2 SAMUEL 6:19 - Boy Lonana

¹⁹ Olo nam hin ɓorow komnjodira ki maŋ suuna halaŋ, maŋ suu Israel suu bolowna, njufiina u boyogina gegelay bel. Suuna halaŋ gegelay hin tuɗ vo varamu.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Hu li ma David kom daɓ ki eg ɓivun ma ŋgalam ki ŋgalina u ma heɓ dukka may ni nam paɗ vunum ki kay suuna u sem Yawe ma Saɓakŋa Kom Belna.

2 SAMUEL 6:20

David kal vo a paɗ vunum ki kay ziimba. Mikal goŋ Solla kal ay ki fokom hin dam ana, «Mul ma Israelna li dlara jivira karam wa, nam gi u tam ki fok suu mam suu sunda u mborɓogi mamsina ko ndal sa ma sunum kaɗina na.»

1 MULINA 8:66

Hu buu ma kalavandina ni Salomon hin suuna tuɗ ki voo. Asi gi deɓ maŋ mulna si si ni, cuk tasi gaw gaw, tuɗ vo hu ziisiya. Asi furi coco kay jivira Yawe, laɗ maŋ Davidta ura laɗ kay saam ma sunda u suu mam suu Israelna halaŋga.

1 DLAŊ MULINARA 16:3

Olo, nam hin ɓorow nus mappana may, komnjoɗi tumura may, komnjoɗi wana may maŋ suu Israelna halaŋ, njufiina ɗowba boyogina.

1 DLAŊ MULINARA 16:43

Suuna halaŋ gegelay tuɗ vo varamu. David hin hoŋ dagan a paɗ vunum ki kay ziimu.

2 DLAŊ MULINARA 30:24

Kay ndaɗta mul ma Yudana, Ezekiyas, yow mbutlina ki maŋ suu tokina na buɓ, yoori suu gorina ni buɓ buɓ kiɗisiya may. Suu ŋgolo suu mulina yow ki kay tasi ni mbutlugina buɓ, yoori suu gorina buɓ buɓ doogo may. Muli suu li ɓivunna bolow coco li tasi ki teteɗ may.

2 DLAŊ MULINARA 7:10

Ŋgoo dagan buu ma dok-mba' yam hindina hu til ma kiɗisiyana ni mulna njay suu Israelna ki voo. Asi tuɗ vo ni u furira. Hurusi li furira coco kay ana Yawe takasi jivi mamba ki egesi coco ɦay. Tak oo mamba ki kay David, kay Salomon, kay suu mam suu Israelna halaŋ.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

SOOLLA VI SALOMON 2:5

Ҥan ti ma jivina u vuɗ gugutluna a ɦan saɓakŋa, koɗon tan u vuɗ maŋgora, kay ana tuguɗi zoŋga ka lanu.

EZEKIYEL 45:17

«Nammi sa ma ɦal tlena maŋ muli suu li ɓivun ma kay suuna belna, u ɓivun ma lam u fuɗta u sum veŋŋa hu buu ma luuna, suu belna hu luu ma vun basara wilira, hu buu ma vi Lonna, hu buu ma daŋ ma suu Israelna tok tasina halaŋ. Mulna ɦal tlesuu li ɓivunna ha halaŋŋi namu, ɓivunna halaŋ, ɓivun ma bulum cora kina, ɓivun ma taɓ duk ɦoŋga a bulum cora vi suu Israelna kira.»

Magaara Vi Sa Jok Vun Lona OZE 3:1

Yawe dan ana, «Tuɗ olo, min ca mayra sa daŋŋa miniɗta ta ɦal ki a li zoŋgara. Kay ana minda vi Yawe kay goryoŋ Israelna ni na. Asi may ɗaŋŋi pereɗ irisi eg loogi suu daŋŋa. Asi minni komnjoɗi ma vi loogi suu ɦawanana.»

SUNDA 20:35

An takagi ki halaŋ halaŋ ana li sunda, kay a njun u suu hawra, saaragi kay boy ma vi Bu Suuna Yesu u tamba damma, jivira ka ŋgol suwa kay sa ma ɦal vama kina, su ma fina.»

EFESNA 4:8

Ko magaara dira na, «Hu li ma nam ful kolo dayna nam mbaa suu daŋgayna ay ki umu, nam ɦal ɦala maŋ suuna.»

JOSUWE 22:6

Josuwe paɗ vunum ki kasiya, hin sunusi hu liisina may. Asi tuɗ hu mbas masira hu ziisina may.