2 SAMUEL 19:24 - Boy Lonana

²⁴ Mulna di Simey ana, «Aŋ ka miɗɗi.» Mulna hin suu tam ki fokomu.

2 SAMUEL 19:24 ပူးပေါင်းရင်းမြစ်များ

HEBRENA 13:3

Saaragi kay suu daŋgayna ko agi ay hu daŋgayna u asi na may. Saaragi kay suu suuna lasasina, ko agi tagira las ni agi na may.

ROMMA 12:15

Lagi furira u suu ka furina, tiirigi u suu ka tiina.

MATIYE 6:16

«Agi li laara ni, mbuɗ tagi ki hahawra ko suu ŋga tasina naɗi. Asi mbuɗ irisi ki hahawra zeɗ, a suuna wasi ana asi ka li laara. An dagi ni gasiya, suu asina fi warak masina ki kaŋga tani wa.

JEREMI 41:5

Suuna col ay Sekem, Silo, Samari mbaya. Asi dok-kalavandi. Njeresi ki weliya, baraw ma egesina ki hariya, tasi ki mbilina bel bel. Asi yow tlesuu li ɓivunna u mbul ma his jivi ma tinim hu zira vi Lonara ay kosiya.

EZAYI 15:2

Suuna ɗiŋ kolo kay li ma teteɗna hu Dibon, diŋ kolo kay mbura mbuy ta kolo dayra a tiina. Kay ɦinira Nebora u ɦoŋzi Medebana suu Moabma ka yoo tasiya, suuna kaa yasi ki halaŋ halaŋ. Njeɓeresi halaŋ asi cawaɗ ki lay.

2 SAMUEL 16:3

Mulna di ana, «May goŋ malaŋŋana ni arage?» Siba hoŋ di mulna ana, «Jiviya, nam hin ha ki Yerusalem kay nam ɓak tam ana karam suu Israelna min a ɦan mulla vi bunda kiyo.»

2 SAMUEL 15:30

David ɗiŋ ha ni hu li ma mbuy ma ɦinira conora. Nam ɗiŋ ha u tiina. Nam dluɓ yam ki u barawna. Nam tuɗ ni sem siiliya. Suu tuɗ um a tinimma halaŋ dluɓ yasi kiyo. Asi ɗiŋa, ɗiŋ ha u tiina.

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

2 SAMUEL 9:11

Siba di mulna ana, «Saaŋ ma sunda hin li ni ko malanna mulna ɦal voɗta maŋ saam ma sundana na halaŋ. Na may Mefiboset ti kay tabul manda ni ko ndal goŋ mulna maa dew na.»

2 SAMUEL 12:20

Na ɗaŋŋi David hin col ki kolo duk ndaŋgara, mbus tam kiyo, li mbul ma his jivina egemu, cuk barawi suu daŋŋa egemu. Nam hin tuɗ hu zira vi Yawera hin goɓ kaŋgaa. Nam hoŋ ha vo varam may ni joɓosi ana asi ɦam funa nam tiya.

1 MULINA 2:8

Gola sa ma hiniŋŋa ka egeŋ na tokŋi Simey, goŋ Gerana, ma ka hu dee suu vi Benjaminna hu Bahurim. Hu li ma an col a tuɗ ki hu Mahanaimma ni nam panan cocoo. Nam tuɗ ga ta ta ŋgafan ay ki fun lum ma Yurdanna, na may an suurum u Yawe ana, An ka caŋ u ŋgewɗi.