2 SAMUEL 15:32 - Boy Lonana

³² David tew ha ki kolo vun lewɗekka hu li ma asi goɓ kaŋga fok Lona huna. Hu li ma Husay ma Arkŋa mbay a ŋgafam huna, baraw mamma fiyekŋa ki hari may, yam ki u ndaŋgara kufuruk may.

2 SAMUEL 15:32 ပူးပေါင်းရင်းမြစ်များ

2 SAMUEL 1:2

Hu buu ma hindina, sana dew col ay hu kaŋŋa mba eg David. Barawi suu egemma ki ɦaariya, yam ki u ndaŋgara na kufuruk may. Hu li ma nam a mbay eg Davidta ni nam gi tam kaŋga duk ndaŋgara, goɓ kaŋgaa.

2 SAMUEL 13:19

Tamar yow buɗna, cukum kay yaɗu, haa baraw maɗ mayra fiyek ta bikŋa kiyo, hew koɗ kay yaɗ, tuɗ u tiina.

2 SAMUEL 15:30

David ɗiŋ ha ni hu li ma mbuy ma ɦinira conora. Nam ɗiŋ ha u tiina. Nam dluɓ yam ki u barawna. Nam tuɗ ni sem siiliya. Suu tuɗ um a tinimma halaŋ dluɓ yasi kiyo. Asi ɗiŋa, ɗiŋ ha u tiina.

2 SAMUEL 16:1

David jak ki kay lewɗekka na nde ni hu li ma Siba, mbaɓu ma vi Mefibosetna, mbay a ŋgafamba u korra um mba' u tlena kaɗ ɗagiya. Mappana kaɗ kis kis mba', des vuɗ gugutlura sooyra kis may, vuɗ tlesuu hu til nammana kis may, mbumbu sum veŋŋa dew may.

2 SAMUEL 16:15

Absalom u suu duu suu Israelna halaŋ mba ki hu Yerusalem. Ahitofel ay um may.

2 SAMUEL 17:5

Absalom di ana, «Yi Husay ma Arkŋa ay ɗaŋ a ami hum dlara nam tamba min gin a daɗta may.»

1 MULINA 11:7

Hu coki ndaɗta ni Salomon min li ma li ɓivunna kolo kay ɦinira vok taɗ u Yerusalem maŋ Kemos lo ma vi suu Moabma. Nam hin min li ma daŋŋa maŋ Milkin lo ma vi suu Amonna may.

1 MULINA 4:16

Baana ma goŋ Husayna ka hu mbassa vi Aserra u Bealot.

1 DLAŊ MULINARA 27:33

Ahitofel ni sa ɦal gaɗta maŋ mulnana. Husay ma Arkina ni banaŋ mulnana.

SOOLLA 3:7

An ka li ndaa suu bup bup, suu ŋguyun yan ki wannaɗi.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

Boy Ma Ayra Ma LUK Ɓiirimma 19:29

Nam ca duk ɦoŋzi ma Betfage u ma Betanina eg ɦinira Conora tokŋi, Yesu sun suu haɗi mam suu mba' ha foko,

JOSUWE 16:2

Col ha hu Betel ta ta hu Luz jak ha ki ii hakara Arkitta hu Atarot.

1 SAMUEL 4:12

Sa vi Benjaminna tuɗ fun duuna u liŋŋa ta ta tew ki hu Silo hu buu namma gaw may, baraw ma egemma ki haariya, ndaŋgara kay yam na kufuruk may.