2 SAMUEL 18:14 - Boy Lonana

¹⁴ Joab di ana, «An hin ka juɓ fokoŋ ko wanda naɗi.» Nam yow ɓagiina kom hindi, ɓalam kay mugul Absalom ma gin iiri tu duk hum ŋgusnana.

2 SAMUEL 18:14 ပူးပေါင်းရင်းမြစ်များ

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

MATIYE 12:40

Ko Jonas li buuna hindi hu kuluf ma ŋgolna na, Goŋ Sanna hin li buuna hindi hu zulla may.

SOOLLA 45:5

Tuɗ hu voɗ maŋga, aŋ ti mulla, tuɗ u gasira ka ɓak ma ɗegeena, ɗegee maŋga ni u oora. Koŋ ma njufna njunuŋ hu dlara aŋ laɗta halaŋ.

2 SAMUEL 18:5

Mulna gaɗ Joab, Abisay, u Itay ana, «U ŋgara agi ŋgaanda lagi u goo zoŋŋa Absalom na lam lam.» Suuna halaŋ hum vun mulna a gaɗ suu ŋgolo suu fokosina kay Absalom.

2 SAMUEL 14:30

Nam di suu mam suu sunda ɗaŋŋi ana, «Agi gologi sene ma vi Joabma, tok eg ziin wanna, ma wana hurumma, tuɗugi gam kura kiyo.» Suu sunda vi Absalom gi kura ki eg sene namma ɗaŋ.

SUU KAƁAKŊA 5:31

«Yawe suu babali maŋsina ba ni ko ndaɗta na. Ko banayaŋŋa lini ko faɗta day ay kolo u saɓak maɗnara na may.» Mbassa vi suu Israelna fi koɗ tara ta ta basara dok-fiɗi.

SUU KAƁAKŊA 5:26

Ndaɗ maɗ koɗ paɗ kawi ma ɓal mbutluɓma gana, koɗ ma njufna a tli mortora vi suu li sunda gaw may. Ndaɗ waɗ yam Sisera, toom yam kiyo. Ndaɗ coom yam, ɓalam yam kaŋgaa.

SUU KAƁAKŊA 4:21

Yael ta caŋ Heberra tli kawi ma ɓal mbutluɓma gana, tli mortora may, kal ha kalafi u Sisera na en, tuɗ kalamma ha humum ɓalam yam ha ki ga duk ndaŋgara na hanak. Sisera ay ki loɓi cocoo, buu senna, wanni ka dliɗɗi, hin jak ha miɗna ni na gaw.

2 SAMUEL 12:10

Na ɗaŋŋi ŋgewna hin ka ɦuɗ tam ki hu ziiŋgi kay ana aŋ hinin kiyo, aŋ tli caŋ Uri ma Hetnara, mbuɗuɗ ki a caaŋga.

2 SAMUEL 18:15

Gor zoŋŋina doogo olo suu tuɗ fok Joabma ŋguy ki kay Absalom, waɗam, cam kiyo.

2 SAMUEL 19:1

Na ɗaŋŋi mulna dlaka. Nam ɗiŋ kolo hu zira kay vun grekŋara hin gijaŋ tiina. Nam ɓak ha u tuɗta ana, «Goronna, Absalom, goronna Absalom, an miɗ ki balamaŋ an na ɗowɗi amege? Absalom, goronna, goronna.»

2 SAMUEL 19:11

Absalom may ni aygi suu fuurum a nam li a mul mayginana, nam miɗ ha ki fun duuna. Agi juɓ cemi ni me a hoŋ mulna ayra ge?»

JOB 20:5

suu cona saɓak masina tuɗ ni na geɗek daŋ. Furira vi sa ma cona ka tuɗ dayɗi.

SOOLLA 37:35

An wi sa ma cona dew tli tam koloo, col tam ki eŋga ko guna na.