2 SAMUEL 13:28 - Boy Lonana

²⁸ Absalom ɦal voɗta maŋ mborɓogi mamsina ana, «Gologi jiviya. Hu li ma Amnon hurum oy ki u furira u sum veŋŋa wa, an hin dagi wa ana, waɗagi Amnonni agi hin cam kiyo. Lagi ndaaɗi. An ɦagi voɗta ka ni anɗi su? Soogi ugi takagi saɓak magina kiyo.»

2 SAMUEL 13:28 ပူးပေါင်းရင်းမြစ်များ

URA TIN AYRA 9:21

Fali taa dew nam ci sum gugutlura guruɗ kiyo, fok tam ki siili halaŋ vo hu ziimu.

2 SAMUEL 11:13

David yam ha varamu, nam ci may, ti may ko tasiya. David guruɗum ki u summa. Uri kal ay ki fiɗigi a tuɗ buu kay lay mamma ko tam u suu sun suu vi malammana, may nam tuɗ ka vo varambi.

2 SAMUEL 11:15

Nam ɓii ha hu magaa ndaɗta ana, «Tin Uri ha hu li ma duuna ki hu saɓak cocona duk dar suu fokŋa. Agi hin ɦuɗugi tagi ay ki ŋgorom dagani. Asi hin gigimu. Nam hin miɗ kiyo.»

2 SAMUEL 12:10

Na ɗaŋŋi ŋgewna hin ka ɦuɗ tam ki hu ziiŋgi kay ana aŋ hinin kiyo, aŋ tli caŋ Uri ma Hetnara, mbuɗuɗ ki a caaŋga.

2 SAMUEL 13:27

Absalom dogom vunumu. Mulna hin Amnon tuɗ um u goryom suu hiŋŋa halaŋ.

2 SAMUEL 14:6

Caaŋga sunda goryoɗ koɗ mba'. Asi u dlasira mbara li yara duk tasi ki bagiya. Sa ka a hoosi kiɗi. Maa dukusi dew ni waɗ wayamma, cam kiyo.

1 MULINA 20:16

Asi cuk ay ki faali faɗta coli duk gayra, fiya ni Ben-Hadad guruɗ ki u summa may. Asi ka ci summa u muli mam suu taɓ ay um dok-hindi yam mbana ca may.

ESTER 1:10

Hu buu ma kiɗisiyana ni mulna hurum oy ki u furira ko sum veŋŋa. Nam di Mehuman, Bizta, Harbona, Bigta u Abagta, Zetar u Karkas suu ŋgolo suu sunda vi mulna Zersesna ana,

SOOLLA 104:15

Sum veŋŋa ka furi huu suu warna, mbulna ka lasi ti ma jivina. Funa kay a ɦasi saɓakŋa may.

KALKIRA 1:18

Mul ma Egiptena yasi egem dasi ana, «Agi li boy namma na ni amege? Agi hin gor njufiina iiri ni nanage?»

DI BOLLA 10:19

Ti ma jivi ma tinim fokoy na ɦikŋa furi huuna. Sum ma camma mbuɗ sana ay coco may. Tle asina jak ca ni fasi ni u gursura.

DI BOLLA 9:7

Tuɗa, ti fuuŋŋa u furira, ci sum veŋ maŋŋa u ayra kay Lona ŋgaaŋ sun maŋga aŋ laɗta wa.

DANYEL 5:30

Hu njeŋge ndaɗta gaw ni Baltazar mul ma Kaldeenna asi cam kiyo.

NAHUM 1:10

Kay asi cecemmi ni hinni ko wayra tligiɗi eg taɗta na. Hu liisi ma cira asi ki gurɗiya. Kura hin ŋgalasi ki halaŋ ko mal ma ki sooy jivina na.

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

SUNDA 5:29

Piyer u suu vovoɗta hoŋosi dira ana, «Lini nanagelay ami hum vun Lona ni su suuna.

JOSUWE 1:9

An daŋ ana col eŋŋe, so huruŋu, ni ka an daŋ mayɗi su? Dlak ndaaɗi, ɓik vun dikiŋgi lay. Kay Yawe, Looŋŋa, ka u aŋ hu li ma aŋ hin a tuɗ huna halaŋ.»

SUU KAƁAKŊA 19:22

Hu li ma asi laki koɗ tasi na ni, gola ni suu dlasi kaɗi suu ɦoŋzinana mba ŋguy zina ni na gaw. Ci vun grekŋa eŋga di sa maa ma malaŋ zina ana, «Gami sa ma kal varaŋ wanna ay ki kiɗiki, ami min buu u namu.»

SUU KAƁAKŊA 19:6

Asi lak gaa ti lay, ci lay ko tasi u kunumma dew. Kunumma hin dam ana, «Vi taŋ kemmi buu hu dew, ɓalak huruŋgi.»

SUU KAƁAKŊA 19:9

Sana min tam ki a tuɗta, namu, caamba u saam ma sunda may. Na may ni kunumma, bu caamba, hin dam ana, «Gola faɗta cemi ni leŋ ki wa. Agi ka juɓ maɗiira tuɗi su? Ɓalak huruŋgi, vin maɗii ni agi hin tuɗa, aŋ hin fi ziiŋu.»

RUT Magaara Njaɗ Dlara vi Rut 3:7

Booz tiya, ci lay, hurum mbuɗ furiya, nam mba buu eg li ma wana moli huna na tok, ndaɗ kuɗuk ay mba buu ga u kewet semu.

1 SAMUEL 18:22

Sol ɦal voɗta maŋ suu mam suu sunda ana, «Ɓakagi maŋ David ŋgay gumunu. Dagina ana, Mulna min a laŋ dla jivira egeŋu, suu mam suu sunda miniŋ ɦay lay. Mbuɗ ki a kunuŋ mulnana ɗaŋ.»

1 SAMUEL 28:10

Sol suu tam u Yawe ana, «U saɓakŋa vi Yawena, va ma co ka lak hu dla ndaɗtaɗi. Nam di na.»

1 SAMUEL 28:13

Mulna daɗ ana, «Li ndaaɗi, may va ma ndak wamma ni mege?» Cara di Sol ana, «An wi lo ma dew kal ay ki kolo kay ndaŋgara.»