2 SAMUEL 14:19 - Boy Lonana

¹⁹ Mulna di ana, «Joab takak voɗta u kom hu dla ndaɗta halaŋŋi nam su?» Cara hoŋom dira ana, «U iiri maŋga malanna, mulna, sa hin ka tuɗ kay bik njuf lay kay bik gulu lay u dlara malanna mulna daɗta. Gasi, ni saaŋ ma sunda, Joab, ɦan voɗta ni namu. Nam tak dlara maŋ caaŋga sunda ndaɗta ni nam lay.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Uri di David ana, «Zandukka, suu Israelna u Yuda ha ki bagi hu mbutluɓma. Malanna Joab u suu sun suu vi malannana buu ha ki ni bagi hu li ma duuna. An may ɗaŋŋi hin tuɗ vo varan ti may ci may buu u caanda may su? U iiri maŋga u iiri maŋ aŋ taŋgara an ka li dla ndaɗtaɗi.»

2 SAMUEL 14:18

Mulna hoŋ di cara ana, «Lini an joɓoku ni ndak ŋgayan va konɗi.» Cara di ana, «Ko malanna mulna ɓak ɗow.»

2 SAMUEL 14:3

Ndak hin tuɗ fi mulna ɗaŋŋi ɓakam ko ndal wanda na.» Joab hin ɓakaɗ dlara ndaɗ hin daɗta.

2 SAMUEL 18:13

Wanda lay ni lini an lam ginni dla cora eg iiri mamba ni, mulna va jak kambi, aŋ taŋga lay ni hin li ka ki ni coli keŋe.»

2 SAMUEL 3:27

Hu li ma Abner hoŋ ay ki hu Hebronna Joab yam ha ki fun kaana hu vun ziimba ko ndal ɓakam boyna u heɓpa na. Hu li namma nam waɗam ki cora kay hayam na pum gaw, a sa sugul busu wayamma Azael.

2 SAMUEL 3:29

Ko nam ɓaɗ ni kay Joab u suu mamsina halaŋ. Ko dlara vo busuna kira ura tum suuna ki ndo ndonara, ura mbuɗ suuna ki ko boyogina nara u ndira ndi fun ŋgewnara u ndira mayra ndira seŋ lira li vo hu ziŋ Joabbaɗi.»

2 SAMUEL 3:34

Koŋ ka ki njuni u galinaɗi, asi njunuŋ seŋ ka ki u kinjiŋŋaɗi. Ko ndal suuna ndi fok suu ci maɗnarana aŋ ndi ni na.» Suuna halaŋ hin hoŋ tiina kamu.

2 MULINA 2:2

Eli di Elize ana, «An ceneŋŋi ceniya kak ka tani, kay Yawe sununni hu Betel day.» Elize hoŋom dira ana, «U sem Yawe ma ka iiri din dinna, u seŋ aŋ taŋga, an ka ɓorow ki u aŋgi.» Asi mba tew kaŋga hu Betel.

KALKIRA 4:15

Aŋ hin njaɗamu, boy ma aŋ a damma aŋ hin ɓakamma ha funumu. An may ni ka njun u vunuŋ may njun u mamma lay. An hin haɗagi dlara agi hin a laɗta.

VUN ŊGOLNA 25:2

Aygi ŋga Lona ni kay dlara nam laɗ ki ŋgayra. Aygi ŋga mulina ni hu li ma asi ka vi u sun masira ki jivina.

VUN ŊGOLNA 4:27

Ka aŋ viɗ voɗ maŋga tuɗ bik njuf may, gulu mayɗi. Ҥuɗ dla cora ha ki egeŋ na day.

NDUMBA 20:17

Aŋ hinimi ami jak hu mbas maŋga. Ami ka tli duk senenaɗi, ka kal duk sene gugutlunaɗi lay. Ami ka ci yo goloŋgaɗi lay. Ami hin tli ni voɗta ŋgolla na ɗegee ka tuɗ bik njufɗi lay, guluɗi lay ta ta hu li ma ami jak ki kay mbas maŋgana.»

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

GA 8ATAMBARA 28:14

Kay ana agi viɗ tagi ka ki a hin voɗta an haɗagira wanda kiɗi, ka tuɗ bik njuf may, gulu mayɗi. Agi vi ka u lo ma daŋ a sunumbi lay.

GA 8ATAMBARA 5:32

Agi may ni lagi tagi jiviya, lagi ko Yawe Loogina haɗagira na, viɗigi tagi a nda bik njuf may gulu mayɗi.

JOSUWE 1:7

Na daŋ may col saɓaki, so huruŋ eŋ cocoo. Aŋ mba gol taŋ jivi a li u gaɗta halaŋ ta saan ma sunda, Moiz, ɓiiriŋga kara. Viɗ taŋ ki a tuɗ bik njufɗi lay, guluɗi lay kay a li ma aŋ hin tuɗ huna halaŋŋi dla ka suu kaŋgi.

1 SAMUEL 1:26

Ndaɗ di ana, «Heɓ huruŋ kanu, malanna. Aŋ ka iiri a fafaɗta, malanna. Anni cara ka kaki egeŋ tok tani cen Yawe wanda.

1 SAMUEL 17:55

Gol David tuɗ a ŋgaf sa ma Filistinna, ni Sol di Abner ma ŋgol asgaana ana, «Gogoo namma ni goŋ ge nage, Abner?» Abner di ana, «U saɓak maŋŋa, mulna, an ka wiɗi.»

1 SAMUEL 20:3

David hoŋ di olo suu tam ana, «Buŋ wi gasi ana an ka fi jivira egeŋu. Nam ɓak tam ana ka Jonatan ŋgay vaɗi, ka nam fi dlara loɓmaɗi. Na may u saɓak maŋŋa u saɓakŋa vi Yawena duk ɦoŋon u maɗna hinni semma dew.»

1 SAMUEL 25:26

Cecem wan daŋga ni malanna u saɓakŋa vi Yawena u saɓak maŋ aŋ taŋgana, Yawe ni sa doroŋ ki ana aŋ ci maɗna ɗina, li furira u bik koŋgina. Ko suu babali maŋsina, ko suu min a li dla cora eg malanna wi cecemi dlara li eg Naballa.