2 TIMOTE 1:7 - Boy Lonana

⁷ Kay Lona ɦay ni ka ŋgussa dawiraɗi, Musuk mamba oyoygi ni u saɓakŋa, u minda, u nera may.

2 TIMOTE 1:7 ပူးပေါင်းရင်းမြစ်များ

ROMMA 8:15

Musukka agi faɗta ni ka Musukka hin mbuɗugi ki mborɓiina a oyogi u ndaana na ɗowɗi, ni Musuk Lonara a mbuɗugi ki goryoŋ Lonna, u Musuk ndaɗta ay ndak sawalla maŋ Lona ana, «Bunu.»

1 JAŊ 4:18

Minda ndaana ka huruɗɗi, minda gasira doo ndaana kiyo. Sa ma li ndaana minda pasiyakka ka hurumbi, kay me ndaana ni fun tam u daŋgayna dew.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

Boy Ma Ayra Ma LUK Ɓiirimma 10:19

Humugiya, an ɦagi saɓak ma tuɗ kay guygina u huuɗura, ɦagi saɓak ma su kay babali magisina lay. Va ma hin lagi co kaɗi.

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

VUN ŊGOLNA 2:7

Suu may suu ɗegeena nam ɗokosi fira ha ni masiya, ko ndal mbarina ii sa ma poy ɗegeena na.

VUN ŊGOLNA 8:14

Anni cara gaɗ suuna, neesi ki kay dlara ha fokka. Gola ni sun manda, anni nera taɗta gaw, an ɦal saɓakŋa ay ni anu.

ROMMA 5:5

Juɓpa ka ganyam saɗi, Lona ɦaygi min mamba u Musuk mamba nam ɦaygira huruygira.

HEBRENA 2:15

Kay buɗ suu ay ki njuni hu mbaɓura day dayna ko ndaa masina vi miɗna.

SUNDA 20:24

Ni iiri manda an ka ŋgaaɗ a vama kay tanɗi, ni an tuɗ fok u ayra gak gak a daɓ voɗta u vun sun manda, ta Bu Suuna Yesu ɦandara kay a di ki kay Boy ma Ayra u oora vi Lona.

1 KORINTNA 2:4

Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara.

Boy Ma Ayra Ma LUK Ɓiirimma 24:49

An hin sunugi va Bun a ɦaginana ay u tanda, agi kakagi hu zin tani gak gak juɓugi saɓak ma kolo huulona mbay kagi tuwa.»

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

SOOLLA 119:80

Ko an lini u gaɗ maŋga na ɗegee kay a dlara zolo li kanɗi.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

SUNDA 21:13

Nam hoŋomi dira ana, «Agi tiirigi ni kay mege, agi hal a mbuɗun maŋi su? An tan mini ni kay njunda ɦawa holɗi, a miɗ kay sem Bu Suuna Yesu hu Yerusalem lay.»

KOLOSNA 1:8

Nam dami kay minda Musukka ɦagira hurugira.

SUNDA 6:8

Etiyen ni sa ma Lona paɗ vunum ki kamma. Nam oyra u saɓakŋa kay paɗvunna vi Lona, nam li dlara mbuɗta u takka ŋgolora duk suuna.

SUNDA 9:22

Sol ɓak boyna u saɓakŋa cocoo. Hu li ma nam dasi ana Yesu ni Sa Lona Fuurumma ni, suu Juif suu laki Damasna ka wi va ma asi a hoŋom diraɗi.

Boy Ma Ayra Ma LUK Ɓiirimma 8:35

Suu hu zinana sel ay ki a gol dlara li ndaɗta. Asi tew eg Yesu may ni fi sa fulina hinim kina kakiya. Nam kaki eg Yesu u barawna tamu, irim ɗili lay. Suuna wam na ni mbuɗ ki ndaana.

SUNDA 26:25

Pol hoŋom dira ana, «Sa ŋgolna an ka guruɗiɗi. Boy ma an damma ni u voɗom gasi.

Boy Ma Ayra Ma LUK Ɓiirimma 15:17

Nam gijaŋ saa kay dlaamba ana, Suu li sunda vi bunna ha ti funa, an ci tan ki u mayra tani kay mege?

SUNDA 26:11

An fasi hu Zira Tokka tew tew ni an yowosi njunusiya, an ɦeɓesi ana asi tin vunusi kay viisira. An min a tuɗ lasasi ki gin ni hu ɦoŋzi ma daŋŋa daŋŋa lay, duk njaf suu bay vina.»

EZAYI 11:2

Mul namma Musukka vi Yawera ka kamu, ni ŋgussa yalna, ta gi ii dlara kira, ŋgussa ɗilira, u saɓakŋa, ta wi dlara, ta li ndaa Yawera.