2 SAMUEL 16:23 - Boy Lonana

²³ Gaɗta Ahitofel ɦaɗ hu li nammara ni ko boy Lonana na. Gaɗta vi Ahitofella halaŋŋi ko ndaɗta na jivi kay David lay, kay Absalom lay.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Hu li ma Absalom li ɓivunna na ni, nam sun hal Ahitofel ma Gilona, sa ma ɦal gaɗta maŋ Davidna hu ɦoŋzi ma Gilona. Suu di ŋgeŋŋa maŋ Absalomma mbuɗ bolowra, dlaamba mbuɗ ŋgolla na ɗow ɗow may.

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

2 SAMUEL 17:14

Absalom u suu Israelna halaŋ di ana, «Gaɗta vi Husay ma Arkŋa jivi su gaɗta vi Ahitofella.» Gasi daŋ may, Yawe vi kam a bulum gaɗta vi Ahitofel ta jivi sura a mba dla cora ay kay Absalom.

1 PIYER 4:11

Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.

ROMMA 1:22

Asi di kay tasi ana asi ni suu wira ni asi ni laɓaa.

Boy Ma Ayra Ma LUK Ɓiirimma 16:8

Mul ma vi sa li sunda co namma geleɗem kay mbeleŋŋa nam lammana. Kay suu kay ndaŋgarana li mbeleŋŋa duk ɦoŋ tasi u tlesuu vi ndarayasina su suu hu kiɗikkana.»

MATIYE 11:25

Fali ndaɗta Yesu di ana, «Bunu, mul ma kolo huulona, kaŋga kay ndaŋgara lay na, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina.

JEREMI 8:9

Suu wi dlara viɗ ki lay. Asi bulum ki lay. Asi ki yowi daŋgayna lay. Asi noy boy ma vi Yawena kiyo. Na ɗaŋŋi va asi hin di ana asi yal cocoo u namma ni mege?

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

DI BOLLA 10:1

Lolo ma miɗ duk mbulna hu guurana bu mbulna kiyo. Giniŋga ew daŋga ɓalak yalna ki ŋgolo.

SOOLLA 28:2

Humun cen manda hu li ma an yaŋ a aŋ njununna, hu li ma an yow kon ha kolo eg ziiŋ ma teteɗna.

SOOLLA 19:7

Ndaɗ col ay u lonara tin ayra, tuɗ ha ki u lonara do ayra, va ma hin ki bay faɗta tam kaɗi.

JOB 28:28

Nam hin di sa warna ana, «Ndaa ma lam u Bu Suunana ni yalna gaw. Ka taɓ taŋ eg dla coraɗi ni mbeleŋŋa gaw.»

JOB 5:12

Nam ɓalak dlara vi suu mbeleŋŋa kiyo. Dlara asi ŋga hurusi gin a laɗta hin ɓeŋ ki kosiya.

1 SAMUEL 30:8

David joɓ Yawe ana, «Lini an cuɗ u suu asina ni an ndak a fasi duk su?» Yawe dam ana, «Tuɗ cuɗusi usiya, aŋ hin fasi duku, aŋ hin buɗ suu maŋsina ay kiyo.»

NDUMBA 27:21

Nam col fok mul ma li ɓivunna Eleazar, nam joɓom minda vi Yawe kam u va ma yam ana Urimma u min ndaɗta asi ndak cuk ki bunsu lay, hoŋ ay kalafi lay, nam u suu Israelna halaŋ.»

2 SAMUEL 15:31

Asi mbay di David ana, «Ahitofel ka duk suu vi vunusi ki u Absalomma.» David di ana, «An ceneŋu, Yawe bulum gaɗta vi Ahitofella kiyo.»

2 SAMUEL 17:1

Ahitofel di Absalom ana, «Hinin an man suu duuna 12,000 tuɗ cuɗ u David duk njeŋgera wanda gaw.