2 SAMUEL 7:8 - Boy Lonana

⁸ Cecem wanda ɗaŋŋi, aŋ hin ɓak saan ma sunda David ana, Yawe ma Saɓakŋa Kom Belna ɓak ana, Anni sa ma tlaŋ ay hu li ma taarana, ay ŋgoo yoorina a aŋ mbuɗ ki mul ma Israelna kay suu mansina.

2 SAMUEL 7:8 ပူးပေါင်းရင်းမြစ်များ

2 SAMUEL 12:7

Natan di David ana, «Sa namma ni aŋu. Na ɗaŋŋi Yawe Lona vi suu Israelna ɓak anaba, anni sa ma fuuruŋ a mul ma Israelnana, anni sa ma suɗuŋ ay ki ko Solna.

2 SAMUEL 14:13

Cara di ana, «Ni kay me aŋ li dlara ko ndaɗta nara ka u huu suu vi Lonanaɗi ɗaŋge? U dlara mulna li daɗta ni nam vi tam hu dlara kay nam hoŋ sa ma nam dikim kina ay kaɗi.

2 SAMUEL 23:1

Gola ni boy ma vi David ma daɓ daganna. David ma goŋ Jesena di ana, Sa ma ki kaki kolo dayna di ana, sa ma Lona vi Yakob fuurumma, ma soolla vi suu Israelna lam jivirana.

2 SAMUEL 24:17

David ɓak Yawe hu li ma nam wi sa sunda huulona ci suunana. Nam di ana, «Anni sa li sulukŋana. Anni sa li dla corana. Na ɗaŋŋi timigii suu wanna li ni me mayge? Ko koŋ li ni kan an u suu varanna.»

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

2 SAMUEL 6:21

David di Mikal ana, «Ni fok Yawe ma mananna, ŋgaɓan balam bukŋa, duk suu hu ziimma halaŋ a tinin a mulna kay suu vi Yawena, kay Israel, ni fok Yawe an luu njoŋŋa ni na.

1 MULINA 3:6

Salomon hoŋ dira ana, «Aŋ li jivira maŋ saaŋ ma sunda bun David cocoo, kay ana nam li sunda fokoŋŋi u ɗegeera u jivira may u huu ma haɓma fokoŋ may, aŋ golom u jivi ndaɗta gak gak ɦam goo ma hin varak ka balamam kay dlam mamba mullana may.

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

1 DLAŊ MULINARA 17:7

Cecem wanda ɗaŋŋi aŋ hin ɓak saan ma sunda David ana, Yawe ma Saɓakŋa Kom Belna ɓak ɗaŋŋi ana, anni sa tlaŋ ay hu li ma taarana, ay ŋgoo yoorina a mbuɗuŋ ki mulna kay suu man suu Israelna.

1 DLAŊ MULINARA 21:17

David di Lona ana, «An di ana ndum suuna aya ni ka anɗi su? Anni sa li sulukŋana, ni sa li dla corana. Na may ni timigii asina li ni me may ɗaŋge? Yawe Loonna ko koŋ li kan u suu mansina may ko kay suu maŋsina dla ndaɗta li kasi a dla coɗi.»

AMOS 7:15

Na may Yawe tlan ay ni ŋgoo u yoorina. Yawe hin dan ana, tuɗa, jokon boy manna ha ki maŋ suu man suu Israelna.

SUNDA 7:46

Nam David fi jivira fok Lona fi ni, joɓom ana nam ɦam voɗta nam min zina kay Lona vi Yakob.

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 SAMUEL 2:8

Nam hoŋ sa maŋina ay ki tlira kolo duk gugum ndaŋgara lay, taɗ sa hawra ay ki kay didiŋga lay, a asi kak ko tasi u goryoŋ mulinana a ɦasi li mulina kak huna kay ana saɓak ma kay ndaŋgarana ni vi Yawe. Nam tin u duliyara ni namu.

1 SAMUEL 9:16

«Vin faɗta ko wanda na an hin sunuŋ sana ay dew hu mbassa vi Benjaminda aŋ hin fuurum ki ko ndal mulnana maŋ suu man suu Israelna. Nam hin suɗ suu mansina ay ki ko suu Filistinna. Ni kay ana an wi suu mansina, tii masina tew ta ta egenu.»