2 SAMUEL 7:2 - Boy Lonana

² Mulna di sa ma jok vun Lona Natan ana, «Aŋ gola an kaki ni hu zira mini u gu sedrena, doli ɗini Zanduk Lonara ki tini ni hu duk ɦoŋ mbutluɓ barawna.»

2 SAMUEL 7:2 ပူးပေါင်းရင်းမြစ်များ

2 SAMUEL 11:11

Uri di David ana, «Zandukka, suu Israelna u Yuda ha ki bagi hu mbutluɓma. Malanna Joab u suu sun suu vi malannana buu ha ki ni bagi hu li ma duuna. An may ɗaŋŋi hin tuɗ vo varan ti may ci may buu u caanda may su? U iiri maŋga u iiri maŋ aŋ taŋgara an ka li dla ndaɗtaɗi.»

2 SAMUEL 12:1

Yawe sun Natan eg David. Nam tuɗ egem dam ana, «Suuna ka hu ɦoŋzina na mba', maa dew ɦizi may, ma hiŋŋa ɦaw may.

2 SAMUEL 5:11

Hiram, mul ma Tirna, sun suu sunda ay eg David u gu sedrena, suu li sun guna, suu ceɗ gogoyra min ziginina, asi min zira maŋ David.

2 SAMUEL 6:17

Asi kal Zanduk Yawera ki voo. Asi tiniɗ hu li ma asi miniɗna, maɗ duk hoŋ mbutluɓ ma David minim kaɗna. David li ɓivun ma ŋgalam ki ŋgalina fok Yawe u ɓivun ma heɓ dukka.

2 SAMUEL 7:17

Ni u dlara wanda halaŋ u dlara takaɗ ki halaŋ wanda may, Natan hin ɓak David ni na.

1 MULINA 1:22

Ndaɗ njaɗ u mulna na tu may ni sa ma jok vun Lona, Natan, kal ay usi may.

1 MULINA 1:8

May mul ma li ɓivunna, Sadok, Benaya ma goŋ Yoyadana, sa jok vun Lona, Natan, Simey, Rey u suu ŋgolo suu duuna vi David vunusi ka duk boy nammaɗi.

1 MULINA 4:5

Azariya ma goŋ Natanna ni a ŋgolla fok suu ŋgolo suu li sunda halaŋ. Zabud ma goŋ Natanna ni mul ma li ɓivunna ni sa ma eg mulna a dam gaɗtana lay.

1 MULINA 8:17

Bun, David, ay u saara a min zira kay sem Yawe, Lo ma vi suu Israelnana, hurumu.

1 DLAŊ MULINARA 14:1

Mul ma Tyrna, Hiram, cuk suu vun sunda ay eg David u gu sedrena, suu wi yal ceɗ gogoyra, suu wi ɓal guna a minim zira.

1 DLAŊ MULINARA 16:1

Asi kal Zandukka ay hin tiniɗ hu mbutluɓma David minim kaɗna hu dukka gayra. Asi hin li ɓivun ma ŋgalam ki ŋgalina u ɓivun ma heɓ dukka fok Lona.

1 DLAŊ MULINARA 22:7

David di Salomon ana, «Goronna, an saara ay hurun tanda a min zira kay sem Yawe, Loonna.

1 DLAŊ MULINARA 29:29

Sunda mulna David laɗ jewra ura daganda ka kaŋga ɓiiri hu sunda vi Samuel sa ma wi dlara li ha fokka duk sunda vi sa jok vun Lona Natanda, duk sunda vi Gad, sa ma wi dlara li ha fokkana may.

2 DLAŊ MULINARA 1:4

Kay Zandukka vi Lonara David tlaɗ ay hu Kiryat Yearim, tuɗuɗ ha ki vo Yerusalem. Nam tuɗ tiniɗ hu liiɗ ma miniɗna kaɗna hu mbutluɓma.

2 DLAŊ MULINARA 29:25

Nam cuk njaf suu vi Levina kalafi hu Ziŋ Yawera ni u tlesuu bura zeɗ zeɗ diŋŋa u gi dadarina ko ndal David dira na, u dira vi sa ma jok vun Lona, Natan u Gad, sa vi mulna ma wi dlara li ha fokkana. Kay gaɗ ndaɗta col ay ni ko Yawe fun suu mam suu jokom vunumma.

2 DLAŊ MULINARA 9:29

Dlara vi Salomon ta nam laɗta col ha hu gijaŋŋa ta ta daɓ maɗta halaŋ ka ɓiiri hu magaara yaɗ ana Sunda vi sa ma jok vun Lona Natan, sa ma jok vun Lona Ahiya ma Silona u dlara tak taɗ ki ii sa ma jok vun Lona Yedorra. Magaara daɓ dagan ndaɗta ka njaɗ Jeroboam ma goŋ Nebatna u mul ma Israelna.

SOOLLA 132:2

Humuŋ gaŋ kay dlara nam suu tam fok Yawe, nam vi vunum fok Ma Saɓakŋa vi Yakob lay.

SOOLLA 132:5

bay an fi li ma vi Yawena ki baɗi. Hal zina ki kay ma Saɓakŋa vi Yakobma.»

KALKIRA 40:21

Nam kal Zandukka ha kalafi hu mbutluɓma, cak ii Zandukka ha ki u baraw ma ŋgolna ko ndal Yawe di Moizza na.

Magaara Vi Sa Jok Vun Lona AGE 1:4

«Na ni jivi kagi a agi kak hu ziigi ma mini jivina hu li ma ziinda ka ki tooy kaŋgana su?

Boy Ma Ayra Ma JAŊ Ɓiirimma 2:17

Suu haɗi mamsina humusi gasi kay boy ma di ay ki hu magara ana, «Minda kay ziiŋŋa ŋgalan hurun ko kura na.»

SUNDA 7:46

Nam David fi jivira fok Lona fi ni, joɓom ana nam ɦam voɗta nam min zina kay Lona vi Yakob.