2 SAMUEL 7:10 - Boy Lonana

¹⁰ An hin ŋgaɓ lina maŋ suu man suu Israelna, an hin tinisi huwa asi hin kak hu eg liisiya. Asi hin ka li ndaa oloɗi, suu ci maɗna hin ka hoŋ egesi a lasasi ko ndal jewra na oloɗi.

2 SAMUEL 7:10 ပူးပေါင်းရင်းမြစ်များ

2 MULINA 21:8

An ka hin suu Israelna a tuɗ ki day eg ndaŋgara an ɦaɗ ka maŋ somoyosira oloɗi. Lini asi li u gaɗ manda an ɓiirisira ay fun saan ma sunda Moiz wandara.»

1 DLAŊ MULINARA 17:9

An hin man lina ki kay suu man suu Israelna. An hin ŋgeeresi usi kaŋgaa. Asi hin kak eg liisi ma dewna. Asi hin ka li ndaa oloɗi. Suu ci suuna kina hin ka hoŋ a dogosi vunusi ko jewra na oloɗi.

2 DLAŊ MULINARA 33:8

An hin ka tuɗ suu Israelna ki day eg mbassa an ɦaɗ ay maŋ somoyosira oloɗi. Lini asi li u gaɗta an dasira ay fun saan ma sunda Moizza, gaɗta halaŋ u nera lay u dlara an min ana asi laɗura lay.»

SOOLLA 44:2

Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

SOOLLA 44:4

Asi ti mbassa ni ka u saɓak masinaɗi, tlegeyesi suu duuna suɗusi ka ni asiɗi lay, ni u bik koŋ ma njufna, u kiɗik maŋga kay aŋ minisi ɦay.

SOOLLA 80:8

Lona ma Saɓakŋa Kom Belna, hoŋomi ay balamamiya, tak kiɗik maŋga ay kamiya, suɗumi kiyo.

SOOLLA 80:9

Aŋ paɗ gugutlura ay ki hu mbassa Egiptera, mba dik njaf suu daŋŋa ki, hin paɗ ki hu joosiya.

KALKIRA 1:22

Faraw ɦal voɗta maŋ suu mamsina ana, «Kemba vuɗ wilira, gor njufiina halaŋ cukusi ki duk mbo lum ma Nilna, hin gorɓiina iiri may.»

KALKIRA 15:17

Aŋ, Yawe, tuɗusi kiyo, lakasi kay ɦini maŋga ni hu li ma aŋ hin kak dukusina. Koŋ min li namma ni namu, Bu Suuna, min ni mbutluɓ ma teteɗna.

EZAYI 5:2

Nam dalaɓ lina, yow gogoyra kiyo, zaa njaf tlesuu jivina huwa. Duk gayra ni nam min li ma em gugutluna hu may vek zulla huwa. Nam ka juɓmi vuɗ gugutlura jivira. Na may nam fi ni vuɗ mayra cora.

EZAYI 5:7

Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.

EZAYI 60:18

Hin ha fokka ni della ya ta las suuna ka njaɗ hu mbas magira oloɗi. Ka li ii hagara u suu ŋguy kay mbas magiranaɗi lay. Aŋ hin tin sem gulumun maŋŋa ni ana, «Suɗta.» Vun grekŋa aŋ hin yammi ana, «Geleɗta.»

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

JEREMI 18:9

An ndak hoŋ li na kolo minda ɗowba hoŋ mulla tinda balamaɗ lay.

JEREMI 24:6

Irin ka tinira kasi u oora, an hin hoŋosi ay hu mbas ndaɗta, an hin mbuɗusi ki saɓaki, an hin ka hawaɗasi kiɗi, an hin hoŋosi balamasiya, an hin ka paɗasi sariyasi kiɗi.

EZEKIYEL 28:24

«Bu Suuna di ana, suu ŋguy kay suu Israelna halaŋ sa ka las suu Israelna oloɗi, sa ma haki irisi ko ndal wayra na kaɗi, dew lay kaɗi. Suuna hin wi ki ana, anni Yawe.

Magaara Vi Sa Jok Vun Lona OZE 2:18

Va hin li hu buu nammana ni, Yawe di ana ndak hin yan ana, «Njufunu». Ndak hin ka yan ana, «Baal manna, malanna,» oloɗi.

AMOS 9:15

An hoŋosi kay ndaŋga masira, sa hin ka dikisi ki kay ndaŋga masira oloɗi, ndaŋga mayra an ɦasirara. Yawe, Looŋŋa, di na.

WIRA ŊGAYRA 21:4

Nam hin vaasi simina ki irisiya, sa hin ka a miɗ oloɗi, haw hawra kaɗi lay, yoora u tii tara ka hin liɗi, tlesuu basina hin bulum ki halaŋ.»

SUU KAƁAKŊA 4:3

Suu Israelna yow tiina eg Yawe kay Sisera u pus pus kawina kom na kis kis dleeŋe. Nam las suu Israelna cocoo, basara na dok-mba'.

1 SAMUEL 13:17

Suu a li dla corana sel ay ki hu kaŋŋa duk suu Filistinna, irisi ɓorowi duk hindi. Suu jewna tin irisi kay Ofra hu mbassa Sualla.