2 SAMUEL 7:7 - Boy Lonana

⁷ Hu li namma halaŋ ma an poy ko tan u suu Israelna halaŋŋa ni na an di boy maŋ muli suu Israel suu an tinisi a taa suu man suu Israelna maa ka na dew lay ana, ni kay me aŋ minin zira mini u gu sedrena ka na dewɗi amegera kaɗi?

2 SAMUEL 7:7 ပူးပေါင်းရင်းမြစ်များ

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

1 DLAŊ MULINARA 11:2

Ay ki fok jew day lay, hu li ma Sol ay a mulnana lay ni aŋŋi sa ma sel goryoŋ Israelna ki lay hoŋosi ay layna. Doli ɗini Yawe, Looŋŋa, daŋ ana, aŋŋi sa ma hin taaran suu man suu Israelnana, aŋ hin li a mulna kay suu man suu Israelna.»

1 DLAŊ MULINARA 17:6

Hu li ma an tuɗ duk suu Israelna huna halaŋŋi na ni an di boy maŋ sa ma kaɓak maa dew duk suu kaɓak suu Israelna su, ma an ɦam voɗta a taaran suu mansinana dam ana, agi minin zi mayra yaɗ vii u gu sedrena kaɗi ni kay mege?

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

JEREMI 23:4

An hin tinisi suu taara kasiya. Asi hin taarasiya. Asi hin ka li ndaa oloɗi. Asi hin ka miɗ ki oloɗi. Sa dukusi dew lay hin ka hin bay hum sembi.» Di na ni Yawe.

JEREMI 3:15

An ɦagi suu taaragina ha u min manda. Asi hin taaragi ni u yal ma wi dlara cocoo.

EZEKIYEL 34:15

An u tanda hin taa yoori mansina ni an lay, hin mba buurusi ga ni an lay. Di ni Bu Suuna, Yawe.

EZEKIYEL 34:2

«Goŋ sanna di dlara jok vun Lona kay suu ŋgolo suu Israel suu taa yoorina. Bu Suuna, Yawe, di ana, hahawra kay suu Israel suu taa yoorina, asi suu taa tasira ɗowna. A jivira ni suuna taa ginni yoorina na ɗowɗi su?

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

MATIYE 2:6

Betlehem, ni zina hu mbassa Yudera, ni ka zi ma goonaɗi. Kayme mul ma hin a tuɗ fok suu man suu Israelna, hin vuɗ ni huwa.»

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

SUNDA 21:28

Sawalla ana, «Suu Israelna njunumiya, gola ni sa ma ka di boyna ki wet wet a ŋgul suu Israelna, ŋgul gaɗta vi Moizza, ŋgul Ziŋ Lonara lay. Cecemi nam yow suu Grekŋa ay um hu Ziŋ Lonara, mbuɗ li ma teteɗna ki njenjee.»

GA 8ATAMBARA 23:14

Sa ma asgaana gegelay ni li va ma vek zulla komu, hu li ma nam kal ki doŋ kaana wa ni nam vek zulla hin tos soɗom ki ga huwa.

1 PIYER 5:1

An di cecemi maŋ suu ŋgolo suu gol suu vina, an lay ni sa ma gol suu vina, sa ma diki kay wihawra vi Kristuna, an ka u bibiŋilla vi Lonara hin a tak kira. Gola ni va ma an a joɓosi kamma.