2 SAMUEL 17:17 - Boy Lonana

¹⁷ Jonatan u Ahimaas col ki hu Ein-Rogel. Cara sunda ndak a tuɗ dasiya. Asi tasira ndak a tuɗ di mulna David kay ana asi ka ndak a tak tasi ki u kalla kal hu ɦoŋzinaraɗi.

2 SAMUEL 17:17 ပူးပေါင်းရင်းမြစ်များ

2 SAMUEL 15:27

Mulna di mul ma li ɓivunna, Sadok, ana, «Aŋ wi su? Hoŋ u heɓpa hu ɦoŋzina. Goroŋŋa Ahimaas u Jonatan ma goŋ Abiyatarna, goryogi suu mbana u agiya.

2 SAMUEL 15:35

Na ni suu li ɓivunna gi Sadok u Abiyatar hin ka li ha egeŋ tokgi su? Dlara aŋ humuɗ ay hu ziŋ mulnara halaŋŋi aŋ hin mbaaɗ ay maŋ Sadok u Abiyatar suu li ɓivunnaɗi su?

2 SAMUEL 15:36

Goryosi suu mbana ha ka egesi tana tok, Ahimaas ma vi Sadokŋa may, Jonatan ma vi Abiyatarna may. Agi hin jokon dlara agi humuɗ ndaɗta ay funusi halaŋ.»

1 MULINA 1:42

Vunum bay ndi kaŋga tu may ni Yonatan, ma goŋ Abiyatar, mul ma li ɓivunna, mba ni na gaw. Adoniya joɓom ana, «Mbay gige. Aŋŋi sa njufna, an saa ana boy ma jivi li ka funuŋ a diya.»

1 MULINA 1:9

Adoniya li ɓivunna kay gogoyra Zoheletta u Timigiina, mbutli suu ɗorina u gor mbutli suu ɗorina, keŋ mbo ma Rogelna. Nam yi gorsem suu goryoŋ mulnana ay halaŋ, yi suu hu Yudana ay halaŋ may, ni suu ka li sunda maŋ mulnana.

JOSUWE 15:7

Hakara jak kolo Debir kal hu ɦuɗugumba vi Akorra, pereɗ ay ki mbayaw ii Gilgal na, vok tasi u mbura Adumimba, dali fun mbo lumma na, hakara jak ay fun lum ma Ein-Semesna, tuɗ daɓ ay fun En-Rogel.

JOSUWE 18:16

Ndaɗ kal ay ga u ɦinira ka coli fun ɦuɗugumba Hinnomba na, keŋ ma mbayawna ii ɦuɗugumba Refara na. Hakara maɗ ha ki keŋ ɦuɗugumba Hinnomba na gak, ta ta tew ay ki keŋ mbura Jebussa tuɗ ha ki ga ta ta tew ay ki En-Rogel.