2 SAMUEL 20:21 - Boy Lonana

²¹ Ka ni kay boy nammaɗi. May sa ma ay kay ɦinira Efrayimba yam ana Seba ma goŋ Bikrina min tam a duu u mulna David. Gagina ha nam dew an hin tli li ma ŋgolna kiyo.» Cara di Joab ana, «Jiviya, asi hin gi kiŋŋa yam ha ki kay gulumunna.»

2 SAMUEL 20:21 ပူးပေါင်းရင်းမြစ်များ

JEREMI 50:19

An hin hoŋ Israel hu liiɗ ma ti haɗna, ndaɗ hin taa kay Karmelna u suu Basanna asi hin hoɓ ki kay ɦinira Efrayim u Galaadta.

JEREMI 4:15

Ay hu Dan day asi yi ay koloo. Ay kay ɦinira vi Efrayimba day asi ɓak dla cora.

2 MULINA 10:7

Hu li ma magaa ndaɗta fasi may ni, asi yow goryoŋ mulnana ŋgaɗasi ki u dlasira dok-kiɗisiyara bel bel. Asi hin cukusi yasi hu kalamina sunuɗ ha maŋ Jehu hu Jizreel.

2 MULINA 5:22

Nam hoŋom dira ana, «Ҥawaa, sa ŋgol manna sunun ay ana an daŋ ana, koyogi suu taa col ay kay ɦinira Efrayimba na mba' fan haa, ni suu jok vun Lona may. An ceneŋu aŋ ɦan doono ay ii kelew dok-hindi may, ɦan baraw ay ii cuk mba' may.»

2 SAMUEL 23:18

Abisay ma wayaŋ Joabma, goŋ Seruyana ŋgolla fok suu dok-hindina. Nammi sa ma tli saɓ mamba kay suuna kis kis hindi casi kina. Sem tii ki duk suu hindina.

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 SAMUEL 26:9

David di Abisay ana, «Cam kiɗi. Sa ma hin tin kom eg sa Yawe fuurumma, sa hin ka gam daŋgayɗina ni gege?»

1 SAMUEL 24:6

Na may ŋgoo dagan wanni David vun dikim ɓikim kay ŋgaɗta nam ŋgaɗ vun koɓoɗta vi Solla kira.

SUU KAƁAKŊA 7:24

Gedeon sun vun sunda eg suu kay ɦinira vi Efrayimba dasi ana, «Diŋigi ay ga ŋgafagi suu Madiyanna ay, baaragi ki fokosi fun mbo ma Bet-Barana ta ta fun lum ma Yurdanna.» Suu Efrayimma tuɗ ay halaŋ halaŋ. Asi mba lak ki fun mbo ma Bet-Barana u lum ma Yurdanna lay.

SUU KAƁAKŊA 2:9

Asi pammi hu mbas mamba ɦamba a joommara hu Timnat-Heres duk ɦini mayra vi suu vi Efrayimma, mbayaw keŋ ɦinira Gaassa na.

JOSUWE 24:33

Eleazar ma goŋ Aaronna miɗ may. Asi pammi kolo kay mbura vi gooromma Pinhassa li namma asi ɦamma ha ni kolo kay ɦinira hu mbassa vi Efrayimba.

2 SAMUEL 20:2

Suu Israelna halaŋ hoŋŋa, hin David ki hinni tuɗ ki u Seba ma goŋ Bikrina. Na may suu vi Yudana hin kakira ni u sem mul masina ay fun lumma Yurdanna day ta ta Yerusalem.

2 SAMUEL 20:20

Joab hoŋ dira di ana, «Dla cora, dla cora li kanu. Lini an ka tosoɗ ki kaŋga may ɓeŋeɗ ki may.

1 MULINA 11:26

Jeroboam goŋ Nebatna, nammi hu deera vi Efrayimba ay hu mbassa Seradara. Sem sum ana Seruwa. Ndaɗ ay ki ni doono. Nammi sa sunda vi Salomon lay. Nam gijaŋŋa duu u mulna.

SUU KAƁAKŊA 9:55

Hu li ma suu Israelna wi ana Abimelek miɗ ki wa ni, gegelay ni hoŋ vo hu ziimu ziimu.