Kay goryoŋ Barzila, ma Galaadna, ni aŋ golosi ka jiviya, asi li ni duk suu ti vo varaŋ kay tabul maŋgana kay asi van u furira hu li ma an pii ki ko wayaŋŋa Absalomma may.
Gola an cemini tuɗ ni tuɗiya ko ndal tlesuu kay ndaŋgarna halaŋ ka tuɗta na may. Na may agiya, wagi ki u hurugi halaŋ u tagira halaŋ ana, boy jivi ma Yawe, Loogina, dam wanna maa na dew lay ma maa ki kaŋga kaɗi, dlara nam daɗ kagira halaŋ li kiyo, boy maa dew ma nam dam hin ki bay li ni kaɗi.
Asi tlam tuɗum hu mbassa Kanaanda, pam hu zul goyra hu sene ma Makpelana. Ni li ma Abraham gusum ko Efron ma Hetna a pi maɗnana, li namma tok eg Mamre.
Basaɗan ki karammi dok-kalavandi. Na ni an ndak a ɓorow ii dlara jivira ki ura cora su? Na ni saaŋ ma sunda ndak a wi jivi tlesuu nam tasina u suu nam casina su? Na ni an ndak a hum del gorzoŋŋina u gorɓii suu gi soolla su? Ni kay me a saaŋ ma sunda hin li a nekka kay malanna mulna ologe?
Ҥal voɗta maŋ saaŋ ma sunda hoŋ dagani, a an tuɗ miɗ ha hu ɦoŋzi manna eg us bun u sunu. Gola, saaŋ ma sunda, Kimham, wanna. Ko nam jak ko tam u malanna mulna hin lam dlara hurum miniɗta egemu.»