2 SAMUEL 7:3 - Boy Lonana

³ Natan di mulna ana, «Dlara halaŋ saaraŋ tini kaɗ a laɗta, aŋ tuɗ laɗu, kay ana Yawe ka u aŋu.»

2 SAMUEL 7:3 ပူးပေါင်းရင်းမြစ်များ

2 SAMUEL 7:4

Doli ɗini njeŋge ndaɗta gaw ni Yawe ɓak boy mamma maŋ Natan ko wanda na ana,

1 MULINA 1:8

May mul ma li ɓivunna, Sadok, Benaya ma goŋ Yoyadana, sa jok vun Lona, Natan, Simey, Rey u suu ŋgolo suu duuna vi David vunusi ka duk boy nammaɗi.

2 MULINA 4:27

Tew eg ɦinira tok eg sa ma vi Lonna may ni, ndaɗ vam sem koɗ na ndiŋ ndiŋ. Gehazi ɦuɗ tam ay a dikiɗ kira. Sa ma vi Lonna di ana, «Hiniɗu kay ndaɗ ka ni hu yoora. Yawe ŋgayan dlaaɗ ndaɗta ki irinu, dan boy namma ka ki jewɗi.»

1 DLAŊ MULINARA 22:7

David di Salomon ana, «Goronna, an saara ay hurun tanda a min zira kay sem Yawe, Loonna.

1 DLAŊ MULINARA 28:2

Mulna David col kolo dasi ana, «Humungi haa, gorsenna u suu mansina. An hurun ka tini a min zira Zandukka Galamba vi Yawera hin koɗ taɗ hura u li ma Looygina hin tin sem huna. An min tlena ka ki a miniɗta.

1 DLAŊ MULINARA 29:29

Sunda mulna David laɗ jewra ura daganda ka kaŋga ɓiiri hu sunda vi Samuel sa ma wi dlara li ha fokka duk sunda vi sa jok vun Lona Natanda, duk sunda vi Gad, sa ma wi dlara li ha fokkana may.

2 DLAŊ MULINARA 29:25

Nam cuk njaf suu vi Levina kalafi hu Ziŋ Yawera ni u tlesuu bura zeɗ zeɗ diŋŋa u gi dadarina ko ndal David dira na, u dira vi sa ma jok vun Lona, Natan u Gad, sa vi mulna ma wi dlara li ha fokkana. Kay gaɗ ndaɗta col ay ni ko Yawe fun suu mam suu jokom vunumma.

SOOLLA 20:4

Ko humum gam kay ɦal maŋga, nam vaŋ ɓivun maŋŋa jiviya.

SOOLLA 37:4

Hal furi maŋga ni ko Yawe, nam hin ɦaŋ tlesuu huruŋ minisina bel.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 SAMUEL 10:7

Hu li ma aŋ hin wi tle asina li wa ni, aŋ li dlara aŋ ndak a laɗta halaŋ, kay ana Lona ka u aŋu.

1 SAMUEL 14:7

Gogoo mam ma sunda dam ana, «Li halaŋ u saa maŋga. Ҥuɗ haa, an tuɗ ha kay cereŋ u saa maŋga.»

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»