2 SAMUEL 20:1 - Boy Lonana

¹ Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

2 SAMUEL 20:1 ပူးပေါင်းရင်းမြစ်များ

URA TIN AYRA 46:21

Goryoŋ Benjaminna ni, Bela, Beker, Asebel, Gera, Naaman, Ehi, Rok, Huppim, Muppim u Arde.

2 SAMUEL 15:10

Absalom gi sun suu mamsina ki duk njaf suu Israelna halaŋ dasi ana, «Hu li ma agi hum del tokolom wani agi ndak di ana Absalom mbuɗ ni mul ma Hebronna.»

2 SAMUEL 16:11

David di Abisay, di suu mam suu li sunda halaŋ ana, «Lini goron ma kal ay ki egenna min a can kiyo, ni nam ma Benjaminna ma daɓ daganna ni, hinim nam gi vunna, lini Yawe dam ay na.

2 SAMUEL 16:7

Gola ni dlara Simey daɗ hu givun mammara, «Gi taŋu, gi taŋu, sa sunum kaɗi ma ci maɗna.

2 SAMUEL 18:17

Asi tli Absalom hin gam ha ki duk gura hu zul ŋgolla. Asi hin mol gogoyra kam ŋgolla na ɓiw. Suu Israelna halaŋ gegelay liŋŋi tin irim hu mbutluɓ mamma.

2 SAMUEL 20:2

Suu Israelna halaŋ hoŋŋa, hin David ki hinni tuɗ ki u Seba ma goŋ Bikrina. Na may suu vi Yudana hin kakira ni u sem mul masina ay fun lumma Yurdanna day ta ta Yerusalem.

2 SAMUEL 20:22

Cara jok suu li ɓakŋa u namma ki halaŋ. Asi ŋgaɗ yam Seba ma goŋ Bikrina. Asi hin gikiɗ ha ki maŋ Joab. Joab bu tokolomma. Asi yow ki kolo hin ɓorow kiyo gegelay tuɗ u mbutluɓ mamma. Joab may ni hoŋ ay Yerusalem eg mulna.

2 SAMUEL 23:6

May suu sunusi kaɗina ni ko ndal wayra asi kaaɗ kira na. Asi ka vaɗ ni u kosiɗi su?

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

1 MULINA 21:10

Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»

2 DLAŊ MULINARA 10:16

Hu li ma mulna hum vun suu Israelna kaɗina, suu Israelna hoŋ dira maŋ mulna ana, «Va ma ami a fam vi Davidna ni mege? Joomi maa ka vi goŋ Jesenaɗi. Suuna halaŋ gegelay ni tuɗ ni hu mbutluɓ mamma. Cem wanda aŋ kak ni kay suu maŋ suu vi Davidna.» Suu Israelna halaŋ gegelay ni gi tammi vo hu ziim gaw gaw.

2 DLAŊ MULINARA 10:6

Mulna Roboam tuɗ joɓ u dlara eg suu ŋgolo suu li sunda ko tasi u bum Salomon hu li ma nam ka iiri tuna ana, «Agi may ni min a gaɗanni ana mege? Agi min an tuɗ di suu Israelna a hoŋosi dira ni ana mege?»

SOOLLA 17:13

Col koloo, Yawe, ŋgafasiya, hoŋosi ha ki dagani. Suɗun ki ko suu co asina u ŋgew maŋŋa.

SOOLLA 34:19

Yawe ka tok eg suu hurusi ka haɗ kay coosirana, nam suɗ suu ka yoo tasi hurusi kurufuna.

VUN ŊGOLNA 25:8

Dlara aŋ waɗta dik u taŋ zak a tuɗuɗ fun ɓakŋa gawɗi. Lini sa ma aŋ sekemma boy mamma jiviya ni aŋ hin li taŋ ni nanage?

VUN ŊGOLNA 26:21

Kimilna ŋgitlik kura, guna vi kura ki kolo may, sa ma ŋgeŋŋa tum yara kolo ni ko ndaɗta na may.

MARK 3:24

Ko suu kay mulla dewra li duu duk tasiya ni, mul masira ka kakgi.

Boy Ma Ayra Ma LUK Ɓiirimma 19:14

Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.

Boy Ma Ayra Ma LUK Ɓiirimma 19:27

Suu ka min ana an kak kasi a mulnaɗina, yowonsina aya, ŋgaɗasi ki kaŋga fokon tani.»

Boy Ma Ayra Ma JAŊ Ɓiirimma 13:8

Piyer dam ana, «An ka min ana aŋ mbusun senu naɗi.» Yesu hoŋom dira ana, «An mbusuŋ seŋ kaɗi ni, aŋ ka fi va konɗi.»

GA 8ATAMBARA 13:13

Lini hu ɦoŋzi ma Yawe ɦagina ana agi cuk huwana, agi hum dlara di ana,

SUU KAƁAKŊA 19:22

Hu li ma asi laki koɗ tasi na ni, gola ni suu dlasi kaɗi suu ɦoŋzinana mba ŋguy zina ni na gaw. Ci vun grekŋa eŋga di sa maa ma malaŋ zina ana, «Gami sa ma kal varaŋ wanna ay ki kiɗiki, ami min buu u namu.»

SUU KAƁAKŊA 3:27

Hu li ma nam tew vo may ni nam bu tokolomma kay ɦinira Efrayimba. Suu Israelna ɗiŋ ay ki ga kay ɦinira u namu. Nam ay fokosi a ŋgol masira may.

RUT Magaara Njaɗ Dlara vi Rut 2:3

Ndaɗ tuɗ may, goɓ a cil ɦelena u suu ka feɗ wana ŋgoo bagina. Taɗ ndi jivira hoŋŋi hu sene ma vi Boozna ni sa ma hu deera vi Elimelekka gaw may.

1 SAMUEL 13:2

Sol man suuna duk suu Israelna na buɓ buɓ hindi suu ay u Solna na buɓ buɓ mba hu Mikmas kay ɦinira Betella. Suu hiŋŋa buɓ kay cee Jonatan may hu Gibea ta vi Benjaminda. Nam dik suuna usira hinda gegelay tuɗ hu mbutluɓ mamma.

1 SAMUEL 2:12

Goryoŋ Helina sunusi kaɗi. Asi ka wi Yaweɗi.

1 SAMUEL 30:22

Na ɗaŋŋi duk suu tuɗ ay u Davidna, suu hurusi cona u suu sunusi kaɗina ɓak kolo u delesi eŋga di ana, «Asi tuɗ ay ka u aygiɗi ni, aygi hin ka ɦasi tlesuu aygi yowosi ay hu jonanaɗi, hin ɦasi boyogosi u goryosi ni asi doy hol.» Asi yowosi yow ni, cuk tasiya.