2 TESALONIKŊA 1:9 - Boy Lonana

⁹ Kaɓak masina ni ɓalakka a fafatta, ha ki day eg Bu Suuna u saɓak mamma bibiŋilna.

2 TESALONIKŊA 1:9 ပူးပေါင်းရင်းမြစ်များ

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

2 TESALONIKŊA 2:8

Hu li namma Sa ma Cona kal ay ki wanni Bu Suuna Yesu hin cam ki u musuk ma funumma lay, bulumum ki u bibiŋil mamba nam mbara.

MATIYE 25:46

Suu asina hin tuɗ duk kura ka daɓ kiɗira. Suu ɗegeena hin fi iirira ka daɓ kiɗira may.»

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

EZAYI 2:21

Asi hin tuɗ ŋgay tasi ki hu zul ɦinira, ko ndaa Yawe u kiɗikka vi bibiŋil mamba. Hu li ma nam col kolo hin mbuɗ ndaŋgara ki ndaana.

FILIPINA 3:19

Daɓ masira ni ɓalakka, loosina ni ɦayasi gaw, asi ŋga tasi ni kay dlara zolona, saa masira ni kay tlena vi duliyara.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 7:23

An hin dasi ana, An wagi ay kaɗi. Ҥuɗugi ha ki egen day, agi suu li dla cora.»

WIRA ŊGAYRA 20:14

Maɗna u lina vi suu miɗina cukusi duk mbo lum ma kura, mbo lum ma kura namma ni miɗ ma mbana.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

Boy Ma Ayra Ma LUK Ɓiirimma 13:27

Nam hin dagi olo ana, An ka wagi ana agi ni suu wanna naɗi. Ҥuɗugi tagi ha ki egenu, agi ni suu li dla cora.

EZAYI 66:24

Asi cuk ay ki kiɗik wa ni wi ni maɗ suu babali mansina sak sak. Njuful masina ka miɗɗi. Kura ŋgalasira ka tewɗi lay. Maɗ masina hin tuɗ ta suu warna halaŋ halaŋ.

EZAYI 2:19

Cukugi hu zul ɦinira, cukugi ga hu zul ndaŋgara ko ndaa Yawe u kiɗikka vi bibiŋil mamba. Hu li ma nam col kolona hin mbuɗ ndaŋgara ki ndaana.

EZAYI 2:10

Tuɗ ŋgay taŋ u ɦinira, ŋgay taŋ ga duk ndaŋgara kay ndaa Yawe u kiɗikka vi bibiŋil mamba.

MATIYE 22:13

Mulna di suu sun mamba ana, Ɗagam kom ki u semu, taɗam, gam ha ki hu li ndufunna. Hu li namma nam hin tiira, muɗ siim may.»

DANYEL 12:2

Bolow suu miɗi kaŋga duk ndaŋgarana hin dliɗ ki koloo, suu ɦiw hin fi iirira bay daɓpa may, suu ɦiw hin fi zolona a warak masi ma didinna may.

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

URA TIN AYRA 4:16

Kain tuɗ kak ha ki day hu mbassa Nod u maɗiina vi sene Edenna, ki day eg Yawe.

URA TIN AYRA 3:8

Faɗta heɓ heɓmi, semeɗna gijaŋ siira ɗaŋ, sana u caamba hum ana Yawe Lona mba gol senena, ni namu ni asi ŋgay tasi ki duk hum gugunina.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

Magaara JUD Ɓiiriɗta 1:13

Asi tli tasi ni u bil yona ka hu lum ŋgolna na, asi li dlara zolona ko kuffa na, asi ni ko ciciwra li ma ndaɗ col huna kaɗira na, Lona cukusi hu li ma ndufun girmindiŋŋa a fafatɗa.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

SOOLLA 51:11

Pereɗ iriŋ kiyo, golon coondaɗi, coonda halaŋ aŋ bulumunda kiyo.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

2 PIYER 2:17

Suu asina ni ko mbo goloŋ ma ki sooyna na asi ni ko ɗugulla semeɗna valawaɗ kira na. Lona min lina ha kasi hu zulla ŋgolla duk ndufunda.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

Boy Ma Ayra Ma JAŊ Ɓiirimma 5:14

Buu dagan ca ni, Yesu ŋgaf u nam hu Ziŋ Lonara, dam ana, «Huma, wandara ni aŋ garaɗ ki wa, li co a dlara daŋ faŋ su ndaɗta oloɗi.»

MATIYE 26:24

Goŋ Sanna hin miɗ ko magaara di ki fok jewra na. Hahawra ŋgolla kay sa ɦal Goŋ Sanna ki na. Nam vuɗ ki ginɗi ni mariyaɗ.»

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.

SOOLLA 16:11

Aŋ takan voɗta vi iirira, furira ŋgolla ha ni fokoŋu. Ha hu bik koŋ ma njufna, aŋ ɦan furira uɗ ka doɗira.

JOB 22:17

Suu asina di Lona ana, «Ҥuɗ taŋ ha ki egemiya, hinimi na en.» Lona ma Saɓakŋa ndak a lami me egemi nige?

JOB 21:14

Doli ɗini asi di Lona ana, «Ҥuɗ taŋ ha ki egemiya, a hum u gaɗ maŋgara ni ka irimi jiviɗi.

GA 8ATAMBARA 33:2

Nam di ana, Yawe mbay kolo kay ɦinira Sinayra ni magiya, nam tak tam ki hu mbassa Seirra, nam weleɗ ay kolo day kay ɦinira Paran. Nam mbay hu Meriba, hu Kades, u suu mam suu teteɗna buɓ buɓ doogo.

EZAYI 1:28

Suu babalira u suu li dla cora hin ba ki halaŋ. Suu noy Yawe kina halaŋ hin ba kiyo.