2 SAMUEL 20:19 - Boy Lonana

¹⁹ Anni dla mayra jivi su kira u dlara ki eg liiɗ su hu Israella. Aŋ may ni hal a ɓeŋ ɦoŋzina kiyo. Ni ɦoŋzi ma ŋgol ma hu Israelna. Aŋ min a to jo ma vi Yawena ki kaŋga ni kay mege?»

2 SAMUEL 20:19 ပူးပေါင်းရင်းမြစ်များ

1 SAMUEL 26:19

Cecem wanda malanna mulna hum boy ma vi saaŋ ma sundana haa. Lini Yawe mbuɗuŋ ay yara egenni namu ni, ko nam his mbul ma his jivi ma ɦam ay ɦawana. May lini suu warna ni, ko dla cora li kasi fok Yawe kay dikka asi dikin ki karam wanda, kay doora asi doron ki kay jona vi Yawe dan ana, tuɗ li sunda maŋ loogi suu daŋŋara.

2 SAMUEL 21:3

David ɓak ki maŋ suu Gabaonna ɗaŋŋi ana, «An hin lagi ni mege? An hin gi ii dla ndaɗta ni ana me a agi paɗ vunugi ki kay jo ma vi Yawena ge?»

1 TIMOTE 2:2

Cen kay muli suu ŋgolona u suu ka hu ŋgolla na bel bel, kay aygi mba lak u jivira u heɓpa, ay mba lak taɓi fok Lona hu poyra jivira fokomu.

2 SAMUEL 17:16

Cecem wanda ɗaŋŋi gagi vun sunda zak, dagi David. Agi dam ana, aŋ col duk njeŋgera duk bubura hu fullaraɗi, a jivira ni aŋ jak ay kiyo, li ka naɗi ni asi u suu umma halaŋ ni ko ndal va ma mulna gam funum yam dewna na.»

2 KORINTNA 5:4

Ni aygi day day ka kaki hu mbutluɓ ma kaŋga duk ndaŋgara namma, aygi ka wi hawra ko nekka kaygi na. Ka ana ami min ɓorow ki u mbalatamira kay ndaŋgara wanda naɗi, ami min a cuk mbalata mayra kolora egemiya, ma miɗna mba loɗ ki u ma iirina.

1 KORINTNA 15:54

Hu li ma mbalatara cim kira cuk ta cim kiɗira kaɗ wani, hu li ma miɗna cuk ma miɗ kiɗina kam lay, ni li kini boy ma magaara damma ɗaŋ, «Ni miɗna daɓ ki wa nam su kam wa.»

YOORA 2:16

Asi ŋgo vunusi kolo uku, suu babali maksina. Asi feɗ vunusiya muɗ siisiya. Asi di ana, Aygi ki likiya. Na ɗaŋ, gola buu ma aygi juɓumma mba wa. Aygi fam wa, aygi wam wa.

YOORA 2:5

Bu Suuna mbuɗ tam ki ni ko sa babalira na, nam lik Israel kiyo. Nam bulum zigini maɗsina kiyo, nam tooɗ liiɗ ma saɓakŋa kiyo. Nam zul yoo tara u yoo tara hu ɦoŋzi ma jivi ma Yudana.

YOORA 2:2

Bu Suuna bulum mbassa vi Yakobpa ki halaŋ halaŋ. Nam hawaɗ li ma saɓak ma vi Yudana ki kaŋga u yaamba. Nam gi mulla u muli maɗsina ki kaŋgaa.

JEREMI 51:44

An li yara u Bel hu Babilon, an ɓaɗam va funum ma nam komomma kiyo. Njaf suuna hin ka tok ay kam oloɗi. Gulumun ma Babilonna lay ni bow ki kaŋgaa.

JEREMI 51:34

Nam komon ki wa, nam soɓon ki wa, Nabukodonosor, mul ma Babilonna, nam hinin ki ko ndal tassa ma hurum ki seɗina na. Ko ndal vabakŋa na nam liginu, nam hoɓ hayam ki u mbul ma duk sokonna, hin gan kiyo.

SOOLLA 124:3

u hurusi ma yara egeygina, asi ndak ligiygi ki hurusi iiriya.

SUU KAƁAKŊA 5:7

Mulina ka oloɗi, mul ka vi suu Israelna oloɗi. Ta ta hu li ma ndak Debora col kolona. Ta ta hu li ma ndak mbuɗ a su suu Israelna.

GA 8ATAMBARA 32:9

Yawe man suu Israelna ki ni a suu mamsina nam ka golosiya, Yakob ki ni a joomma.

NDUMBA 26:10

Ndaŋgara mal vunuɗ ki likisi kiyo, u Kore lay, ni hu li ma suu mamsina miɗ cocona, suuna 250 ni suu tak ki kay yara vi Lonara.

NDUMBA 16:32

Mal vunuɗ ki likisi ki u suu masisina halaŋ, suu vi Korena u tlegeyesi halaŋ lay.

URA TIN AYRA 18:23

Abraham ɦuɗ tam ay joɓ ana, «Aŋ hin ba suu ɗegeena u suu cona lay su?

GA 8ATAMBARA 20:10

Hu li ma agi tew wa eg ɦoŋzi ma agi a duu u namma ni, va ma agi a lam jewna ni agi joɓmi heɓpa u suu asina tuwa.

2 SAMUEL 14:16

Lini mulna vi kam a ɓaɗ mbaɓu mamba ay ki ko sa ma min a bulumun ki hu jona vi Lona ki ko tammi u goronna na.

2 SAMUEL 20:18

Ndaɗ tuɗ fok u njaɗta ko wanda na, «Suuna jew day varaygi ni di ana, aygi tuɗ kaɓakŋa ay ni hu Abel, ni boyna ni daɓi gaw.

2 SAMUEL 20:20

Joab hoŋ dira di ana, «Dla cora, dla cora li kanu. Lini an ka tosoɗ ki kaŋga may ɓeŋeɗ ki may.

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 MULINA 8:53

Kay aŋŋi sa ma manasi ki duk suu kay ndaŋgarana halaŋ, hinisi ki maŋ kay taŋ a jooŋŋana. Ko ndal aŋ di ay ki jew fun Moiz saaŋ ma sundara na, hu li ma aŋ cukumi somoyomi ay ki hu mbassa Egiptera wanna, ɦi, Bu Suuna Yawe,»

SOOLLA 33:12

Furira ka kay suu vi Yawe a Loosinana, furira ka kay suu Yawe manasi a suu mamsinana.

SOOLLA 78:71

Nam yam ay ni u timigii mamsina a taarasira, nam mbuɗum a sa ma taa njaf suu vi Yakobma, suu Israelna ni suu hu njafamma.

SOOLLA 106:5

Hinin an wi jivira vi suu aŋ manasina u irin may, taɓ furi manda u suu maŋsina may, ɓorow jivira u asi hu mbas maŋga may.