2 SAMUEL 8:2 - Boy Lonana

² Nam ci suu Moabma hin ŋgaasi ni u zewna buurusi ki kaŋga kay ndaŋgara buuriya. Nam ŋga zewna mba' a casi kira may, zew ma hiŋŋa dew ni ma hinim iirina may. Suu Moabma mbuɗ ki ni suu sunda vi David suu lam sundana.

2 SAMUEL 8:2 ပူးပေါင်းရင်းမြစ်များ

2 SAMUEL 12:31

Suu hu ɦoŋzi nammana nam yowosi, asi tuɗ a li sunda u va ma ŋgaɗ guna u ɓuu kawina, njeɗ kawina. Nam cukusi a ci brikka. Nam li suu hu ɦoŋzi ma vi goryoŋ Amonna ni ko ndaɗta na. David u suu mamsina halaŋ hoŋ ay Yerusalem.

2 SAMUEL 8:6

David tin suu komandana ki hu Siri ta Damassa. Suu Sirina mbuɗ ki ni suu sun suu vi David suu ɦam taarana. Yawe ɦal saɓakŋa maŋ David ni hu li ma nam tuɗ huna halaŋ halaŋ.

2 MULINA 1:1

Hu li ma mulna Akab miɗ kina ni, suu Moabma mbuɗ yara min a suu Israelna ti kasi oloɗi.

2 MULINA 17:3

Salmanasar, mul ma Asirina, duu u namu, su kamu. Nam mbuɗ ki ga umu, warakam taara hu basara ni mamu.

1 DLAŊ MULINARA 18:2

Nam tli Moab, suu Moabma mbuɗ ki ni suu mam suu lam sunda, yasi gii kaŋga um warakam taara lay.

2 DLAŊ MULINARA 26:8

Suu Amonna lay warakam taara duuna ay ni mamu. Oziyas mbuɗ saɓak cocoo. Sem tii ha ki ta ta tew ay ki ii hakara u suu Egiptena.

SOOLLA 108:9

Galaad ni manu, Manasse ni varan lay, Efrayimmi jumba kay yanda, Yuda ni tokolo manda.

SOOLLA 18:45

hu li ma asi humun dlan ha na ni ka ŋgaan cocoo. Njaf suu daŋŋa halaŋ goɓ kaŋga fokonu.

SOOLLA 60:10

Moab ni tassa ma an mbus tan huna, an cuk tuɓuru manna ni kay Edomma, suu Filistina dak tasi ki u tiina egenu.

SOOLLA 60:8

Lona ɓak ay hu Ziim ma Teteɗna ana, an su kasi wa, an hin ɓorow ii Sekem kiyo, an hin ŋga suu man suu Sukkotna,

SOOLLA 83:6

Asi halaŋ vi vunusi ko tasi dew, asi vi galamba ni a duu u aŋga,

EZAYI 36:16

Ni agi hum ugi vun Ezekiyasɗi, kay mul ma Asirina di ay ana, Vagi banara u an ɗow, mbaagi ay egenu, gegelay ni hin ti vuɗ gugutlu mamma funum u vuɗ tulum mamma ɗow, hin ci yo ma hu goloŋ mambana may.

NDUMBA 24:17

An wiya, na may ni ka kay cecemira tuɗi. An saarasiya na may asi ka egen tokgi. Ay vi Yakob ciw velna day ki kolo wa. Vi Israel tokolora mulla tli ki kolo wa. Ndaɗ bulum lina vi Moab kiyo, hin ci goryoŋ Setna kiyo.

1 SAMUEL 10:27

Na may suu sunusi kaɗina di ana, «Sa namma hin suɗuygi ki ni nanage?» Asi ka minim dlaambaɗi lay, ka ɦam tlena ay ɦawaɗi lay. Na may ka min a taɓ tasi u nambi. Sol di va kaɗi.

1 SAMUEL 14:47

Hu li ma Sol tli mulla kay suu Israelna, nam duu u suu babali suu ŋguy kamma halaŋ u Moab, u goryoŋ Amonna u Edom u muli suu Sobana u suu Filistinna. Aragelay hu li ma nam pereɗ irim huna, nam su kasiya.

1 SAMUEL 22:3

David tuɗ ki tana hu Mispe ta Moabba. Nam di mul ma Moabma ana, «Hin voɗta maŋ bun asi u sun asi mbay taɓ u agi ta ta an wi dlara Lona hin laɗ u anda kiyo.»

1 SAMUEL 22:4

Nam tuɗusi fok mul ma Moabma. Asi kak u nam ta ta buu ma David lam hu liim ma ŋgayrana.