2 SAMUEL 6:18 - Boy Lonana

¹⁸ Hu li ma David kom daɓ ki eg ɓivun ma ŋgalam ki ŋgalina u ma heɓ dukka may ni nam paɗ vunum ki kay suuna u sem Yawe ma Saɓakŋa Kom Belna.

2 SAMUEL 6:18 ပူးပေါင်းရင်းမြစ်များ

URA TIN AYRA 14:19

Nam paɗ vunum kay Abram ki ko wanda na ana, «Ko Lona ma Kolona ma li huulona u ndaŋgara paɗ vunum ki kay Abram.

2 SAMUEL 6:19

Olo nam hin ɓorow komnjodira ki maŋ suuna halaŋ, maŋ suu Israel suu bolowna, njufiina u boyogina gegelay bel. Suuna halaŋ gegelay hin tuɗ vo varamu.

1 MULINA 8:14

Suu Israelna halaŋ tok aya coli kolo u sesiya. Salomon pereɗ irim ay egesi gasi deɓpa.

1 MULINA 8:15

Nam hin di ana, «An gi deɓ maŋ Yawe, Lona vi suu Israelna, nam li dlara nam vi vunum u bun, David, kaɗta ki wa u tamba ko nam di ana,

1 MULINA 8:55

Hu colom kolona ni, nam paɗ vunum ki kay suu Israelna, suu ka toki egemma halaŋ di ana,

1 DLAŊ MULINARA 16:2

Hu li ma David daɓ ɓivun ma ŋgalam ki ŋgalina ki u ma heɓ dukka may ni, nam paɗ vunum ki kay suuna u sem Yawe.

2 DLAŊ MULINARA 30:27

Ŋgoo dagan muli suu li ɓivunna yow kolo paɗ vunusi ki kay suuna. Delesi hum ki duk suuna kal ha ki kolo huu Lona, cen masira tew ha ki huulona, hu liim ma teteɗna.

2 DLAŊ MULINARA 31:8

Hu li ma Ezekiyas u suu ŋgolo mamsina wi tle asina molira na ni, asi gi deɓ Yawe u suu mam suu Israelna cocoo.

2 DLAŊ MULINARA 6:3

Suu Israelna halaŋ yow ki kolo u sesiya. Salomon pereɗ irim egesi gasi deɓpa.

SOOLLA 129:8

Suu jak hu voɗtana ka di ana, «Yawe paɗ vunum ki kagi wa,» naɗi. Ami gaŋ deɓ u sem Yawe.

KALKIRA 39:43

Moiz wi sunda asi laɗta na ni, asi li gasi ko Yawe dira na may. Kay ndaɗta Moiz paɗ vunum ki kasiya.

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

JOSUWE 22:6

Josuwe paɗ vunum ki kasiya, hin sunusi hu liisina may. Asi tuɗ hu mbas masira hu ziisina may.