2 SAMUEL 5:2 - Boy Lonana

² Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

2 SAMUEL 5:2 ပူးပေါင်းရင်းမြစ်များ

MATIYE 2:6

Betlehem, ni zina hu mbassa Yudera, ni ka zi ma goonaɗi. Kayme mul ma hin a tuɗ fok suu man suu Israelna, hin vuɗ ni huwa.»

MISE 5:4

Nam kay tamba hin li ni a heɓpa. Hu li ma Asiri suu kay mbas maygira, hin tooygi ziygi kiyo, aygi hin sunuygi suu taa yoona kiɗisiya kamu, mulina kalavandi may.

EZEKIYEL 34:23

An hin tin sa ma a taaran yoori mansinana ni na dew daŋ. Nam hin taarasiya, hin li ni saan ma sunda David. Nam hin taarasi ni namu. Nam hin li ni a sa ma taa yoorina.

Boy Ma Ayra Ma JAŊ Ɓiirimma 10:11

«Anni sa ma taa yoona jivina, sa ma taa yoona jivina ba iiri mamba ki kay timigii mamsina.

2 SAMUEL 7:7

Hu li namma halaŋ ma an poy ko tan u suu Israelna halaŋŋa ni na an di boy maŋ muli suu Israel suu an tinisi a taa suu man suu Israelna maa ka na dew lay ana, ni kay me aŋ minin zira mini u gu sedrena ka na dewɗi amegera kaɗi?

EZAYI 40:11

Ko ndal sa ma taa yoorina na, nam ka taa yoori mamsina, nam tokosi yasi ay halaŋ u bik komu. Nam yow gor timigii suu gorina kom koloo, tuɗ cukusi hu li ma asi a ci pona.

1 SAMUEL 25:30

Hu li ma Yawe hin li dla mayra nam daɗta eg malanna jivira, nam hin tiniŋ a mulna vi suu Israelna.

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

1 SAMUEL 18:13

Sol ɦuɗum ki egem day, tinim ki a mulna kay suu buɓma. David tuɗa, hin gi tam fok suuna.

1 SAMUEL 16:1

Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

1 SAMUEL 18:16

Na may suu Israelna halaŋ u suu vi Yudana minni David kay ana nammi sa tuɗ hoŋ ay fokosina.

1 SAMUEL 18:5

Hu sunda sunumba bel ni, hu li ma Sol sunum huna bel ni, David fi u dlaamba kiyo. Sol tinim a ŋgolla kay suu mam suu duuna. Suuna halaŋ wam ki jiviya, suu li sunda vi Solna lay.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

1 SAMUEL 13:14

Na may cecem wanda mul maŋga hin ka li oloɗi. Yawe hal sana u min mamba. Yawe hin kakam mulna kay suu mamsina wa, kay ana aŋ li ka u gaɗta Yawe haɗaŋgaraɗi.»

1 SAMUEL 9:16

«Vin faɗta ko wanda na an hin sunuŋ sana ay dew hu mbassa vi Benjaminda aŋ hin fuurum ki ko ndal mulnana maŋ suu man suu Israelna. Nam hin suɗ suu mansina ay ki ko suu Filistinna. Ni kay ana an wi suu mansina, tii masina tew ta ta egenu.»

2 MULINA 20:5

«Hoŋ dagan tuɗ di Ezekiyas, mul ma fok suu mansinana, ana, Yawe, Lo ma vi buŋ, Davidna, di ana, an humuŋ cen maŋgawa, waŋ simi maŋŋawa may, jiviya an min garaɗaŋ kiyo, hin buu hindi ni aŋ hin tuɗ kolo hu Ziŋ Yawera.

URA TIN AYRA 49:24

Na lay ni gu mbuuru mamba kawi kom eŋe. Kom ka sooɗi kay Lona ma Saɓakŋa vi Yakob njun umu. Nam hin mbuɗni a sa taa suu Israelna.

1 DLAŊ MULINARA 11:2

Ay ki fok jew day lay, hu li ma Sol ay a mulnana lay ni aŋŋi sa ma sel goryoŋ Israelna ki lay hoŋosi ay layna. Doli ɗini Yawe, Looŋŋa, daŋ ana, aŋŋi sa ma hin taaran suu man suu Israelnana, aŋ hin li a mulna kay suu man suu Israelna.»

2 DLAŊ MULINARA 1:10

Cemi wanda aŋ ɦan mbeleŋŋa u wira kay a an wi yal ma tuɗ fok suu asinana. Sa ma ndak a kak mulla kay suu maŋsina suu zuli coco asina na ni gege?»

2 SAMUEL 6:21

David di Mikal ana, «Ni fok Yawe ma mananna, ŋgaɓan balam bukŋa, duk suu hu ziimma halaŋ a tinin a mulna kay suu vi Yawena, kay Israel, ni fok Yawe an luu njoŋŋa ni na.

2 SAMUEL 7:8

Cecem wanda ɗaŋŋi, aŋ hin ɓak saan ma sunda David ana, Yawe ma Saɓakŋa Kom Belna ɓak ana, Anni sa ma tlaŋ ay hu li ma taarana, ay ŋgoo yoorina a aŋ mbuɗ ki mul ma Israelna kay suu mansina.