2 SAMUEL 14:14 - Boy Lonana

¹⁴ Gasi aygi hin miɗ ko ndal yo ma vooy kaŋga kay ndaŋgarana na, sa hin ka hoŋom gora koloɗina na, na may Lona hurum ka min dla ndaɗtaɗi. Nam tin saaram ki ana sa ma dikim kina li ha ki egem di ki na dayɗi.

2 SAMUEL 14:14 ပူးပေါင်းရင်းမြစ်များ

2 SAMUEL 11:25

David di sa vun sunda ana, «Aŋ hin ɓak Joab anaba, Gol dla ndaɗta iriŋ saɓak coɗi. Ŋgewna ci ni ko wanna na, ko hiŋga na lay. So taŋ a duu u ɦoŋzi namma, toom kiyo. Soom um ko wanda na.»

2 SAMUEL 14:15

Cecem wanda ɗaŋŋi lini an mbay ni a di malanna mulna dlara an li daɗ ayra ni kay ana suuna mbuɗun ki ndaana. Caaŋga sunda ɓak taɗ ana, tuɗuygi ɓak mulna. Kala mulna hin li dlara mbaɓu mamba hin dambara kala.

1 MULINA 11:39

Kay ndaɗta an hin hoŋ yam njaf suu vi Davidna ki kaŋgaa, ni ka a fafaɗtaɗi kama.»

JOB 14:14

Kay sana miɗ ki wa ni hin hoŋ iiri olo su? Buu maa an buurum hu sun mandana halaŋ an juɓmi sa ma mbuɗunna.

JOB 30:23

An wi ki ana aŋ tuɗunni hu miɗna. Ni li ma suuna halaŋ ka tuɗ huna.

JOB 34:15

Tlesuu iirina halaŋ hin miɗ kiyo. Sana hin hoŋ ki ga duk ndaŋgara.

JOB 34:19

Nam dew ni sa ma ka njun u mulɗi lay, ka ɗoɓ dlara vi suu ɦizina su mayra vi suu hawraɗi lay. Kay suuna halaŋ nam lasi ni namu.

SOOLLA 22:14

Asi mal vunusi ay ki ko ndal dlona na, asi sawalla hal dlara vanda.

SOOLLA 22:15

Saɓak manna ni ko yona na daɓ ki wa, sokon paɗ ki hin liim ki lay. Mukulun mbuɗ ko do dabaŋga na, nam yoo ki hurunu.

SOOLLA 58:7

Lona, kususi siisi kiyo, Yawe, kus sii dlo namma kiyo.

SOOLLA 77:8

Bu Suuna, hinin ki ni a fafaɗta su? Nam ka ndak a wan hahawan oloɗi su?

SOOLLA 79:3

Asi vo busu suu maŋsina ki kay yam zi ma Yerusalemma halaŋ, suu maŋsina sa ka pasi gaɗi lay.

SOOLLA 90:10

Basa mamira hu duliyara ni dok kiɗisiya, li ŋgol coco wa ni dok kalavandi may. Basa ndaɗta halaŋ daɓmi u lassa u wihawra may, na gaw ni iiri mamira kaɗi, ami ki ni daɓi gaw.

SOOLLA 90:3

Aŋ hoŋ sana ki balamam duk ndaŋgara, kay aŋ di ana, ni goŋ Adamma hin hoŋŋi huwa.

KALKIRA 21:13

Na may ni sa ma saa ka gin a cam kiɗi, Lona tinimma maɗam kommi tini ɦawana, an hin takaŋ li ma nam pii ŋgay ki huna.

DI BOLLA 9:5

Kay suu iirina wi ki ana hu buu dew ni asi hin miɗ kiyo. May suu ki miɗina ka wi va dewɗi. Masi asira ni warak ka oloɗi, kay humba maa ki kasi wa.

YOORA 3:31

Kay ana Bu Suuna ka hin noy sana ki a fafaɗtaɗi.

EZEKIYEL 18:23

Na ni an furi gasi kay miɗ ma vi suu cona su? Di ni Bu Suuna Yawe. Ҥawaa, an min ni na ɗow ana asi hin dla coosira ki ta ni lak iiriya.

DLAŊ LEVIRA 26:40

«Na may suu hin iiri asina hom coosira u cora vi somoyosira, ana asi li cora ni egenu, asi li gonokka u anu.

NDUMBA 35:15

«Ҥoŋzi namma hinni a li ma ŋgayra maŋ suu Israelna, maŋ suu ŋgayagi suu poy kolona lay. Sa ma maɗna paɗ kom paɗina tuɗ ŋgay ki huwa.

NDUMBA 35:25

Suu tokina ndak a suɗ sa ma ci maɗnana ki ko sa ma sa sukulna, tuɗum ki hu ɦoŋzi ma ŋgayra nam tuɗ ŋgay tam ha ki huwa. Nam kak ha hu gak gak juɓmi buu ma mul ma asi fuurum u mbulna a li ɓivunnana miɗna tuwa.

NDUMBA 35:28

Sa ma ci maɗnana kak hu ɦoŋzi ma ŋgayra ni na gak gak juɓmi miɗ ma vi mul ŋgol ma li ɓivunnana tuwa. Ŋgoo miɗ mamma ni nam hin hoŋ ay vo hu mbas mamba.

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

SUNDA 10:34

Piyer gijaŋ di boyna ɗaŋŋi ana, «Cecemi an wi ki gasi ana Lona ka ɓorow ii suunaɗi.

ROMMA 2:11

Lona ka ɓorow ii suuna zeɗ zeɗɗi.

GA 8ATAMBARA 10:17

Kay Yawe Loogina ni Lo ma kolo kay loogi suu daŋŋa belna. Nammi Bu Suuna vi somi suuna halaŋ. Lo ma ŋgolna, ma Saɓakŋa Kom Belna, ma dlam cona, ma ka keŋ li ma dew ɦawaɗina, ma ka mbuɗɗina. Gal. 2.6; Efes. 6.9

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.