2 SAMUEL 16:21 - Boy Lonana

²¹ Ahitofel di Absalom ana, «Tuɗ ha eg banayaŋ buŋ su boyogi suu nam hinisi ha a gol u zinana. Na ni suu Israelna halaŋ hin wi ana aŋ mbuɗ ka hum vun buŋ oloɗi ni, suu uŋŋa halaŋ kosi hin mbuɗ ki saɓakŋa.»

2 SAMUEL 16:21 ပူးပေါင်းရင်းမြစ်များ

2 SAMUEL 20:3

David tuɗ ki vo varam hu Yerusalem. Mulna yow banayam boyogi suu doogo suu nam hinisi a gol u zinana hin cukusi ki hu zira goloɗ jivira. Nam ɦasi tlesuu tira may, ka tuɗ egesiɗi. Asi ki gira daŋgayna ta ta hu buu masi ma miɗna, ko ndal suu donora suu njufusi ki miɗɗina na.

2 SAMUEL 15:16

Mulna kal ay ki u sem ko tam u suu varamma halaŋ, may mulna hin boyogi suu banayam suu ka doogo a gol u zina.

ZAKARI 8:13

Ko ndaɗta na, agi li ni suu wi hawra ay duk suunana zi ma Yudana, zi ma Israelna, na may an hin suɗugi kiyo, agi hin fagi paɗvunna. Lagi ndaanaɗi, soogi ugiya.

2 SAMUEL 2:7

Cecem wanda ko kogi li saɓaki lagi ni suu saɓakŋa. Gasi malagina, Sol, miɗ ki wa, may agi wi ana suu hu zi ma Yudana fuurun a an li a mul masina.»

DLAŊ LEVIRA 18:8

«Aŋ buu u caŋ buŋgaɗi, kay aŋ wi ki ni siilira vi buŋga.

1 KORINTNA 5:1

Suuna ɓak kagi na tew tew ana dlara ka dukugiya, dlara zoŋga ndaɗta suu bay vina lay ndak ka li naɗi, asi di ana sa maa dukugi dew ni vi caŋ bumba ki umu.

1 MULINA 2:22

Mulna Salomon hoŋ dira maŋ sum ana, «Ndak min a joɓ Abisag, goora Sunemba, maŋ Adoniya a cara ni kay mege? Nam ni wayan ma ŋgolna may ni ndak joɓom ta mulla na gawɗi su? Mam may, maŋ mul ma li ɓivunna Abiyatar may, maŋ Joab ma goŋ Seruyana gaw mayɗi su?»

1 MULINA 2:17

Nam hoŋ daɗ ana, «An dak ha wanna. Salomon ka gak vunuk kiɗi mayna, ndak tuɗ dam ana nam ɦan Abisag, goora Sunemba, a caanda an cenekŋi ceniya.»

2 SAMUEL 12:11

Na ɗaŋŋi Yawe ɓak anaba, gola an hin mbaaŋ dla cora ay kaŋŋi hu ziiŋu. An hin yowoŋ boyogoŋ iriŋ hin ɦasi ki maŋ sa daŋŋa. Nam hin buu u asi iriŋ hu faɗ ndaɗta.

1 SAMUEL 27:12

Akis wi David ki jiviya. Nam ɓak tam ana, «David mbuɗ dlaamba ki loɓma coco eg suu mam suu Israelna. Nam hin li a saan ma sunda a fafaɗta.»

1 SAMUEL 13:4

Suu Israelna gegelay hum boy namma ana Sol ci sa ŋgol ma vi suu Filistinna kiyo. Israel taɗta lay ni mbuɗ ki loɓma coco u suu Filistinna. Suuna halaŋ tok tasi kay cee Sol hu Gilgal.

DLAŊ LEVIRA 20:11

«Hu li ma sana buu u caŋ bumbana nam wi ki ni siilira vi bumba. Suu asina casi ki jak, busuɗusi hoŋŋi kasiya.

URA TIN AYRA 38:16

Nam hin voɗta tani tuɗ varaɗu daɗ ana, «Hinin an taɓ u ndaku.» Kay nam wi ka ana ni caŋ gorommaraɗi. Ndaɗ dam ana, «Aŋ hin ɦanni me a taɓ u an nige?»

URA TIN AYRA 35:22

Hu li ma Israel ka cuki hu mbas ndaɗtana ni, Ruben buu u caŋ bumba Bila, Israel hum boy namma. Goryoŋ Yakob suu njufiina halaŋŋi doogo yam mba'.

URA TIN AYRA 34:30

Yakob digi Simeon u Levi ana, «Agi mbaaran ay kanni dla cora fok suu hu mbassa tanna, suu Kanaanna u suu Perizna. An u suu manna ka bolowɗi may ni asi hin tok tasi ay kan can ki u suu mansina halaŋ.»

URA TIN AYRA 6:4

Ni hu coki mayara suu wuli fiyeki coco kay ndaŋgarana. Suu asina hin li dagan gak lay. Ay hu njaf suu jewna ni suu asina saɓak cocoo, sesi tii coco lay. Vuɗusini u taɓpa vi goryoŋ Lonana u gorɓii suu kay ndaŋgarana.

2 SAMUEL 16:20

Absalom di Ahitofel ana, «Njaɗagi duk tagi kay dlara aygi hin laɗta.»

2 SAMUEL 17:7

Husay hoŋ di Absalom ana, «Gaɗta Ahitofel ɦaɗ cecem wanda ka jiviɗi may da.»

2 SAMUEL 10:6

Goryoŋ Amonna wi ana asi mbuɗ tasi ki cora ii David wa ni, asi sun yow suu Siri suu hu Bet-Rehobma ay usiya. Suu Siri suu hu Sobana lay gorzoŋŋi suu duuna 20.000 ay vi mul ma Maakana suuna buɓ, suu vi Tobna suuna 12.000.

2 SAMUEL 13:5

Yonadab dam ana, «Buu kaŋga kay lay maŋŋa, vi taŋ ki tuguɗiira. Hu li ma buŋ hin mbay a goloŋga wa ni, aŋ hin dam ana, Ҥal voɗta ay maŋ wayanda, Tamar, ndaɗ mbay ɦan tina. Ndaɗ mbay li ti namma ni irinu. Ndaɗ hin tlanna ay ni ndaɗ taɗta, an hin tamu.»

1 MULINA 11:25

Rezon mbuɗ ni sa ma babalira u suu Israelna hu cokira Salomon kaki a mulnara halaŋ. Ay keŋ hiŋŋa ni Hadad ka li cora ay hu gak may. Hu li ma nam kaki a mul ma Sirina ni nam ka ŋgaf u suu Israelnaɗi.