2 SAMUEL 11:2 - Boy Lonana

² Fiɗigira mba may ni, David col ki kolo kay lay mamma. Nam tuɗ poyra kay yam zina vi mulna. Ay kolo kay yam zina day ni nam wi cara ka mbus taɗu. Ca ndaɗta jiv coco ɦay.

2 SAMUEL 11:2 ပူးပေါင်းရင်းမြစ်များ

URA TIN AYRA 12:11

Nam hin tok a tew hura ni nam di caamba, Sarai, ana, «Ndak huma, an wi ana ndak jivi cocoo.

URA TIN AYRA 3:6

Cara wi ana vuɗ gu namma jivi a tira, gol jivi lay, a ndaɗ mbuɗ wi dlara coco lay. Ndaɗ ndoɗom vuɗum ndoɗni tamu, ɦal maŋ njufuɗu, nam ka egeɗu, nam ti may.

URA TIN AYRA 34:2

Sekem ma goŋ Hamor ma Hivna, mul ma hu mbas ndaɗtana waɗ na ni ndaɗ irim jiviya, nam vaɗ buu u ndaɗu, ɓalakaɗ kiyo.

URA TIN AYRA 39:6

Potifar hin tlegeyem halaŋ ko Yosef. Nam ka saa kay va ma daŋ oloɗi, hin kom dew ni ti ma funumma gaw. Yosef jivi ɦay, wuli jivi lay, irimba golla jivi coco lay.

URA TIN AYRA 6:2

Goryoŋ Lonana wi gorɓii asina na ni irisi jivi cocoo, asi gijaŋ ŋgaɓasi a ɗumba.

2 SAMUEL 13:1

Gola ni dlara hin mba ŋgoo daganda. Absalom ma goŋ Davidna wayam taa dew ni jivi coco ɦay yaɗ ana Tamar. Amnon ma goŋ Davidna, hurum tin kaɗu.

2 SAMUEL 14:27

Absalom vuɗ gor njufiina hindi, vuɗ go tamara dew yaɗ ana Tamar. Ca ndaɗta jivi cocoo.

2 SAMUEL 4:5

Na ɗaŋŋi goryoŋ Rimmon ma Beerotna, goryoŋ Rekabma, goryoŋ Baanana tuɗ ni hu li ma faɗta ti cocona. Asi hin tew ha ki hu ziŋ Isebaalna. Nam ki kaŋga buri a koɗ tam faalira.

2 SAMUEL 4:7

Asi kal ay ki hu zina kurufu, kal ni nam doli ɗaŋŋi ki buri kay lay mamma hu ziimba buuna. Asi waɗam ki cora na pum, kaam yam ki ni na gaw. Asi tlam yam kosi tani, tuɗ u ndaɗ duk njeŋgera gak gak hu ɦuɗugumba Yurdanda.

JOB 31:1

An doo irin kiyo, tin saa manda ka kay go tamaraɗi.

SOOLLA 119:37

Hinin irin a gol tlesuu kaboynaɗi, hinin an poy ni hu voɗ maŋga.

VUN ŊGOLNA 19:15

Zolomba kal sana hu yoora. Sa ma zolomba mayra cam tew tew.

VUN ŊGOLNA 31:30

Oora mbaɗ iira ɦawara kaa, jivna ni dla ka huɗi. Cara li ndaa Yawera ni cara suuna hin ŋgaaɗ cocora.

VUN ŊGOLNA 6:25

Tin huruŋ kay ca ndaɗta u jiviɗ ɦawaɗi, caa yaŋ kay boy jivi ma ndaɗ damma u iiriɗ ta gol jiviraɗi.

VUN ŊGOLNA 7:8

Nam ka tuɗ hu voɗta jak eg ziŋ carana na tok, nam tli kommi voɗta tuɗ varaɗta,

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

MATIYE 10:27

Gaɗta an dagira duk njeŋgera, daɗ ha ki faaliya. Boy ma hosoki humugina, sawal boy namma ha ki koloo.

MATIYE 24:17

Sa ma fam kaki fun ziimma, ka kal kalafi a yow va kombi.

MATIYE 5:28

Anu an dagi ana, Sa ma saa kay caŋ ndarammara ana ndaɗ irim jiviya ni, nam buu u ndaɗ u hurum wa.

SUNDA 10:9

Vin maɗiira ni asi cuk tasi hu voɗta mba tew tok eg ɦoŋzina yam ana Yoppe, ni Piyer ɗiŋ kolo kay yam zira faali a cen Lona.

GA 8ATAMBARA 22:8

Lini aŋ min zi sor ta wilira wa ni, ŋguy gulumunna ki kay zi ndaɗta, ka a sa ɗiŋ ay kolo kay yam ziiŋga gi tam ay ga a mbuɗuŋ ziiŋga ki zira busunaɗi.

GA 8ATAMBARA 5:21

«Aŋ ŋgiziɗ caŋ ndaraŋŋaraɗi. Aŋ ŋgiziɗ ziŋ ndaraŋŋanaɗi, aŋ ŋgiziɗ sene ma vi ndaraŋŋanaɗi, ŋgiziɗim saam ma sundaɗi lay, goora li sunda varambaɗi lay, mbutl mammaɗi lay, koro mambaɗi lay, tlesuu varamma maa na nde lay aŋ ŋgenembi.»

1 PIYER 4:7

Daɓpa vi tlena hin tok, gologi tagi jiviya kakagi jek jekee, cenegiya.

1 JAŊ 2:16

Tlesuu hu duliyara halaŋŋi ŋgiziɗta vi tliw tara, ŋgiziɗta vi iira, u ŋga tara vi iira, tlesuu asina halaŋ col ay ka vi Lonaɗi, ni vi duliyara.

1 SAMUEL 9:25

Asi hin ɗiŋ ay ki kaŋga kay li ma mbuy ma hu ɦoŋzinana. Asi hin ɓak duk tasi u Sol kolo kay yam zira.