2 TIMOTE 2:12 - Boy Lonana

¹² Lini aygi kak ɗiliya aygi hin taygi mulla u namu, lini aygi hinim kiyo, nam hin hiniygi ki may.

2 TIMOTE 2:12 ပူးပေါင်းရင်းမြစ်များ

VUN ŊGOLNA 30:9

Kay ana hu li ma an hoɓi hoɓmi, tin vunun kaŋgi, hin di ana Yawe Lona ni gege naɗi. Dowba hu li ma an ki haw cocona kal ki a kulla, Suuna hin ŋgulun sem Loonnaɗi may.

MATIYE 10:33

Sa ma tin vunum kan fok suuna ana nam ka wanɗi na, an hin tin vunun kam fok Bun ma kolo huulona ana an ka wambi may.»

MATIYE 26:35

Piyer dam ana, «Lini an miɗ u aŋ lay ni, an ka di ana, An ka waŋgira naɗi.» Ndarayam suu haɗina halaŋ di na lay.

MATIYE 26:75

Piyer humum gam kay boy ma Yesu damma jewna ana, «Tlekŋa bay hel tu ni, aŋ hin tin vunuŋ ki yaŋŋa hindi ana aŋ ka wanɗi.» Piyer kal ki, tii u simina irimu. Hurum haɗ cocoo.

MARK 10:33

Nam dasi ana, «Humugi haa! aygi tuɗuygi ha kolo Yerusalem wanni, Goŋ Sanna asi hin ɦam ki maŋ muli suu li ɓivunna u suu wi magaara. Asi hin kaam ɓak mamma ana cam kiyo, ɦam ki maŋ suu ɦawana.

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

Boy Ma Ayra Ma LUK Ɓiirimma 12:9

Sa ma tin vunum kan fok suuna ana nam ka wanɗina, Goŋ Sanna hin tin vunum kam fok suu sunda huulona ana nam ka wambi may.

Boy Ma Ayra Ma LUK Ɓiirimma 22:29

Ko Bun min Mul mamba kanu, an may ni minigira kagi na may.

Boy Ma Ayra Ma LUK Ɓiirimma 22:30

Agi hin ti tina u an hu ŋgotta dewra hu Mul manda may. Agi hin kak hu dlamba mulla a kaɓakŋa maŋ dee suu Israel suu doogo yam mbana.»

Boy Ma Ayra Ma LUK Ɓiirimma 9:26

Lini sana li zolona kanu, kay boy manna may ni, Goŋ Sanna hin mbay u bibiŋilla vi Bumba u suu mam suu sunda huulona ni hin li zolona kam may.

SUNDA 14:22

Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»

ROMMA 5:17

Lini miɗna kak mulla kay suuna u cora vi sa ma dewna, u sa ma dewna Yesu Kristu aygi hin fini ŋgolla su halaŋga, suu fi oora vi Lona cocona u ɦala ɗegeera hin kak iiriya, ti mulla u Kristu lay.

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

FILIPINA 1:28

Hin tagi a mbuɗ ndaa ko suu magi suu babaliraɗi, ni va ma tak ana asi tuɗ ni a ba kira, takagi ni ana agi ka hu voɗta suɗta, dla ndaɗta mbay ni ko Lona.

1 TIMOTE 5:8

Lini sana ka gol suu mamsinaɗi, su saɓaki ni kay suu varam vona, nam hin kini vira, ni nam co su sa ma bay vina.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.

WIRA ŊGAYRA 20:6

Furira u paɗvunna kay suu paɗ ki kolo jew asina, ni suu saɓak miɗ ma mbana ka kasiɗina. Asi hin lini muli suu ɓivunna vi Lona u Kristu, ti mulla u nam gak gak basara bup.

WIRA ŊGAYRA 3:10

Kay aŋ humun boy manna aya vam u ɦiŋga, an hin goloŋ ko wihaw mayra hin mbay kay suu hu ndaŋgarana belna, a tuk suu kay ndaŋgarana halaŋ.

WIRA ŊGAYRA 3:21

Suu col eŋ su kay ndaŋgarana an hin yowosi egenu kak u asi kay dlam manda mulla, ko an ti lay kak eg Buna kay dlam mamba mulla.

WIRA ŊGAYRA 3:8

An wi tlesuu aŋ lasina halaŋ, an wi ana saɓak maŋŋa ka ŋgolɗi, na lay ni aŋ hum boy manna ha jiviya ni aŋ vanni vununu. An malaŋ vun zira ki maŋu, sa ka ndak a duguɗɗi.

WIRA ŊGAYRA 5:10

Aŋ mbuɗusi mulla ki masiya, asi mbuɗ a muli suu li ɓivunna vi Loomina, asi hin kak a mulina kay ndaŋgara.»