoŋ Yosefna mbay eg Josuwe dam ana, «Aŋ ɦami mbassa na dew daŋ a joomina ni nanage? Aŋ gola ami ni njaf ma Lona paɗ vunum ki kamma cecemi ami ka zulumi cocoo.»

1 PIYER 3:14

Lini agi ka las kay agi li ɗegeera ni furiyugiya, lagi ndaa ko suunaɗi hin vun dikigi ɓigigiɗi.

2 PIYER 3:11

Tlena halaŋ hin ɓeŋ ki ni ko ndaɗta na agi hum ki jiviya poy magira hin lini nanage, agi mba poy ɗegee taɓi u Lona.

WIRA ŊGAYRA 12:4

Nam yak ciciwra ay ki kaŋga u njawamu, nam col fok cara a juɓ goo ma ndaɗ hin vuɗumma, nam kal ay ki wa ni nam komom zak gaw.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.