2 TIMOTE 2:25 - Boy Lonana

²⁵ Nam haɗ suu ka minim boy mammaɗina u lalamba, Lona li hin ɦasi yal ma daŋŋa a jok hurusi zeɗ a wi gasira kalage.

2 TIMOTE 2:25 ပူးပေါင်းရင်းမြစ်များ

GALATENA 6:1

Gorsenna lini wayaygi maa kal hu cora wa ni, agi suu ka hu Musuk Lonara mbaaram ay hu voɗta ɗegeera, ni gol taŋ jivi egemu, an di hu olo ana gol taŋ jivi kay aŋ kay taŋga mba kal hu dla ndaɗtaɗi.

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

1 TIMOTE 2:4

Nam min ana suuna halaŋ mba fi suɗta, wi gasira lay.

1 PIYER 3:15

Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma.

1 JAŊ 5:16

Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.

SUNDA 8:22

Tii taŋ fok Lona kay saa maŋga co ndaɗta, cen Bu Suuna kay nam mba bulumuŋga kiyo.

2 TIMOTE 3:7

Boyogina hal haɗta tew tew ni ka ndaki a wi u gasiraɗi.

MATIYE 11:29

Yowogi tik ma zii nek manda kagiya, humugi u haɗ manda ɗow. An ni sa ma hurum lalamma. Agi hin fagi koɗ tara.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

TITTA 1:1

Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

Boy Ma Ayra Ma JAŊ Ɓiirimma 5:34

Anu, an ka hal sa a li a vovoɗ manda na koɗi, an ɓakagi boy namma ni ana agi suɗ kiyo.

MARK 1:15

Nam di ana, «Lin ndak wa. Mul Lonara mba wa tok. Jokogi hurugiya. Vagi u Boy ma Ayra.»

EZEKIYEL 36:31

Agi humugi hin gagi kay poy magira cora u dla cora agi laɗta. Hurugi hin mbuɗ haɗ eg tagi coco kay suluk ma agi lam namma.

TITTA 3:2

Kay asi di boy co maŋ saɗi, kak u heɓpa u jivira, asi tuɗ fok a tak lalam masira eg suuna halaŋ.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

SUNDA 5:21

Suu vovoɗta hum boy namma hummi tuɗ maɗii feɗet hu Ziŋ Lonara a haɗ suuna. Mul ŋgol ma ɓivunna u suu mam suu Juifna tok tasi halaŋ a li tokka vi suu ŋgolo suu kaɓakŋana. Asi gi sunda ana yow suu vovoɗta ay hu daŋgayna.

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

MATIYE 21:32

Jaŋ mbay dukugi takagi voɗta ɗegeera, agi vam vunum kaɗi. Suu vi taara u gawlaŋina vam vunummi asiya. Agi wi dla ndaɗta may, mbuɗ hurugi ka a vam vunumbi.»

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

EZEKIYEL 12:3

Goŋ sanna, aŋ may ni njun tlegeyeŋu tuɗ ŋgayra, aŋ njun tlena ki faali irisina halaŋ, hin li ma aŋ cuki huna tani tuɗ ki hu li ma daŋŋa, kala na ni asi li hin wi ana asi ni suu gonokka u Lona kalage.