2 SAMUEL 17:23 - Boy Lonana

²³ Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Hu li ma Absalom li ɓivunna na ni, nam sun hal Ahitofel ma Gilona, sa ma ɦal gaɗta maŋ Davidna hu ɦoŋzi ma Gilona. Suu di ŋgeŋŋa maŋ Absalomma mbuɗ bolowra, dlaamba mbuɗ ŋgolla na ɗow ɗow may.

2 SAMUEL 15:31

Asi mbay di David ana, «Ahitofel ka duk suu vi vunusi ki u Absalomma.» David di ana, «An ceneŋu, Yawe bulum gaɗta vi Ahitofella kiyo.»

2 SAMUEL 16:23

Gaɗta Ahitofel ɦaɗ hu li nammara ni ko boy Lonana na. Gaɗta vi Ahitofella halaŋŋi ko ndaɗta na jivi kay David lay, kay Absalom lay.

2 SAMUEL 17:22

David gi tam voɗ u suu ay u namma asi hin ɗiŋ lumma Yurdanna kiyo. Maɗiira fo ki na ni asi halaŋ ɗiŋ lumma Yurdanna ki wa, sa hin ka ki dewɗi.

1 MULINA 16:18

Zimri wi ana nam tli zina ki wa ni, nam kal hu ziŋ mulnara. Nam gi ku ziŋ mulnara kam, ŋgal tam kiyo.

2 MULINA 20:1

Hu buu namma ni Ezekiyas vi tuguɗiira hin na tok a miɗna. Sa ma jok vun Lona, Ezayi ma goŋ Amosna, mba egem dam ana, «Yawe di ana di dlara huruŋga ka ki maŋ suu maŋsina gaw, kay aŋ ka suɗɗi.»

JOB 31:3

Sa ma ci maɗna fi ni hahawra. Agi di naɗi su? Suu may suu li dla cora fi ni gaɗta eŋga.

SOOLLA 109:20

Yawe warak suu gonokka u anna ni ko ndaɗta na. Ni suu ɓak dla cora u senna.

SOOLLA 5:10

Suu asina dlara jiv ka funusiɗi, hurusi ni dlara ɓalak suuna kira. Delesi ni ko vun zul suuna ki malira na, sinisi di dlara ganyamba cocoo.

SOOLLA 55:23

Tin dlara caŋ nekka fok Yawe, nam hin ɦaŋ saɓakŋa, nam ka hin sa ma ɗegeena ndi kaŋgaɗi.

VUN ŊGOLNA 16:18

Sana a ɓalak kira va ma fok jewna ni ŋga tara. Jew sana a daɓ semba ni va ma kal ay ki funumma ni ɓii tara.

VUN ŊGOLNA 19:3

Hu li ma laɓara vi sa ma giniŋŋa ɓalakam voɗ mamba ki wa ni, nam mbuɗ ki yara eg Yawe.

EZAYI 38:1

Hu buu namma ni Ezekiyas vi tuguɗiira, ndaɗ ki egem eŋ cocoo. Sa ma jok vun Lona Ezayi ma goŋ Amosna mbay egem dam ana, «Gola Yawe di ana aŋ di dlara huruŋga ki maŋ suu maŋsina kay aŋ ka suɗɗi, hin miɗ kiyo.»

MATIYE 27:5

Yudas njay gursura ha hu Ziŋ Lonara njay ni, tuɗ vi delem ki zewna gaw.