2 SAMUEL 7:16 - Boy Lonana

¹⁶ Fokoŋ wanni mul maŋga u ziiŋ lay hin li kakira na en, mul maŋga hin li saɓakŋa ni a fafaɗta.»

2 SAMUEL 7:16 ပူးပေါင်းရင်းမြစ်များ

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

2 SAMUEL 22:51

Nam ɦal saɓak ma ŋgolona maŋ mul mamma. Nam li dlara ɗegeera eg sa ma nam fuurumma, eg David u mul mamba a fafaɗta.

2 SAMUEL 7:13

Nammi sa ma hin min zira u senna. An hin wulum mul mamba kolo a fafaɗta.

2 SAMUEL 7:17

Ni u dlara wanda halaŋ u dlara takaɗ ki halaŋ wanda may, Natan hin ɓak David ni na.

1 MULINA 2:4

Yawe hin li dlara nam dandara kiyo ana, Lini goryoŋ poy jiviya, tuɗ fokon u ɗegeera u hurusi halaŋŋi ɦal tasi ki halaŋ may, saaŋ ma ka hin mbay a kak ka kay dlamba mulla fok suu Israelnaɗi.

1 MULINA 9:5

an hin hiniŋ a mulna kay suu Israelna ni na gak gak, ko ndal an di ay ki fok jew maŋ buŋ Davidta na may ana, Sa ma hin varak ka hu dlamba mulla fok suu Israelna ni sa ma kal ay ki hu njafaŋŋa.»

2 MULINA 19:34

An hin njun kay ɦoŋzi namma a suɗum kira. Ni kay tanda u saan ma sunda David.»

2 MULINA 8:19

May Yawe ka min a ɓalak mbassa Yudara kiɗi ni kay saam ma sunda David. Kay nam di ki ana nam hin ɦal pindil mayra ka tew kiɗira maŋ David u goryom a fafaɗta.

2 DLAŊ MULINARA 6:16

Cem wanda, Yawe, Lona vi suu Israelna, li dla mayra aŋ daɗ maŋ saaŋ ma sunda, bun Davidta, hu li ma aŋ dam ana, goroŋ ma aŋ vuɗumma hin kak ka kay dlamba mulla fok suu Israelna, hol ni ko goryoŋ poy jivi, hum u gaɗ manda, ko aŋ poy fokonda na may.

JOB 36:7

Nam ka tli irim ki kay suu ɗegeenaɗi. Asi ka laki kay dlamba mulla u mulina dew, asi lak hu na gak gak. Asi may ni ŋga tasiya.

SOOLLA 45:6

Mbuuru maŋga njaŋaraŋŋa saɓak cocoo. Suuna halaŋ cuk kaŋga uŋu, suu babali maŋsina halaŋ goɓ ga fokoŋu.

SOOLLA 72:5

Ko suu maŋsina goɓoŋ gak gak hu li ma faɗta u tilna ka li kiɗikka tuna ta ta hu vun daɓpa duliyara a daɓ kira.

SOOLLA 89:4

Aŋ di ana, «An njun galamba u suu an manasi kina, an su tan ki u David, saan ma sunda, ana,

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

JEREMI 17:25

Na ɗaŋŋi suu hin kal hu vun grek ma hu ɦoŋzi nammana ni suu mulina u suu ŋgolo masi suu sunda, ɓorow mulla vi Davidta fuli kay kulumina, hu puspusna. Asi lay suu ŋgolo masi suu sunda lay. Suu Yudana lay, suu Yerusalemma lay. Ҥoŋzi namma suuna hin kak hurum a fafaɗta.

JEREMI 33:17

Na ɗaŋŋi Yawe ɓak anaba hu njafna vi Davidna sa hin ka hin bay kak kay mulla fok suu Israelnaɗi.

EZEKIYEL 37:25

Asi hin lakŋi hu mbassa an ɦaɗ maŋ saan ma sunda Yakobpa. Mbassa somoyogi ay jew cuki hura. Asi hin cuk huruɗ ni asiya. Goryosiya u goryoŋ goryosina lay lak huruɗ a fafaɗta. Saan ma sunda David hinni mul masina a fafaɗta may.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

MATIYE 16:18

An daŋ ana aŋŋi Ҥinira, ɦini ndaɗta an min zinda kaɗu. Saɓak Maɗna lay ni ka ndak a laɗ va egeɗɗi.

Boy Ma Ayra Ma JAŊ Ɓiirimma 12:34

Suu molina hoŋom dira ana, «Ami haɗ hu magaa mamira gaɗta ana Sa Lona Fuurumma hin kak iiri ni na gak gak. Na ɗaŋŋi, aŋ hin di ana Goŋ Sana na hin col kolo kay ndaŋgara ni nanage? Goŋ Sa namma ni gege?»

HEBRENA 1:8

Kay Goona ni, Lona di ana, «Dlam maŋga mulla, Lona, tiniŋ kaɗ ni a fafatɗa. Aŋ ti mul maŋga ni u ɗegeera.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.