2 TIMOTE 1:10 - Boy Lonana

¹⁰ Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.

2 TIMOTE 1:10 ပူးပေါင်းရင်းမြစ်များ

1 JAŊ 1:2

Iiri ndaɗta gi u taɗ ki sini ami waɗu, ni kay ndaɗta ami mbuɗ a suu vovoɗta kay boy namma ami ɓakagi kay iirira ka daɓ kiɗira, ndaɗ ay ni eg Buna hin gi uɗ ki irimiya.

ROMMA 16:26

Cecemi ndaɗ mba ki wa kiɗiki, hu magaara vi suu jok vun Lona tlesuu ay huruɗ halaŋŋa, u gaɗta vi Lona ma ka daɓ kiɗina kay suuna hu ndaŋgara halaŋ wi u dla ndaɗta vi uɗ lay.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

TITTA 2:11

Lona tak oo mamba kay a suɗ suuna halaŋ.

1 KORINTNA 15:26

Sa ma gonok mamba nam hin a baam ki fat fat daganna ni miɗna.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

2 TIMOTE 1:1

Ni an Pol sa vovoɗta vi Yesu Kristu u minda vi Lona, tinin a di ki kay iiri mayra vi vunna ay kaɗta aygi faɗ hu taɓpa u Yesu Kristura.

EFESNA 1:9

Nam takay dlaamba ŋgayra, nam saa ki fok jew ana nam min li u vunum ma nam vam ki fok jewna hu Kristu.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Magaara Vi Sa Jok Vun Lona OZE 13:14

An hin buɗusi ay ki duk suu miɗina. Ay hu li ma maɗna an hin gaɗasiya. Maɗna saɓak maŋŋa arage? Li ma vi suu miɗina na dla cooŋga arage? Irin ka wi hahaw sa oloɗi.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

WIRA ŊGAYRA 22:14

Furira ka kay suu mbus baraw masina kina, asi ni suu voɗta ka kasi a ti vuɗ gu ma vi iirirana, cuk ha ni hu gulumun ma kal ha ɦoŋzina.

WIRA ŊGAYRA 18:1

Ŋgoo dagan an wi sa sunda huulona cuk ay kaŋga huulona, nammi sa ma ŋgolna saɓakam ŋgolo, bibiŋil mamba li kiɗikka kay ndaŋgara halaŋŋa.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

2 PIYER 3:2

An hal a gagi humugi kay boy ma suu jok vun Lona suu teteɗna dam jewna, u gaɗta vi Bu Suuna Sa Suɗta u suu vovoɗta vi Lona haɗagi kaɗta.

2 PIYER 2:20

Lini suuna suɗ tasi ki ko dla cora hu duliyara wa ni kay asi wi Bu Suuna Sa Suɗta Yesu Kristu, asi hoŋ yasi kaŋga hu dlaasira cora hin dlaasi ndaɗta su kasiya daɓ masira hin mbuɗni co sura jewra.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

HEBRENA 10:32

Humugi gagi kay va ma agi wam ay jewna. Hu buu namma agi fagi kiɗikka vi Lonara fi ni, agi fagi wihawra ŋgolo, na lay ni agi lagi saɓak hu duu namma.

TITTA 3:4

Hu li ma Lona Sa Suɗta tak jivi mamba u min mamba ki eg suuna halaŋ,

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

2 TESALONIKŊA 2:8

Hu li namma Sa ma Cona kal ay ki wanni Bu Suuna Yesu hin cam ki u musuk ma funumma lay, bulumum ki u bibiŋil mamba nam mbara.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

GALATENA 5:4

Agi suu hal a mbuɗ tagi ɗegee fok Lona u gaɗta agi ɓorow duk ɦoŋogi ki u Kristu wa, agi mbuɗ ki eg oora vi Lona wa day.

2 KORINTNA 5:4

Ni aygi day day ka kaki hu mbutluɓ ma kaŋga duk ndaŋgara namma, aygi ka wi hawra ko nekka kaygi na. Ka ana ami min ɓorow ki u mbalatamira kay ndaŋgara wanda naɗi, ami min a cuk mbalata mayra kolora egemiya, ma miɗna mba loɗ ki u ma iirina.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

ROMMA 6:6

Waygi ki jivi ana saaygi ma jewna aygi ɓalam ki hu gu garakŋa u Yesu wa, kay taygira li dla cora mba li oloɗi, aygi ka a mba li mbaɓu vi cora oloɗi lay.

ROMMA 3:31

Lini na ni aygi mbuɗ gaɗta ki maŋi u vira wa su? Ni ka naɗi, aygi haɗni saɓakŋa na ɗow.

SUNDA 13:23

Duk suu hu njafna vi Davidna ni Yesu ma Lona tinim ana nammi Sa ma Suɗta vi suu Israelnana, nam di ki jew ni kam lay.

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

Boy Ma Ayra Ma JAŊ Ɓiirimma 20:31

Tlesuu ɓiiri hu magaa ndaɗtana ni ana agi tin hurugi kay Yesu a nammi Sa Lona Fuurumma, Goŋ Lonna. Lini agi tin hurugi kam wa ni, agi hin fi iirira umu.

Boy Ma Ayra Ma JAŊ Ɓiirimma 5:40

U ndaɗta na lay ni, agi ka mba egen a fi iirira gasiraɗi.

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»

Boy Ma Ayra Ma JAŊ Ɓiirimma 1:9

Boy namma ni kiɗikka gasira, mbay hu duliyara a li kiɗikka kay suuna bel.

Boy Ma Ayra Ma LUK Ɓiirimma 13:7

Nam di maŋ sa lam sunda hu senena ana, Aŋ gola, basara ki ca ni hindi an mba halam vuɗummi, ka fam huɗi, aŋ kaam kiyo. Nam ɗel lina ki ɦawa na ni amege?»

Boy Ma Ayra Ma LUK Ɓiirimma 11:36

Lini tliw taŋ ki kiɗiki li ma ka hu ndufunɗi ni tliw taŋ hin mbuɗ ki kiɗik ko pindilla wi egeŋga na may.»

Boy Ma Ayra Ma LUK Ɓiirimma 2:11

Sa Suɗta vuɗ ha karam njeŋge ni hu zina fi David. Ni sa Lona Fuurumma, Bu Suuna.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

EZAYI 45:15

Gasi daŋ may, aŋŋi Lo ma ay ki ŋgayna, Lona vi suu Israelna, ni Lo ma suɗ suuna.

EZAYI 43:3

Kay an, Yawe, ni Looŋŋa, ma Teteɗ ma vi suu Israelna ni saaŋ ma suɗuŋŋa. An ɦal suu Egiptena ki a mbuɗuŋga. Suu Etiyopina u suu Sebana varak ki ni kay seŋu.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

2 PIYER 1:1

Ni Simon Piyer sa ma sunda ma vovoɗta vi Yesu Kristu. Maŋ suu may suu fi vira dlaɗ ŋgol ko ami na mayra u ɗegeera vi Lona u Sa Suɗta Yesu Kristu.

WIRA ŊGAYRA 20:14

Maɗna u lina vi suu miɗina cukusi duk mbo lum ma kura, mbo lum ma kura namma ni miɗ ma mbana.

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

2 TIMOTE 4:1

An suuruŋŋi fok Lona, fok Yesu Kristu ma kaɓakŋa kay suu iirina u suu miɗina hu mbaamba nam hin mbay hu mul mambara.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.