2 SAMUEL 15:14 - Boy Lonana

¹⁴ David di suu mam suu sun suu ka u nam Yerusalemma halaŋ ana, «Liŋiygi zak, piiriygiya, kay ana Absalom hin ka hiniygi a keŋ zinaɗi. Tuɗuygi zak zak kaɗi ni nam hin li ay zakŋi faygi duku, laygi dla cora egeygiya, hin ci suu hu ɦoŋzinana ki u ŋgewna.»

2 SAMUEL 15:14 ပူးပေါင်းရင်းမြစ်များ

2 SAMUEL 19:9

Na ɗaŋŋi mulna col kolo hin tuɗ kak vun grekŋa. Asi hin ɓak ha kolo maŋ suuna halaŋ ana, «Gologi mulna kak ka ki vun grekŋa.» Suuna halaŋ mbay fok mulna. Suu Israelna liŋ kiyo, gegelay hu mbutluɓ mamma.

Boy Ma Ayra Ma LUK Ɓiirimma 10:15

Aŋ Kapernaum aŋ saa ana aŋ tew kolo huulona su? Ҥawaa aŋ hin tuɗ ni duk kura.»

MATIYE 11:12

Ay hu li ma Jaŋ ma mbus batemma haɗ ay gak gak tew karamma ni, suuna kal ay hu Mulla huulonara u eŋga, suu daŋŋa hal a doorosi u eŋga lay.

EZEKIYEL 46:18

Li ma vi suu halaŋŋa mulna ka ŋgen kom egembi. Nam ɓorow maŋ goryommi liim ma ɦamana na hol. Nam ka las suu mansina a dikisi ki kay liisinaɗi. An ka min ana suu mansina tuɗ ki day day eg mbas masiraɗi.»

SOOLLA 51:18

Aŋ ka min ana an laŋ ɓivunu naɗi, aŋ ka minni ɓivun ma ŋgal tlena ɦawaɗi.

2 SAMUEL 12:11

Na ɗaŋŋi Yawe ɓak anaba, gola an hin mbaaŋ dla cora ay kaŋŋi hu ziiŋu. An hin yowoŋ boyogoŋ iriŋ hin ɦasi ki maŋ sa daŋŋa. Nam hin buu u asi iriŋ hu faɗ ndaɗta.

2 SAMUEL 15:15

Suu li sunda vi mulnana di mulna ana, «Dlara malanna mulna ŋgaɓaɗta li ni taragelay ni suu mam suu li sunda varamma ni hu may.»

2 SAMUEL 19:10

Hu deera vi suu Israelnara halaŋŋi suuna halaŋ ci wayra. Asi di ana, «Mulna ɓaɗaygi ay ki ko suu babali maygisina. Nam buɗuygi ay ki ko suu Filistinna. Cecem wanda nam pii ki hu mbassa a suɗ ki ko Absalomba.