2 SAMUEL 21:1 - Boy Lonana

¹ Mayra ndi hu cokira vi David basara na hindi. David joɓ Yawe. Yawe dam ana, «Dla ndaɗta ni kay Sol u ɦoŋzi ma ci maɗna kay ana nam ci suu Gabaonna kiyo.»

2 SAMUEL 21:1 ပူးပေါင်းရင်းမြစ်များ

URA TIN AYRA 26:1

Mayra ŋgolla ndi kay suuna hu mbassa halaŋ, may ndaɗta ni ka mayra ay hu lina vi Abrahambaɗi, Isaak tuɗ eg Abimelek mul ma Filistinna hu mbassa Gerar.

URA TIN AYRA 12:10

Mayra ŋgolla ndi kay ndaŋgara cocoo, Abram tuɗ ki hu mbassa Egiptera ana nam i basa ay ki hu njok tuwa.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

JOB 10:2

An hin di Lona ana kaan ɓakŋa kaɗi, takan dlara aŋ ka lan kaɗ wandara.

2 MULINA 8:1

Elize di cara nam coloɗ gooroɗ ki kolo iirira ana, «Col kolo ndak u suu maksina halaŋ, tuɗugi ki hu mbassa daŋga kay Yawe gi mayra kay suu Israelna, may ndaɗta a li basara ni kiɗisiya.»

2 MULINA 6:25

Vo hu ɦoŋzina ni may ŋgolla. Suu duuna ka hin va a kal ha hu zina voɗi lay, yam korra dewra gus ni gursu dok-kalavandi. Nus gugukka dew ni gus gursu vadl.

1 MULINA 18:2

Eli gi tam a tuɗ tak tam ki ii Akabpa may. Mayra ka li hu Samari ŋgol cocoo.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

2 SAMUEL 5:23

David joɓ Yawe nam hin hoŋom dira ana, «Aŋ ŋgafasi ha a duuna gawɗi. Aŋ pereɗ ay ki ŋgorosi dagani. Aŋ hin mbay egesi pay li ma gura huna na ɗow.

2 SAMUEL 5:19

David joɓ Yawe ana, «An tuɗ duu u suu Filistinna su? Aŋ hin ɦansina ki hu duk kon ko su?» Yawe di David ana, «Tuɗa, gasi an hin hiniŋ suu Filistinna ki hu duk koŋu.»

1 SAMUEL 23:11

Suu muli suu Keilana hin hinin ki kom su? Na ni Sol hin mbay ko saaŋ ma sunda humba na su? Yawe Lona vi suu Israelna jok boy namma ki maŋ saaŋ ma sunda na jokge.» Yawe di ana, «Nam hin mbaya.»

1 SAMUEL 23:4

David joɓ Yawe olo. Yawe hoŋom dira ana, «Gi taŋ voɗo, tuɗ hu Keila kay an hin ɦaŋ suu Filistinna koŋu.»

1 SAMUEL 23:2

David joɓ Yawe ana, «Na ni an tuɗ huwa ni an ndak a ci suu Filistin asina ki su?» Yawe hoŋ dira maŋ David ana, «Tuɗa, aŋ hin ci suu Filistinna kiyo, aŋ hin suɗ Keila ki may.»

JOSUWE 7:1

Suu Israelna li dla cora ŋgel gaɗta li dla mayra dasi ana laɗɗira. Akan ma goŋ Karmina, goŋ Zabdina, goŋ Zerana hu deera vi Yudara, yow tlesuu doo ki kasi ana sa ŋgen kom egesiɗina aya. Huu Yawe ɓeŋ ki eg suu Israelna.

NDUMBA 27:21

Nam col fok mul ma li ɓivunna Eleazar, nam joɓom minda vi Yawe kam u va ma yam ana Urimma u min ndaɗta asi ndak cuk ki bunsu lay, hoŋ ay kalafi lay, nam u suu Israelna halaŋ.»

DLAŊ LEVIRA 26:26

An hin kaɗakagi tina ki kagiya, boyogina doogo yi funa kay givin ma dewna, asi ɦagi fu ma ew namma, agi tammi, ka hoɓogiɗi lay.

URA TIN AYRA 43:1

Mayra mbuɗ ci suuna coco sura jewra hu mbassa Kanaanda.

URA TIN AYRA 41:57

Suu hu mbassa daŋga daŋga halaŋ mbay eg Yosef hu Egipte a gus wana kay mayra ci suuna coco ki hu lina halaŋ.

URA TIN AYRA 42:5

Goryoŋ Israelna mbay a gus wana ko suu daŋŋa mbay a gussa na may, kay mayra ci hu mbassa Kanaanda cocoo.

2 SAMUEL 16:8

Yawe vooŋ busu ma vi suu hu ziŋ Solna kaŋ halaŋ. Nam sa ma aŋ varak mulna balamamma. Yawe ɦal mulla ki ko goroŋŋa Absalom, gola aŋ ki hu hahawra may, kay ana aŋŋi sa busuna.»

2 SAMUEL 20:26

Ira ma Yairna ay hu lay. Nammi mul ma li ɓivunna ay fok Davidna.

2 SAMUEL 21:5

Asi di mulna ana, «Sa ma hal a cami kina, ma saa ki kam ana ami ki bulumi kay ndaŋgara halaŋi na.

2 SAMUEL 24:1

Yara vi Yawera mbuɗ ŋgolla eg suu Israelna olo, nam so u David a lasi dla cora egesi di ana, «Tuɗ ndum suu Israelna u suu vi Yudana.»

JOSUWE 9:20

Gola ni dlara aygi hin lasira egesira, aygi hinisi iiriya kay ana suura aygi suu taygira mba hoŋ kaygiɗi.»

RUT Magaara Njaɗ Dlara vi Rut 1:1

Hu cokira vi muli suu kaɓakŋa vi suu Israelna, mayra ŋgolla ndi hu coki ndaɗta. Sa maa dew hu ɦoŋzi ma Betlehemma ni hu mbassa Yudara, mbee ki hu mbassa Moabba. Nam may, caamba may, goryom gor njufiina mba' may.

1 SAMUEL 10:22

Asi hin joɓ Yawe olo ana, «Sa daŋ mbay tani su?» Yawe di ana, «Nam wanna, ki ŋgayra eg tlegena wanni.»

SOOLLA 27:8

An saa ni kay Boy maŋŋa, «Aŋ halanu.» An ka halaŋŋi aŋ may, Yawe.