2 TIMOTE 2:19 - Boy Lonana

¹⁹ Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

2 TIMOTE 2:19 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 10:14

An ni sa taa yoona jivina. Bun wan may, an wam may. Ni ko ndaɗta na, an wi timigii mansina asi wan may. An ba iiri manda ki kay timigii mansina.

1 KORINTNA 8:3

Sa ma min Lona, Lona wamu.

NAHUM 1:7

Yawe jiviya, nammi ŋgus ma kay suuna hu buu ma wi hawrana. Nammi sa gol suu ŋgay tasi egemma.

NDUMBA 16:5

Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.

Boy Ma Ayra Ma LUK Ɓiirimma 13:27

Nam hin dagi olo ana, An ka wagi ana agi ni suu wanna naɗi. Ҥuɗugi tagi ha ki egenu, agi ni suu li dla cora.

GALATENA 4:9

Cecemi agi wi Lona wa, cecemi Lona wagi wa may, ni nanaba agi hoŋ u ŋgussa maŋira lalassa nige? Agi min hoŋogi dagan a mbuɗ tagi mborɓii masisina ni nanage?

WIRA ŊGAYRA 3:8

An wi tlesuu aŋ lasina halaŋ, an wi ana saɓak maŋŋa ka ŋgolɗi, na lay ni aŋ hum boy manna ha jiviya ni aŋ vanni vununu. An malaŋ vun zira ki maŋu, sa ka ndak a duguɗɗi.

WIRA ŊGAYRA 22:4

Asi hin wam irimu sem hin li ɓiiri vokosiya.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

1 KORINTNA 1:2

Maŋ suu vi Kristuna, suu vi Lonna hu Korint, suu Lona yasi ki mamma hu taɓpa u Yesu Kristu, maŋ suuna halaŋ suu yi sem Yesu Bu Suuna mayna Yesu Kristu, Bu Suuna masina u maygina.

EZAYI 28:16

Na may Bu Suuna Yawe di ana, gola an gi ɦini ma tuk suuna belna ka hu Siyon. Ni ɦini ma gi u zina kamma, ɦini ma jivi ɦayna. Sa ma tin hurum kamma ka mbuɗ zoloɗi.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

SOOLLA 1:6

Kay Yawe wi voɗta vi suu ɗegeena. Voɗta vi suu li dla cora, tuɗusi ni hu li ma baasi kina.

MATIYE 7:23

An hin dasi ana, An wagi ay kaɗi. Ҥuɗugi ha ki egen day, agi suu li dla cora.»

EFESNA 3:15

Kay suuna halaŋ kolo huulona kaŋga kay ndaŋgara lay mba wam semma gasina.

VUN ŊGOLNA 3:7

Ŋga taŋ ko aŋ sa ma wi dla naɗi. Li ni ndaa Yawe na ɗow, ɦal ŋgoroŋ maŋ dla cora.

SOOLLA 37:18

Yawe ka ŋgom iirira vi suu ɗegeena, liisi ma kakŋa ka tew tew a fafaɗta.

SOOLLA 34:14

Sa namma ŋgom sinim jiviya, gol vunum ma di boy ma cona may.

ROMMA 15:20

An tuɗ di Boy ma Ayra hu li ma sa ɓak ka kay sem Kristu hu tuɗina, kay a tin kolo kay u zira vi sa ma daŋgi.

SUNDA 15:17

Kay suu daŋŋa halaŋ mba hal Bu Suuna, u njaf suuna halaŋ suu an yasi a mansina na.

MATIYE 7:25

Lona siya, mbona tli cocoo, babaana paɗ kay zi ndaɗta lay. Zi ndaɗta ka bow kiɗi, kay ndaɗ mini kay ɦinira.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

ROMMA 12:9

Li minda gasira, hin cora kiyo, njunugi tagi saɓaki eg jivira.

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

VUN ŊGOLNA 10:25

Babaana mba wa ni sa ma dlam cona jak ki umu. Sa ma ɗegeena ni u zira ŋgaari ga ka geŋeɗɗira.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

ROMMA 9:11

Lona u ŋgaɓ mamba ŋgaɓ suuna, ŋgaɓ mamba ni u yira nam yasira, ni ka kay sun masiraɗi, va ma tak ki ana Lona ka coli kay ŋgaɓ mambana ni, nam di Rebeka ni goryoɗ bay vuɗ tu lay asi bay li jivira u cora tu lay, ana, «Ma ŋgolna hin sun ma goona.»

SOOLLA 97:10

Agi suu minigi Yawena hini dla cora kiyo, nam ka gol iirira vi suu mam suu ɗegeena, nam buɗusi ki ko suu ka wi Lonaɗina.

NDUMBA 6:27

Hu li ma mul ma li ɓivunna yan sen wa na kay suu Israelna ni, an u tanda hin paɗ vunun ki kasiya.»

1 TIMOTE 6:19

Asi li wa na ni asi tokŋi tlegeyesi suu jivina kolo kay fokka, ni asi hin fi iiri mayra gasira.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

SUNDA 9:14

Nam mbay tani u saɓakŋa vi muli suu li ɓivunna a yow suu yaŋ seŋŋa halaŋ.»

Boy Ma Ayra Ma JAŊ Ɓiirimma 13:18

«An ɓak ha na ni, ka kagi halaŋgi, an wi suu an ŋgaɓasina. A ndaɗta may ni, a faɗ ki ni vun ɓiira dira ana, Sa ma tan fuuna na mbuɗ um kan lan yara.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

SOOLLA 112:6

Tew tew ni nam ka kaki eŋe, sa ma ɗegeena hum suuna ka kam tew tew.

EFESNA 2:20

Agi ni suu mini kolo kay u zira suu vovoɗta u suu jok vun Lona tiniɗta, ɦini mayra garaŋga col zira eŋga ni Yesu u tamba gaw.

ROMMA 11:2

Lona ka noy suu mam suu nam wasi ay jewna kiɗi. Agi wagi boy ma Eli dam maŋ Lona kay suu Israelna kaɗi su?

Boy Ma Ayra Ma LUK Ɓiirimma 6:48

Sa namma tli tammi ko sa a min zira, vek zulla, nja gogoyra kaŋga huwa, tin u zira kaɗta na. Babaana paɗa, mbona tli uɗ lay, ndaɗ ka bowɗi, kay ndaɗ mini jiviya.

Magaara Vi Sa Jok Vun Lona AGE 2:23

Hu buu namma Yawe ma Saɓakŋa Kom Belna di ana an hin tlaŋu Zorobabel goŋ Salatiyelna saan ma sunda. Jawe di na. An hin tiniŋŋi ko ndal walak ma tin tampoŋŋana na. Yawe ma Saɓakŋa Kom Belna di ana aŋŋi sa an manam kina.»

ROMMA 15:9

Nam mbani kay njaf suu ka suu Juifnaɗina, geleɗ Lona kay jivi mamba nam laɗa ko magaara dira na, «Kay ndaɗta an hin geleɗeŋ duk njaf suuna halaŋ, gi soolla a geleɗeŋ seŋ lay.»

EZAYI 14:32

Ay hin hoŋ dira maŋ suu may suu Filistinna sunusi ayna ni ana mege? Ay hin dasi ana, «Ko Yawe min Siyon koloo, a suu mam suu maŋina fi koɗ tara huwa.»

WIRA ŊGAYRA 21:14

U gulumunna gii ni kay ɦinira doogo yam mba'. Ҥini ndaɗta sem suu vovoɗta vi Goo Timiina ka ɓiiri kayam doogo yam mba'.

HEBRENA 11:10

Kay ndaɗta Abraham juɓmi zi ma um tini eŋ coco, jivi cocona. Lona ni sa ma ŋga u zira miniɗ ni nam lay.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

ZAKARI 3:9

Gasi gologi gogoyra an haɗ maŋ Josuwe wanna. Iira tini kay gogoy ta dew ndaɗta na kiɗisiya. An tanda hin tiniɗ ndalaɗu. Yawe, ma Saɓakŋa Kom Belna, di na, an hin bulum suluk ma hu mbas ndaɗtana ki hu buu ma dewna.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.

SUNDA 11:26

Nam fam ay fini, mbay u nam Antiok. Asi u dlasira jakka li basara duk suu asina, haɗ suuna cocoo. Asi gijaŋ yi suu haɗina ay jew ana suu vi Kristuna ay ni hu Antiok.

EZAYI 65:15

Agi hin segi ki ni maŋ suu man suu an manasina, asi hin gagi vunna ana, ko Bu Suuna Yawe cagi kiyo. Na may kay suu mamsina nam hin yasi u sem ma wilina.

EZAYI 63:19

Day day ni ami mbuɗ ki ni ko suu aŋ ka ti kasiɗina na. Ami mbuɗ ki ko suu seŋ yi ka varasiɗina na. Ҥii, lini aŋ co huulona ay kiyo, lini aŋ cuk seŋ ay ga kay ndaŋgara, ɦinira halaŋŋi hin geŋeɗ fokoŋu.

EZEKIYEL 9:4

Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»

Boy Ma Ayra Ma JAŊ Ɓiirimma 3:33

Sa ma vam boy mammana wi ana Lona di ni gasira.

1 TIMOTE 3:15

Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

MARK 12:16

Asi ɦam taa ay dew, nam joɓosi ana, «Tinni hu ni yam gege? Ɓiiri hu ni sem gege?» Asi dam ana, «Ni Sesar.»