2 TESALONIKŊA 2:9 - Boy Lonana

⁹ Sa ma Co ma hin mba na u saɓakŋa vi Satanna, hin li dlara mbuɗ mbuɗta zet zet, li takka, ura ndandalla kaboyna.

2 TESALONIKŊA 2:9 ပူးပေါင်းရင်းမြစ်များ

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

Boy Ma Ayra Ma JAŊ Ɓiirimma 4:48

Yesu dam ana, «Agi min ana wi dlara mbuɗta an laɗta ki na herege tin hurugi kan tuwa ni nanage?»

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

WIRA ŊGAYRA 20:10

Satan ma ganasi yasina hin gam ki duk mbo lum ma kura u suufra, ni hu li ma vabakŋa u sa jok vun Lona ma kaboyna ka cuki huna. Asi hin wihawra faali lay njeŋge lay a fafatɗa.

WIRA ŊGAYRA 18:23

Kura wi lina ki kiɗikka hin ka li varaŋ tani oloɗi lay, sa ma vi cara u cara kaki njufna ka humusi delesi huruŋ tani oloɗi, suu paa maŋsina ni suu ɦizi su suu hu ndaŋgara halaŋŋa. Aŋ ganyam suuna ki halaŋ u kumu maŋŋa aŋ lamma.»

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

2 TIMOTE 3:8

Ni ko Jannes u Jambre min boyna vi Moizɗira na, asi suu asina ka min gasiraɗi ni na may, ni suu u saara cora hurusina, vira u Lonara irisi ni va sanda ɦawaa.

2 KORINTNA 11:14

Dlara gol ko dlara mbuɗ na ka huɗi kay Satanna kay tamba mbuɗ tam sa sunda huulona vi kiɗikka.

SUNDA 13:10

Dam ana, «Sa ma cona, huruŋ oyra u honira, goŋ Satannana, gonokka u tlesuu jivina bel. Aŋ ka ɓalak ki wanni voɗta vi Bu Suuna ta jiviraɗi su?

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

Boy Ma Ayra Ma JAŊ Ɓiirimma 8:41

Agi li ni dlara bugi laɗta.» Asi hoŋom dira ana, «Ami ka gor suu mboymoɗi. Bumi ni Lona dew.»

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

WIRA ŊGAYRA 12:17

Dragoŋŋa mbuɗ ki yara coco eg cara, tuɗ duu tam u njaf cara suu hiŋŋa, suu may suu hum u gaɗta vi Lonara na, suu ɗegee suu tin hurusi kay gasira Yesu daɗtana.

KALKIRA 8:18

Hu buu namma an ɓorow ii dlara ki u ɦoŋzi ma Gosenna, li ma suu mansina ka cuki huna, asina loloo namma ka li varasiɗi, kay a aŋ wi ki ana anni Yawe, an ka duk suuna hu mbassa.

KALKIRA 8:7

luuna hin ɦuɗ ki hu ziiŋu, ki vi suu sun maŋsina ki vi suu maŋsina lay, nam hin hinni hu lumma hol.»

KALKIRA 7:22

Na may suu li kumuna suu Egiptena li ko ndaɗta na may. Faraw so hurum gak ka min a hum vun gi Moiz u Aaronɗi. Ni ko ndal Yawe dira na.

WIRA ŊGAYRA 9:11

Mul masi ma ŋgolna kaa, nammi sa sunda huulona ma vi zullana, sem u vun hebrena ana Abaddon, u vun grekŋa ana Apoliyon, ni di ana sa ma ɓeŋ lina kina.

2 DLAŊ MULINARA 18:20

Ŋgussa ka huu suu jok vun Lonara, tuɗ di ki fok Yawe ana, An tuɗ dam saara jivira. Yawe joɓ tam ana, ni taarage?

EZAYI 29:10

Kay Yawe gagi ŋgus mayra senna kagiya, ndaɗ dugugi irigi ki wa, ni suu jok vun Lonna. Ndaɗ baaragi yagi ki wa, suu wi dlara hu fokka.

MATIYE 4:10

Yesu dam ana, «Ҥuɗ taŋ ha kiyo, Satanna. Ki ɓiiri ana, Aŋ goɓmi Lona Bu Suuna dew daŋ, ka goɓ sa daŋgi.»

MATIYE 12:22

Asi mbaa sa dugi may, ndumu mayna, ay fok Yesu, kayme ful ma cona kamu. Yesu mbuɗ sa namma ki ɓakka, malam irim ki may.

Magaara JAK Ɓiiriɗta 3:15

Nera ndaɗta wanni mbay ka kolo dayɗi, ndaɗta col ay ni duk duliyara u saara vi sana, mbay ni vi maɗna.

EZEKIYEL 14:5

Hoŋ diinda hin vi suu Israelna cocoo kay asi ɦuɗun ha ki egesi day ni u goɓpa asi goɓ fulinara.

Boy Ma Ayra Ma LUK Ɓiirimma 11:25

Nam hoŋ ay wanni fi hu ziim ki tori jiviya.