2 SAMUEL 5:10 - Boy Lonana

¹⁰ David mbuɗ ŋgolla ni mbuɗi na ɗow ɗow. Yawe, Lona ma Saɓakŋa ka u namu.

2 SAMUEL 5:10 ပူးပေါင်းရင်းမြစ်များ

URA TIN AYRA 21:22

Hu coki ndaɗta ni Abimelek u Pikol, ma ŋgol asgaa mamsina, mbay eg Abraham dam ana, «Lona ka u aŋ hu dlara aŋ laɗta halaŋ.

2 SAMUEL 3:1

Duuna li ŋgol coco duk ɦoŋzi ma vi Solna u ma vi Davidna. David seŋ minda min tamba kaɗi. Ҥoŋzi ma vi Solna heɓ ki cocoo, mbuɗ ki maŋŋiya.

2 SAMUEL 7:9

An ay u aŋ hu li ma aŋ tuɗ ay huna halaŋ, an caŋ suu babali maŋsina ki fokoŋ halaŋ halaŋ. An hin tiniŋ sem ma ŋgolna kaŋu, ni sem ma suu ŋgolo suu kay ndaŋgarana tinim kasina.

2 SAMUEL 8:14

Nam tin suu komandana hu Edom. Hu Edom nam tin suu komandana ki bel bel. Suu vi Edomma halaŋ mbuɗ ki suu sun suu vi Davidna halaŋ halaŋ. Yawe hin ɦal saɓakŋa maŋ David hu li ma nam tuɗ huna halaŋ halaŋ.

2 SAMUEL 8:6

David tin suu komandana ki hu Siri ta Damassa. Suu Sirina mbuɗ ki ni suu sun suu vi David suu ɦam taarana. Yawe ɦal saɓakŋa maŋ David ni hu li ma nam tuɗ huna halaŋ halaŋ.

JOB 17:9

Na may ko sa ma ɗegeena tuɗ fok u ɗegee mamba. Sa ma duk kom ki teteɗna lam ki teteɗ hu olo.

SOOLLA 24:10

Mul ma bibiŋil namma ni gege? Ni Yawe ma Saɓakŋa Kom Belna, nammi mul ma bibiŋilna.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

VUN ŊGOLNA 4:18

May voɗta vi suu ɗegeena ni kiɗikka fo lina, kiɗik ndaɗta tuɗ ha fok gak gak ɓo lina kiyo.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

Magaara Vi Sa Jok Vun Lona AGE 2:4

Cecem wanda Yawe di ana Zorobabel so uŋ kiyo, so uŋ kiyo Josuwe, goŋ Yossadakŋa, mul ŋgol ma li ɓivunna, soogi ugi kiyo agi suu hu mbassa hiŋga halaŋ. Yawe di ana lagi sunda, kay an ka u agiya. Yawe, ma saɓakŋa kom belna, di na.

Boy Ma Ayra Ma LUK Ɓiirimma 2:52

Yesu wula, mbuɗ wi dlara, nam mbuɗ jivi fok Lona fok suuna lay.

ROMMA 8:31

Ni aygi hin daygi ana mege? Lini Lona ni maygina ni sa hin halaygi a honira ni gege?

1 SAMUEL 18:12

Sol li ndaana ko David kay ana Yawe u namu, hin Sol kiyo.

1 SAMUEL 18:14

Hu sun mamba bel ni, nam fi u dlaamba kiyo, Yawe u nam lay.

1 SAMUEL 18:5

Hu sunda sunumba bel ni, hu li ma Sol sunum huna bel ni, David fi u dlaamba kiyo. Sol tinim a ŋgolla kay suu mam suu duuna. Suuna halaŋ wam ki jiviya, suu li sunda vi Solna lay.