2 SAMUEL 12:24 - Boy Lonana

²⁴ David heɓ hu Batseba, caamba. Nam hin tuɗ egeɗ buu u ndaɗu. Ndaɗ hin vuɗ goona. David hin tinim sem ana Salomon. Ni ana, Yawe minimu.

2 SAMUEL 12:24 ပူးပေါင်းရင်းမြစ်များ

MATIYE 1:6

Jese vuɗ mulna David. David vuɗ Salomon u caŋ Urira.

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

1 DLAŊ MULINARA 3:5

Gola ni goryom suu vuɗ ay hu Yerusalemma, Simea, Sobab, Natan u Salomon, asi fiɗi halaŋŋi suu vi Batseba ta goŋ Amiyella.

2 SAMUEL 7:12

Hu li ma buu maŋŋa daɓ ki wa aŋ buu ki kaŋga ko taŋ u somoyoŋ wa ni an hin wuluŋ njafaŋ ka ŋgoroŋ dagani. Sa ma kal ay ki egeŋ gawna an hin wulum mul mamba koloo.

2 SAMUEL 12:25

Sun ha egem dam fun sa jok vun Lona Natan. Nam tinim sem ana Yedidiya ni ana, ma Yawe minimma, ɗowba ni kay Yawe.

1 MULINA 1:10

May yi Natan, sa ma jok vun Lona, kaɗi. Benaya u suu juɓ u mulnana u wayamma, Salomon, nam yasi kaɗi may.

1 MULINA 1:11

Natan tuɗ di Batseba su Salomon ana, «Adoniya ma goŋ Hagitna mbuɗ ki mulna ni ndak hum kaɗi su? Cemi nam tli mulla vi sa ŋgol mayna David kiwa.

NEHEMI 13:26

Ni kay dla ndaɗta mul ma Israelna, Salomon, li dla cora ka ni naɗi su? Duk njaf suu bolowna halaŋŋi mul ma ko nam na kaɗi. Loomma minim coco hin tinim mulna kay suu Israelna halaŋ. Doli ɗini, nammi sa boyogii suu koyogina taɗam ki hu dla corana.

GA 8ATAMBARA 33:12

Kay Benjaminni nam di ana, sa ma Yawe minim cocona, nam mba koɗ tam u ɗigilla, tin saaram kay sa ma ka golom hu buuna tew tewna. Nam koɗ tam duk ɦoŋ ɦini mamba.

2 SAMUEL 5:14

Gola ni sem goryom suu vuɗ hu Yerusalemma, Kamua, Kabab, Natan u Salomon.

VUN ŊGOLNA 4:3

An lay ay vo vi bunni a goo ma jivina, sun minin coco ko goo dewna na.