2 SAMUEL 16:11 - Boy Lonana

¹¹ David di Abisay, di suu mam suu li sunda halaŋ ana, «Lini goron ma kal ay ki egenna min a can kiyo, ni nam ma Benjaminna ma daɓ daganna ni, hinim nam gi vunna, lini Yawe dam ay na.

2 SAMUEL 16:11 ပူးပေါင်းရင်းမြစ်များ

MATIYE 10:21

«Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay.

EZEKIYEL 20:25

Na ɗaŋŋi an ɦasi gaɗ mayra ka lasi jiviɗira ni u tanda, takasi ni ne mayra asi ka lak iiriɗira.

EZEKIYEL 14:9

«Ɗowba lini sa ma jok vun Lona ganyam tam a di dla mayra ka u voɗoɗira, ni an Yawe hinim li ko ndaɗta na. Sa ma jok vun Lona namma an hin lammi u tanda. An hin paɗam ki duk suu man suu Israelna.

2 DLAŊ MULINARA 32:21

Yawe sun saam ma sunda ha hu kaŋ ma vi suu Asirina, ci suu garaŋ suu wi dla duuna ɦayna ki halaŋ halaŋ u suu ŋgolo suu fok suu duunana lay. Mul ma Asirina zolona vam cocoo. Nam hoŋ vo hu mbas mamba ni na gaw. Fali taa dew ni nam kal kalafi hu zira vi loommara, goryom suu vuɗta cuk um cam ki ni na gaw.

2 MULINA 19:37

Hu li ma nam a cen hu ziŋ loomma Nisrokka wanni, goryom gi Adrammelek u Saresser mba cam ki pii kosi ki liŋŋa hu mbassa Araratta. Gooromma Azarhadon varak a mulna balamamu.

2 SAMUEL 7:2

Mulna di sa ma jok vun Lona Natan ana, «Aŋ gola an kaki ni hu zira mini u gu sedrena, doli ɗini Zanduk Lonara ki tini ni hu duk ɦoŋ mbutluɓ barawna.»

URA TIN AYRA 45:5

Cemi wanda yoorogi tagiɗi, hurugi haɗ ana agi gusun ay ki mbaaran ay ki taniraɗi, Lona sunun ay ki fokogi ni a suɗugi iiri magira.

URA TIN AYRA 15:4

Yawe hin dam ɗaŋŋi ana, «Hin ka yowoŋ jooŋŋi nambi, goroŋ ma aŋ vuɗum u taŋgana hin yowommi namu.»

1 SAMUEL 26:19

Cecem wanda malanna mulna hum boy ma vi saaŋ ma sundana haa. Lini Yawe mbuɗuŋ ay yara egenni namu ni, ko nam his mbul ma his jivi ma ɦam ay ɦawana. May lini suu warna ni, ko dla cora li kasi fok Yawe kay dikka asi dikin ki karam wanda, kay doora asi doron ki kay jona vi Yawe dan ana, tuɗ li sunda maŋ loogi suu daŋŋara.

SOOLLA 109:28

Asi ka ŋguluŋu, aŋ paɗ vunuŋ ki kasi may. Gola, asi yow kolo, mbuɗ kasi ni zolona, saaŋ ma sunda furiya.

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»