2 SAMUEL 21:10 - Boy Lonana

¹⁰ Rispa ta goŋ Ayara yow mbumbu bolna boɗom kay ɦinira ay hu gijaŋ feɗ tlena day ta ta yo ma ay kolo huulonana si ki kasiya. Ndaɗ ka hin layagi suu kolo huulonana a cuk kaŋga kasi faaliɗi. Mburi suu bagina lay ka mba hu njeŋgeɗi lay.

2 SAMUEL 21:10 ပူးပေါင်းရင်းမြစ်များ

URA TIN AYRA 40:19

Buuna hin hindi Faraw hin kaaŋ yaŋ kiyo, hin ɓalaŋ ki kolo hu guna, layagina hin komoŋ kiyo.»

2 SAMUEL 21:11

Asi jok David kay dlara Rispa ta goŋ Ayara laɗta, ta banaŋ Solla.

2 SAMUEL 3:7

Sol banamba dew seɗ ana Rispa ta goŋ Ayara. Isebaal di Abner ana, «Aŋ buu u banaŋ bunda ni kay mege?»

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

EZEKIYEL 39:4

Aŋ u suu maŋ suu duuna suu bolow cocona, agi hin miɗ ni kay ɦinira Israella. An hin ɦagi ɦaaragi ki ni maŋ layagi suu pii kolona. Vabakgi suu ŋgoo bagina hin komogi ki ni asiya.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

JOEL 1:18

Ko yoorina oy tasiya, mbutlina ka guruɗta kiyo, kay li ma asi fi haɗna a tira ka oloɗi. Yoori suu gorina miɗ ki lay.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

ZAKARI 10:1

Joɓogi Yawe kay mbo lo ma hu til faɗtana. Yawe mba ɗugulla ay ni namu. Nam si yona ay kaŋga ŋgolla cocora ni namu, ɦal vuɗ tlena bagi hu senena maŋ gegelay ni namu.

GA 8ATAMBARA 11:14

An hin sagi yona hu mbas magira u tilim tew tew may, yo ma benewna u ma vun semeɗnana lay. Agi hin feɗ wa ble magina u sum veŋ ma wilina u mbulna may.

GA 8ATAMBARA 21:13

Fokoɗ baraw ma asi vaɗ ay daŋgayna u namma kiyo, ndaɗ hin kak vo varaŋ may, ndaɗ li tilna dew a tii somoyoɗ suu agi casi kina, ŋgoo dagan aŋ hin tuɗ egeɗu, ɗumuɗ ki a caaŋga.

GA 8ATAMBARA 21:22

Lini sana li suluk ma cona, kaam ɓakŋa kam ana cam kiyo, ɓalam ki kolo eg guna.

GA 8ATAMBARA 21:23

Ka hinim maɗam a buu kolo hum gunaɗi, agi pam ki ni hu buu namma gak gak gaw. Kay sa ɓali ki kolona ni givun ma vi Lonna. Agi ka mbuɗ ndaŋga magira ki njenjeɗi, ndaŋga ndaɗta Yawe Loogina ɦagira ni magi a jona.

1 SAMUEL 17:44

Sa ma Filistinna di David ana, «Mbay tani an ɦaŋ tliwiŋ ki maŋ layagi suu kolo huulonana, maŋ mbuuri suu duk buburana.»

1 SAMUEL 17:46

Karam gak gak Yawe hin ɦaŋ ki konu, an hin caŋu hin ŋgaɗaŋ yaŋ ki lay. Karam gak gak an hin ɦal maɗ suu duu suu Filistinna ki maŋ layagi suu kolo huulonana, ki maŋ mbuuri suu kay ndaŋgarana. Ndaŋgara halaŋ hin wi ki ana Lo ma vi Israelna kaa.