2 SAMUEL 8:6 - Boy Lonana

⁶ David tin suu komandana ki hu Siri ta Damassa. Suu Sirina mbuɗ ki ni suu sun suu vi David suu ɦam taarana. Yawe ɦal saɓakŋa maŋ David ni hu li ma nam tuɗ huna halaŋ halaŋ.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Muli suu li sunda vi Hadadezerna halaŋ wi ana suu Israelna su kasi wa. Ni asi heɓ duk ɦoŋosi u suu Israelna, hin lasi sunda. Suu Sirina mbuɗ ki ndaana a mbay njun goryoŋ Amonna.

2 SAMUEL 23:14

David ki ni hu liim ma ŋgayra ɗaŋ suu duu suu Filistinna ka ki doli hu Betlehem may.

2 SAMUEL 3:18

Li ma li dlara ndak wa. Gasi daŋ may Yawe ɓak ki kay David wa ana, U saɓak ko saan ma sunda, David, an hin suɗ suu man suu Israelna ki ko suu Filistinna, ki ko suu babali masisina halaŋ.»

2 SAMUEL 5:10

David mbuɗ ŋgolla ni mbuɗi na ɗow ɗow. Yawe, Lona ma Saɓakŋa ka u namu.

2 SAMUEL 7:9

An ay u aŋ hu li ma aŋ tuɗ ay huna halaŋ, an caŋ suu babali maŋsina ki fokoŋ halaŋ halaŋ. An hin tiniŋ sem ma ŋgolna kaŋu, ni sem ma suu ŋgolo suu kay ndaŋgarana tinim kasina.

2 SAMUEL 8:14

Nam tin suu komandana hu Edom. Hu Edom nam tin suu komandana ki bel bel. Suu vi Edomma halaŋ mbuɗ ki suu sun suu vi Davidna halaŋ halaŋ. Yawe hin ɦal saɓakŋa maŋ David hu li ma nam tuɗ huna halaŋ halaŋ.

2 SAMUEL 8:2

Nam ci suu Moabma hin ŋgaasi ni u zewna buurusi ki kaŋga kay ndaŋgara buuriya. Nam ŋga zewna mba' a casi kira may, zew ma hiŋŋa dew ni ma hinim iirina may. Suu Moabma mbuɗ ki ni suu sunda vi David suu lam sundana.

2 SAMUEL 8:7

David taa mbari lor ma suu sunda vi Hadadezerna, tuɗum ki hu Yerusalem.

2 MULINA 1:1

Hu li ma mulna Akab miɗ kina ni, suu Moabma mbuɗ yara min a suu Israelna ti kasi oloɗi.

2 MULINA 14:28

U dlara Jeroboam laɗta, duu ma nam duuna, nam tli Damas u Hamat mbassa vi suu Yudana ay ki maŋ suu Israelna. Dlaamba ka ɓiiri hu magaara Sunda vi Muli suu Israelnara.

2 MULINA 18:7

Yawe ay u namu. Dlara nam laɗta halaŋŋi nam faɗu. Nam mbuɗ yara u mul ma Asirina, min ka a hom yam kaŋga um oloɗi.

2 MULINA 3:4

Misa, mul ma Moabma, ni sa ma yoorina. Hu basara dew ni nam ɦal taara maŋ suu Israelna, gor timigii suu njufiina buɓ buɓ kis, gamlagina buɓ buɓ kis may, u tlimiɗisira cil barawna hu may maŋ mul ma Israelna.

1 DLAŊ MULINARA 18:13

Nam tin suu komandana hu Edom, suu Edomma halaŋ mbuɗ ki ni suu li sunda maŋ Davidna. Yawe ɦal saɓakŋa maŋ David hu li ma nam tuɗ huna halaŋ.

2 DLAŊ MULINARA 17:2

Nam cuk suu duuna ki hu ɦoŋzi ŋgolo ma saɓakŋa ma hu mbassa Yudara halaŋ halaŋ, hu ɦoŋzi ŋgolo ma Efrayim ma bum Aza yowom ka kina lay.

SOOLLA 140:7

An di Yawe ana, «Aŋŋi Loonna», Yawe, tin humuŋu, humun cen manda.

SOOLLA 60:10

Moab ni tassa ma an mbus tan huna, an cuk tuɓuru manna ni kay Edomma, suu Filistina dak tasi ki u tiina egenu.

VUN ŊGOLNA 21:31

Sana min tam ki u kulum mamma a juɓ buu ma yara, may a gasira saɓak ma ti ay fun duunana col ay ni ko Yawe.

1 SAMUEL 13:3

Jonatan ci sa ŋgol ma vi suu Filistinna ki hu Gibea, suu Filistinna hum boy namma. Na ɗaŋŋi Sol bu tokolomma hu mbassa halaŋ di ana, «Ko suu Hebrena hum boy namma haa.»

1 SAMUEL 14:1

Hu buu maa dew Jonatan ma goŋ Solna di gogoo mam ma sunda ana, «Mbaya, ɦuɗuy hu li ma vi suu Filistinna ma ha ki ii ko hiŋŋana.» Na may ni nam ne yam bum kaɗi.

1 SAMUEL 14:15

Suuna mbuɗ ki ndaana hu kaŋŋa, ki ɦoŋzi ma bagina lay, duk suuna halaŋ. Kaŋŋa u suu li dla cora mbuɗ ki ndaana lay. Ndaŋgara dlakka, ni ndaa ma vi Lonna.

1 SAMUEL 14:6

Jonatan di gogoo mam ma sunda ana, «Mbaya, ɦuɗuy ha hu li ma vi suu bay caw ɗiwisi ki tuna na. Kala Yawe li hin li u ay kala nige. Gasi daŋ may ay li ka bolowɗi lay ni, va doo Yawe ki a nam ɦaygi a su kasina kaɗi.»