2 SAMUEL 15:24 - Boy Lonana

²⁴ Sadok ay huwa. Suu li ɓivunna halaŋ tli Zanduka Galamba vi Lonara kasiya. Abiyatar kal hu li ma ɓivunna ta ta suu sel ay ki hu ɦoŋzinana jak ki halaŋ tuwa.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Mulna di mul ma li ɓivunna, Sadok, ana, «Aŋ wi su? Hoŋ u heɓpa hu ɦoŋzina. Goroŋŋa Ahimaas u Jonatan ma goŋ Abiyatarna, goryogi suu mbana u agiya.

2 SAMUEL 15:35

Na ni suu li ɓivunna gi Sadok u Abiyatar hin ka li ha egeŋ tokgi su? Dlara aŋ humuɗ ay hu ziŋ mulnara halaŋŋi aŋ hin mbaaɗ ay maŋ Sadok u Abiyatar suu li ɓivunnaɗi su?

2 SAMUEL 20:25

Seva ni sa ma ɓii tlena, Sadok u Abiyatar ni muli suu li ɓivunna.

2 SAMUEL 6:13

Doli ɗaŋŋi suu tli Zanduk Yawera kasina calaɗ sesi na karkiya ɗaŋŋi, nam vi goo mbutlna a ɓivunna, ni goo mbutl ma ɗoori ɦayna.

2 SAMUEL 8:17

Sadok, goŋ Ahitubma, Ahimelek, goŋ Abiyatarna, ni suu li ɓivunna. Seraya ni sa ma ɓii dlara.

1 MULINA 1:8

May mul ma li ɓivunna, Sadok, Benaya ma goŋ Yoyadana, sa jok vun Lona, Natan, Simey, Rey u suu ŋgolo suu duuna vi David vunusi ka duk boy nammaɗi.

1 MULINA 2:26

Maŋ mul ma li ɓivunna Abiyatar ni mulna dam ana, «Aŋ hoŋ ki vo hu mbas maŋga hu Anatot kay aŋ ginni sa ma a ci kina, may cemi ni an ka caŋ kiɗi kay ana aŋ zii Zanduk Bu Suuna, Yawera, fok bun David aŋ las coco u nam hu dlara nam fi lassa huruɗta.»

1 MULINA 2:35

Mulna varak Benayada balam Joab a ŋgol asgaana, varak Sadok balam Abiyatar a mul ma li ɓivunna may.

1 DLAŊ MULINARA 15:2

Na ɗaŋŋi nam di ana, «Suu Levina tli Zandukka vi Lonara ni asi doy hol, kay ana Yawe mansi ki a tli Zandukka vi Yawera, hin lam sunda a fafaɗta may.»

EZEKIYEL 48:11

Li ma namma hinni maŋ muli suu li ɓivunna suu hu njaf Sadokŋa doy hol asi suu fuurusi ki kay sun ndaɗtana. Asi ni suu li u gaɗta vi Bu Suuna ɗegeena ka ko njaf suu vi Levina lira naɗi, hu li ma suu Israelna noy Lona ki a joɓ fulinara ni asi li ka ko asi na koɗi.

NDUMBA 4:15

Aragelay hu li ma suu Israelna a jok usira ni Aaron u goryom boɗ yam tlesuu teteɗna ki halaŋ, ŋgoo dagan njaf suu vi Kehatna mbay yowosi ni na tuwa. Ka suu Kehatna ŋgen kosi eg tlesuu teteɗnaɗi, li ka naɗi ni asi miɗ kiyo. Gola sunda vi goryoŋ Kehatna ta asi laɗ hu zira tokka ni na.

NDUMBA 7:9

Nam ɦal ka maŋ goryoŋ Kehatnaɗi, kay sun masira ni a zii tlesuu teteɗna ni u yasiya.

JOSUWE 3:3

Asi di suu Israelna ana, «Hu li ma agi wagi Zandukka galamba vi Yawe, Loogina wa, u muli suu li ɓivunna suu Levina ka tlaɗu ni, agi hinigi li ma agi hu wanna, cukugi tagi kay ceereɗu.

JOSUWE 3:6

Josuwe hin di muli suu li ɓivunna ana, «Tlagi Zandukka Galamba tuɗugi ha fok suu Israelna.» Asi tli Zandukka Galamba tani tuɗ ha fok suu Israelna.

JOSUWE 6:4

Muli suu li ɓivunna na kiɗisiya yow difi mek gamlagina kosi na kiɗisiya may, tuɗ ha fok Zandukka Galamba. Hu buu ma kiɗisiyana ni agi suu asgaana u muli suu li ɓivunna hin ŋguy yam ɦoŋzina segi na kiɗisiya. Muli suu li ɓivunna hin bu diffa may.

JOSUWE 6:6

Josuwe, goŋ Nunna, yi muli suu li ɓivunna ay egem di ana, «Tlagi Zandukka Galamba, muli suu li ɓivunna kiɗisiya yow dif gamlana kosi tuɗ ha fok Zandukka vi Yawe may.»

1 SAMUEL 22:20

Goŋ Ahimelekŋa na dew, ma goŋ Ahitubma suɗ tam kiyo. Sem ana Abiyatar. Nam ndi liŋŋa, tuɗ fi David.

1 SAMUEL 4:11

Zanduk Lonara asi tlaɗu. Goryoŋ Heli suu mbana Hofni u Pinhas miɗ kiyo.