2 SAMUEL 2:18 - Boy Lonana

¹⁸ Ay hu li namma ni goryoŋ Seruya suu hindina kaa, Joab, Abisay, Azael. Azael sem um feɗta ko ndal dukka bagi duk senenara na.

2 SAMUEL 2:18 ပူးပေါင်းရင်းမြစ်များ

2 SAMUEL 1:23

Sol u Jonatan, suu suuna minisi ɦayna, ka wal ki u asi hu kakka iirira u miɗnaɗi layna, suu feɗ coco su ɓarawna lay saɓak su dlona layna.

2 SAMUEL 14:1

Joab ma goŋ Seruyana hum ana mulna hurum haɗ kay Absalom.

2 SAMUEL 2:19

Azael gi tam kay cee Abner a dikim umba. Nam dikim um ka es ki keŋgi, kay bik njufɗi lay kay bik guluɗi lay.

2 SAMUEL 22:34

Nam mbuɗun sen ki ko ma vi dukkana na. Nam hinin coli kay li ma mbuyna.

2 SAMUEL 23:24

Azabel ma wayaŋ Joabma ay duk suu dok-hindina. Elanan ma goŋ Dodo ma Betlehemma lay.

1 MULINA 2:5

«Aŋ lay ni wi dlara Joab landa egenda, goryoŋ Seruyana, dlara nam laɗ eg suu ŋgolo suu mba' suu may suu fok suu asgaa suu Israelnana, eg Abner, ma goŋ Nerna, u Amassa, ma goŋ Yeterna. Nam casi kiyo, vo busuna ki hu li ma heɓpa ka duk suunana, ko hu li ma duuna na. Nam tin busu ma duu namma eg gandi mam ma hurumma, eg tuɓuru ma semma lay.

1 DLAŊ MULINARA 11:26

Suu duu suu sunusi ŋgolna, Azahel wayaŋ Joabma, Elanan goŋ Dodona hu Betlehem.

1 DLAŊ MULINARA 12:8

Yoela u Zebadiya goŋ Yeroam ma Gedorna.

1 DLAŊ MULINARA 12:9

Suu vi Gadna ɓorow ii tasi ki tuɗ eg David hu li ma ŋgayra hu fulla. Asi ni suu saɓakŋa, suu duu suu ki haɗi kay dla duunana u mbarina kosi may, saɓiina kosi may. Asi ɦiŋ coco ko ndal dlona na. Feɗ coco ko ndal dukka kolo kay ɦinira na.

1 DLAŊ MULINARA 27:7

Sa a fiɗirana hu til ma fiɗina ni Azael ma wayaŋ Joabma u Zbevadiya gorom ma hin ka ŋgorom daganna. Suu irisi ɓorowi umma ni ko va ma 24,000 na.

SOOLLA 18:33

Lo namma ɦan saɓakŋa ni namu, nam minin voɗta ki jivi fokonu.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

SOOLLA VI SALOMON 2:17

Hu li ma faɗta heɓ wa, ŋgusna mbuɗ ki ŋgol wa ni aŋ mbaya, galanna, tuɗ ay ko duk gaana na. Ko ndal zaa gayaŋŋa na ay kolo kay ɦinira.

SOOLLA VI SALOMON 8:14

«Tuɗuy ki zak, galanna, aŋŋi ko ndal zaa gayaŋŋa na, ko kabew ma ɓali kay cee dukkana na, kolo kay ɦinira ɓo tlena his kaɗ jivi cocora.»

AMOS 2:14

Lii ŋgayra hin viɗ ki ii suu tasi feɗna, sa ɦiŋŋa hin ka li u saɓakam hurumbi, sa wi yal duuna ɦayna hin ka suɗ kiɗi lay.

HABAKUK 3:19

Yawe ni malanna. Nammi saɓak manna. Nam mbuɗun sen ki ko sem dukka na, hin tuɗun ki hu li ma dayna. Soolla vi sa ma fok suu gi soollana, gaɗ u diŋŋa.

1 SAMUEL 26:6

David ɓak boyna di Ahimelek ma Hitna maŋ Abisay goŋ Seruya ma wayaŋ Joabma ana, «Sa min a tuɗ u an ta ta eg Sol hu kaŋŋana ni gege?» Abisay di ana, «An hin tuɗ u aŋu.»