2 TESALONIKŊA 2:3 - Boy Lonana

³ Hin tagi a sa ganagi yagiɗi. Kay buu namma ka mba ki jew bay sa ma cona tak tam ki jew duu ma daɓ dagannaɗi. Ɓakŋa ay ki kaay kam paŋ.

2 TESALONIKŊA 2:3 ပူးပေါင်းရင်းမြစ်များ

1 JAŊ 2:18

Gorkem manda, daɓpa vi duliyara hin tok, agi hum ki ana Babali ma vi Kristuna hin mba ki fok jewe, cecemmi babali suu vi Kristuna zul ki cocoo tak ki ni ana duliyara hin tok a daɓa.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

DANYEL 7:25

Nam hin ɓak boyna kay Lo ma Kolo Dayna, hin las suu teteɗna vi Lo ma Kolo Dayna, nam hin saa a mbuɗ buu tilna u gaɗta kiyo, hin hinim suu sunda kom ii coki dew, coki mba, ɓorow cokira duk lay.

DANYEL 8:25

U yal mamma nam hin ganyam suuna, ndaɗ hin wul hurum u heɓpa cocoo, hin ɓeŋ suuna ki bolow coco lay, nam hin col yara kolo eg mul ma vi mulina na may nam hin toom ki bay ko sa tin egemu.

Boy Ma Ayra Ma JAŊ Ɓiirimma 17:12

Hu li ma an li ay u asina ni, an golosi ni u saɓak seŋu. Ni u semma aŋ ɦannana. An golosiya, maa dew viɗ ka kiɗi, viɗ ki ni ma magara di kam ana nam a viɗ kiyona. Nam viɗ ki kay a faɗ kini vun dla mayra ay ɓiiri jewra.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.

WIRA ŊGAYRA 17:11

Vabak ma li ay iiri ka cem cemi oloɗina ni mul ma kalavandina, nam u suu kiɗisiya suu jewna dew, nam tuɗ ni hu baamba.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

1 JAŊ 4:3

Lini sa ma ka min a hum u dlara li eg Yesu ndaɗtaɗi ni saa mamba col ay ka vi Lonaɗi, saara egem ndaɗta ni vi Babali ma vi Kristuna. Agi hum ki ana nam hin mbaya, cecemi nam mba ki hu duliyara da.