2 SAMUEL 20:6 - Boy Lonana

⁶ David di Abisay ana, «Cecem wanda Seba ma goŋ Bikrina hin lay dla cora egey su Absalom. Aŋ taŋga yow suu sun suu vi malaŋŋana, tuɗ cuɗ u Seba ka nam fi ɦoŋzi ma saɓakŋa ki jew a suɗ tam iriyɗi.»

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Hu li ma goryoŋ Amonna wi suu Sirina yow liŋŋa na ni, asi may ni yow liŋŋa ko Abisay hoŋi vo hu ɦoŋzina gaw. Joab hoŋ ay fun duu ma u goryoŋ Amonna hin tuɗ ki Yerusalem.

2 SAMUEL 11:11

Uri di David ana, «Zandukka, suu Israelna u Yuda ha ki bagi hu mbutluɓma. Malanna Joab u suu sun suu vi malannana buu ha ki ni bagi hu li ma duuna. An may ɗaŋŋi hin tuɗ vo varan ti may ci may buu u caanda may su? U iiri maŋga u iiri maŋ aŋ taŋgara an ka li dla ndaɗtaɗi.»

2 SAMUEL 18:12

Sana di Joab ana, «Lini an kaw gin gursu sikle ma buɓ namma kon lay ni an hin ka tin kon eg goŋ mulnanaɗi. Kay ana ami hum gaɗta mulna gaɗaŋga ki ni u humumiya, Abisay may, Itay may ana, lagi jiviya ka sa ŋgen kom eg goozoŋŋa, Absalombi.

2 SAMUEL 18:2

David hin ɦal voɗta maŋ suuna a tuɗta, ɓorowosi irisi ki duk hindi. Ҥal maŋ Joab, tli nus ma ki ɓorowi duk hindi maa dew, ɦal maŋ Abisay ma goŋ Seruyana, wayaŋ Joabma, tli nus ma ki ɓorowi duk hindi ma hin dewna ɦam ki maŋ Itay ma Gatna. Mulna di suuna ana, «An tanda min a kal ki u agi lay.»

2 SAMUEL 19:7

Aŋ minni suu ka miniŋgina, aŋ noy suu miniŋŋa kiyo. Aŋ ɓak ki karam ana mulina u suu sunda aŋ ka wasi sunusiɗi. Jiviya, an wi karam ana lini Absalom ka iiri tuwa, ami ki miɗi karam halaŋ may ni aŋ gol dla ndaɗta iriŋŋi jiviya.

2 SAMUEL 2:18

Ay hu li namma ni goryoŋ Seruya suu hindina kaa, Joab, Abisay, Azael. Azael sem um feɗta ko ndal dukka bagi duk senenara na.

2 SAMUEL 21:17

May Abisay ma goŋ Seruyana mbay njunum waɗ sa Filistinna cam kiyo. Ni hu li namma suu vi Davidna suu tasi ki dam ana, «Aŋ kal umi hu li ma duuna oloɗi, ka aŋ tew pindilla vi suu Israelna kiɗi.»

2 SAMUEL 23:18

Abisay ma wayaŋ Joabma, goŋ Seruyana ŋgolla fok suu dok-hindina. Nammi sa ma tli saɓ mamba kay suuna kis kis hindi casi kina. Sem tii ki duk suu hindina.

2 SAMUEL 3:30

Ni kay ana nam casi wayasina Azael ki fun duu ma Gabaon ma Joab u wayamma Abisay ci Abner kina.

2 SAMUEL 3:39

An karam ki maŋiya, u fuura fuurun tinin a mulnara lay, suu asina, goryoŋ Seruyana asi saɓak suunu. May Yawe warak sa ma cona ni u coomba may.»

1 MULINA 1:33

Nam dasi ana, «Yowogi suu sun suu vi sa ŋgol maginana fokogiya, tuɗ tlagi Salomon, goonna, kolo kay koro Makka manda. Agi tuɗum ga hu Gihon.

1 DLAŊ MULINARA 11:20

Abisay wayaŋ Joabma ay ni sa ŋgolna fok suu Dok-Hindina. Nammi sa koo saɓ mamba kolo kam kay suu kis kis hindina cokosi ki belna. Na may nam tin sem ka kam duk suu Dok-Hindinaɗi.

1 DLAŊ MULINARA 18:12

Absay, goŋ Seruyana, ci suu Edomma buɓ buɓ doogo yam kalavandi hu ɦuɗugumba vuvuna.

JEREMI 8:14

Ni kay me aygi kakaygi na en ka mbusuguygiɗi may nige? Tokogi tagiya. Kalaygi hu li ma saɓakŋa mbusuguygi oloɗi. Kay ana Yawe, Looygina, doroygi ki ana aygi mbusukgi nam ɦaygi yo ma co ma ci suuna a cira. Gasi, aygi ki suluk fok Yawe.

MARK 3:24

Ko suu kay mulla dewra li duu duk tasiya ni, mul masira ka kakgi.

1 SAMUEL 26:6

David ɓak boyna di Ahimelek ma Hitna maŋ Abisay goŋ Seruya ma wayaŋ Joabma ana, «Sa min a tuɗ u an ta ta eg Sol hu kaŋŋana ni gege?» Abisay di ana, «An hin tuɗ u aŋu.»