2 TIMOTE 1:8 - Boy Lonana

⁸ Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

2 TIMOTE 1:8 ပူးပေါင်းရင်းမြစ်များ

SOOLLA 119:46

An ɓakaŋ dla gaɗ maŋga ki fok mulina, an ka li zolo kay gaɗ maŋgaɗi.

SOOLLA 19:7

Ndaɗ col ay u lonara tin ayra, tuɗ ha ki u lonara do ayra, va ma hin ki bay faɗta tam kaɗi.

EZAYI 51:7

Agi suu wi ɗegeera humungi vunun haa, agi suu kolo huulona suu gaɗ manda ka hurugina, lagi ndaa ko mbeleŋ ma vi suu warnanaɗi, lagi ndaa ko ganyam masiraɗi.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

Boy Ma Ayra Ma LUK Ɓiirimma 9:26

Lini sana li zolona kanu, kay boy manna may ni, Goŋ Sanna hin mbay u bibiŋilla vi Bumba u suu mam suu sunda huulona ni hin li zolona kam may.

Boy Ma Ayra Ma JAŊ Ɓiirimma 15:27

Agi lay ni, agi hin ɓakagi kan lay, kayme agi ay unni hu gijaŋŋa jew day.

Boy Ma Ayra Ma JAŊ Ɓiirimma 19:35

Sa ma ɓak dla ndaɗta na wi tle asina. Dlara nam daɗta ni gasi. Nam wi ana nam di ni gasira a agi tin hurugi kay boy namma may.

SUNDA 5:41

Suu vovoɗta cuk ki hin suu ŋgolo suu kaɓakŋana ka tani, tuɗ ni u furira kay Lona wasi asi ndaki a li lassa u ŋgulla kay sem Yesu.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

ROMMA 8:36

Ko ɓiira dira na «Asi tinimi fun miɗna hu buuna tew tew ni kaŋu, asi golomi ko yoo timigiina hu li ma ŋgaɗasina na.»

ROMMA 9:33

Ɓiira di ana, «Gologi an tin hu Siyon ɦini ma daɓ semma ni ɦini ma ndi sana kaŋgana sa tin hurum kamma ka mbuɗ ki zoloɗi.»

1 KORINTNA 1:6

Dira diki kay Kristura boy namma ka coli dukugi eŋe.

2 KORINTNA 6:7

A gasira vi boy ma ami damma, u saɓak Lonna, u va ma ami lam komi ko ɓagina u mbarina nana ni ɗegeera, a li sa u ndaɗ lay a doo kay tami lay.

EFESNA 3:1

Ni an Pol sa ma daŋgayna vi Kristu an cen Lona kagi agi suu ka njaf suu Juifnaɗina.

EFESNA 3:13

Kay ndaɗta an joɓogiya, agi mbuɗugi maŋi kay las manda an las kagiraɗi, kay agi fi ŋgara ni uɗu.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.

FILIPINA 1:7

Ko wani na ni jiviya an ka saa kagi halaŋ kay an yowogi hurunu a agi mba fi va ma Lona ɦanna na, lini an ka hu daŋgayna cecemi lay ni an li ay ki ɦawara lay, ni kay a doo kay Boy ma Ayra, colom ki u voɗom ɗegee.

FILIPINA 3:10

Va ma an saaramma ni kay a wi Kristu, u saɓakŋa vi paɗ mamba kolora, a taɓ hu wihaw mamba, mbuɗ ki ko nam na may hu miɗ mamma.

FILIPINA 4:13

An ndak a li tlena halaŋ kay Kristu ma ɦan saɓak nammana.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

1 TESALONIKŊA 3:4

Hu li ma ami ay egegi tokŋa ni ami dagi ki fok jew ana lassa hin mbaa, dla ndaɗta li cemi ni ndaɗu, agi waɗu.

1 TIMOTE 2:6

Nam sa ma ɦal tam ki kay warakŋa a buɗ suuna ki halaŋŋa, ni dlara di ki kay li ma nam ŋgaamma ana nam min suuna bel bel mba fi suɗta.

2 TIMOTE 1:10

Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

2 TIMOTE 1:16

Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi.

2 TIMOTE 2:3

Vi wihawra kaŋu ko sa ma asgaana vi Kristu Yesu na.

2 TIMOTE 2:8

Humuŋ gaŋ kay Yesu Kristu paɗ ay ki kolo hu miɗna iiriya nam ay ni hu njaf David ko Boy ma Ayra ma an damma dira na.

2 TIMOTE 2:9

An wihawra ka njuni kaŋga u galina kay an ka di Boy ma Ayra namma ko sa ma li dla cora na lay ni Boy Lonana ka njuni kaŋgaɗi.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

2 TIMOTE 4:5

Aŋ may ni kak a ŋgolla vi taŋga daŋ may vi wihawra kaŋu, li sun maŋga, di Boy ma Ayra, li sun maŋga a aŋ sa ma sunda vi Lonna halaŋ.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

WIRA ŊGAYRA 1:2

Jaŋ ɓak ki kay tlesuu nam wasina halaŋ halaŋ, nam ɓak tani kay Boy Lonana. U gasira Yesu Kristu takambara.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

WIRA ŊGAYRA 12:11

Gorseygina su kay dragoŋ u jivira vi busu Goo Timiina, u jivira vi boy ma asi damma, asi vi kasi a ɦal iiri masira kiyo miɗ kiyo.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.