2 SAMUEL 24:17 - Boy Lonana

¹⁷ David ɓak Yawe hu li ma nam wi sa sunda huulona ci suunana. Nam di ana, «Anni sa li sulukŋana. Anni sa li dla corana. Na ɗaŋŋi timigii suu wanna li ni me mayge? Ko koŋ li ni kan an u suu varanna.»

2 SAMUEL 24:17 ပူးပေါင်းရင်းမြစ်များ

URA TIN AYRA 18:23

Abraham ɦuɗ tam ay joɓ ana, «Aŋ hin ba suu ɗegeena u suu cona lay su?

URA TIN AYRA 44:33

Van vunun kay hinin an kak ka kay sem goona a mbaɓu maŋŋa, hin gogoona hoŋ vo u gorsemma.

2 SAMUEL 12:13

David di Natan ɗaŋŋi ana, «An li sulukŋa eg Yawe.» Natan di David ana, «Yawe u saa mamba bulumuŋ suluk maŋŋa ki wa. Aŋ hin ka miɗɗi.

2 SAMUEL 24:10

David vun dikim gijaŋ ɓikim hu li ma nam ndum suuna ay kina. David di Yawe ana, «Ni suluk ma ŋgol ma an lamma. Cecem wanda ɗaŋŋi Yawe bulum cora vi saaŋ ma sundara ki bulumge. Kay ana an li dla ndaɗta ni ko sa puluɗina na.»

2 SAMUEL 7:8

Cecem wanda ɗaŋŋi, aŋ hin ɓak saan ma sunda David ana, Yawe ma Saɓakŋa Kom Belna ɓak ana, Anni sa ma tlaŋ ay hu li ma taarana, ay ŋgoo yoorina a aŋ mbuɗ ki mul ma Israelna kay suu mansina.

1 MULINA 22:17

Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

JOB 42:6

Cemi ni kay boy man ma an damma zolona van funun wa, an hom wa. Cemi ni an ka ci way oloɗi.

JOB 7:20

Lini an li coo, va ma ŋgeneŋ dukŋa ni mege? Aŋ sa ma gol iirira vi suu warnana. Aŋ hinin a ciiŋga van na ni kay mege? Dlaanda iriŋ nekka ni ko me nage?

SOOLLA 32:5

An daŋ dla coonda ki halaŋ, an ŋgay coon taa ka kiɗi. An di ana, «An hom coonda ki fok Bu Suuna», aŋ tlan nek coonda ki kan wa.

SOOLLA 44:11

Aŋ mbuɗumi yow liŋŋa fok suu babali mamsina, suu gonok mamsina ɦurumumi tlegeyemi ki wa.

SOOLLA 74:1

Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?

SOOLLA 78:71

Nam yam ay ni u timigii mamsina a taarasira, nam mbuɗum a sa ma taa njaf suu vi Yakobma, suu Israelna ni suu hu njafamma.

KALKIRA 10:16

Faraw gi sunda a hal Moiz u Aaron ay na zak zak ana, «An li cora eg Yawe, Loogina, egegi agi lay.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

JONAS 1:12

Nam dasi ana, «Tlangiya gangi ki duk mbona, ni babaana hin seŋ tamu. An wi ki ana babaana lagi cocora ni kay boy manna.»

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

NDUMBA 16:22

Asi girif kaŋga daɓ vogosi ga di ana, «Ҥii, Lona, Lo ma ɦal musukka huu tlena halaŋŋa, sa ma dewna li cora aŋ min tin co ndaɗta kay suuna na halaŋ gaw su?»