2 SAMUEL 6:7 - Boy Lonana

⁷ Yawe mbuɗ ki yara eg Uza ŋgolo. Lona hin waɗam hu li namma kay dla cora li komba ni na gaw. Nam miɗ hu li namma eg Zanduk Lonara ni na tok.

2 SAMUEL 6:7 ပူးပေါင်းရင်းမြစ်များ

2 SAMUEL 6:8

David hurum beŋ kiyo kay ana Yawe co ɦulotta ci Uza kira. Karammi tu lay ni li namma yam ana ɦulotta ci Uza kira.

1 DLAŊ MULINARA 13:10

Yawe mbuɗ ki yara u Uza, camu, kay ana nam maɗ kom kay Zandukka. Nam miɗ hu li namma fok Lona.

1 DLAŊ MULINARA 15:13

Gasi daŋ may kay ana dlara li ki jewra ni agi kaɗi, Yawe, Looygina, camiya, kay ana ami halam ka u gaɗtaɗi.»

1 DLAŊ MULINARA 15:2

Na ɗaŋŋi nam di ana, «Suu Levina tli Zandukka vi Lonara ni asi doy hol, kay ana Yawe mansi ki a tli Zandukka vi Yawera, hin lam sunda a fafaɗta may.»

NDUMBA 1:51

Lini a jok u Ziŋ Lonara kiyo ni njaf suu vi Levina hawaɗ tlesuu min zira tokka ni asiya, li ma asi cuk huna, suu vi Levina hin pi Ziŋ Lonara kolo ni asi may. Sa ma daŋ ŋgen tam ay huwa ni daŋgay mamma ni miɗna.

NDUMBA 4:15

Aragelay hu li ma suu Israelna a jok usira ni Aaron u goryom boɗ yam tlesuu teteɗna ki halaŋ, ŋgoo dagan njaf suu vi Kehatna mbay yowosi ni na tuwa. Ka suu Kehatna ŋgen kosi eg tlesuu teteɗnaɗi, li ka naɗi ni asi miɗ kiyo. Gola sunda vi goryoŋ Kehatna ta asi laɗ hu zira tokka ni na.

1 SAMUEL 25:38

Tew ki ko va ma buu doogo na ni, Yawe waɗ Nabal nam miɗ kiyo.

1 SAMUEL 6:19

Yawe ci suu hu Bet-Semesna kiyo, kay ana asi gol huu Zanduk Yawera. Nam ci njufiina dukusi dok-kiɗisiya. Suuna mbuɗ ki hahawra kay ana Yawe casi ki cocoo.