2 SAMUEL 12:16 - Boy Lonana

¹⁶ David hoŋ irim eg Lona kay gogoona. Nam gijaŋ li laara, hu li ma nam hoŋ ay vo varam njeŋgena nam buu ki kaŋga duk ndaŋgara.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Natan hin tuɗ ki vo varamu. Yawe waɗ goo ma Batseba caŋ Urira vuɗum maŋ Davidna, nam ndi tuguɗiira.

2 SAMUEL 12:22

David di ana, «Hu li ma goona iiri tuna an li laara lay tii lay ni kay an ɓak tan ana, ni ge wi ge? Yawe hin wan hahawan goona hin kak iiri kalage.

2 SAMUEL 13:31

Mulna col kolo haa baraw mamma kiyo, buu ki kaŋga duk ndaŋgara. Suu mam suu li sunda halaŋ coli hu li namma, barawi masisina ki ɦaari may.

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

NEHEMI 1:4

Hu li ma an hum boy namma na ni an kak kaŋga, tiira, li doona ii buuna bolowo. Olo an li laara cen Lo ma kolo huulonana.

ESTER 4:16

«Tuɗ tok suu Juif suu ka hu Suzna halaŋ, lagi laara kanu, tagi vaɗi lay, cagi vaɗi lay buuna hindi, faaliɗi lay, njeŋgeɗi lay. An tanda u goryon suu gorɓiina, an hin li laara ni na lay. Kay ndaɗta ko gaɗta dira na ni an hin tuɗ eg mulna li ni an a miɗ ki lay ni an hin miɗa.»

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 69:10

An miniŋ ziiŋŋa cocoo, minda kay ziiŋga ŋgalan hurun ko kura na, asi ŋguluŋu, ŋgul ndaɗta hoŋŋi kanu.

EZAYI 22:12

Hu buu namma Bu Suuna Yawe, ma Saɓakŋa Kom Belna, yagi ana agi tiira, yoo tagiya. Kaa yagi kiyo, njun baraw ma doona hurugiya.

EZAYI 26:16

Yawe, hu li ma aŋ ka gaɗ suu maŋsina ni asi halaŋŋi aŋu. Hu li ma gaɗ maŋga fasina asi cuk ga ceneŋŋi aŋu.

DANYEL 6:18

Asi tli gogoyra ay gaɗ fun zulla, mulna tin kom kaɗ u suu mam suu ŋgolona ana ka a dlara daŋ jok kay Danyelɗi.

DANYEL 9:3

An pereɗ irin ay eg Bu Suuna Lona, tii tan fokomu, cenemu, li laara, cuk buɗna kanu, cuk baraw bolla egenu.

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

SUNDA 9:9

Nam li buuna hindi irim ka wiɗi, ti vaɗi lay, ci vaɗi lay.

JOSUWE 7:6

Josuwe u suu ŋgolo suu Israelna haa barawi masisina kiyo, mba girif kaŋga fok Zandukka vi Yawera ta ta ɗik faɗta. Asi cuk buɗna kasi lay, kay dla mayra suuna suu ay kasi ndaɗta.