2 SAMUEL 1:2 - Boy Lonana

² Hu buu ma hindina, sana dew col ay hu kaŋŋa mba eg David. Barawi suu egemma ki ɦaariya, yam ki u ndaŋgara na kufuruk may. Hu li ma nam a mbay eg Davidta ni nam gi tam kaŋga duk ndaŋgara, goɓ kaŋgaa.

2 SAMUEL 1:2 ပူးပေါင်းရင်းမြစ်များ

URA TIN AYRA 22:4

Hu buu ma hindina Abraham gol irim ha na ni wi li namma ha na day.

URA TIN AYRA 37:29

Ruben hoŋ ay mba gol hu goloŋga na ni, fi Yosef ka huɗi, nam haa baraw mamma tamma kiyo.

URA TIN AYRA 37:34

Nam haa baraw mamma tamma kiyo, njun baraw bolna hurumu. Nam buu coco a li hahaw goromara.

URA TIN AYRA 43:28

Asi hoŋom dira ana, «Saaŋ ma sunda bumi ka jiviya, nam ka iiri tuwa.» Asi cok yasi kaŋga goɓ fokomu.

2 SAMUEL 1:3

David dam ana, «Aŋ col ay ni arage?» Nam dam ana, «An pii ay ki hu kaŋŋa duk suu Israelna ni piiriya.»

2 SAMUEL 13:19

Tamar yow buɗna, cukum kay yaɗu, haa baraw maɗ mayra fiyek ta bikŋa kiyo, hew koɗ kay yaɗ, tuɗ u tiina.

2 SAMUEL 14:4

Cara Tekoara ɓak mulna ɗaŋ. Ndaɗ gi taɗ kaŋga vokoɗ kay ndaŋgara, goɓ kaŋga hin di ana, «Mbay njununu, mul manna.»

2 SAMUEL 15:32

David tew ha ki kolo vun lewɗekka hu li ma asi goɓ kaŋga fok Lona huna. Hu li ma Husay ma Arkŋa mbay a ŋgafam huna, baraw mamma fiyekŋa ki hari may, yam ki u ndaŋgara kufuruk may.

2 SAMUEL 24:20

Aravna gol irim wi mulna u suu mam suu sunda tuɗ ay egemu. Aravna kal ay ki hin goɓ kaŋga fok mulna, vogom kaŋga duk ndaŋgara.

2 SAMUEL 4:10

Sa ma ɓakan ay kolo ana Sol miɗ ki wana tli tammi ko ndal sa ma di boy ma ayrana. Na ɗaŋŋi an ɗelem cam ha ki hu Siklag wa. Ni kay a warakam kay boy mam ma ayra.

ESTER 4:16

«Tuɗ tok suu Juif suu ka hu Suzna halaŋ, lagi laara kanu, tagi vaɗi lay, cagi vaɗi lay buuna hindi, faaliɗi lay, njeŋgeɗi lay. An tanda u goryon suu gorɓiina, an hin li laara ni na lay. Kay ndaɗta ko gaɗta dira na ni an hin tuɗ eg mulna li ni an a miɗ ki lay ni an hin miɗa.»

ESTER 5:1

Gola ni dlara hin li buuna jak ki hindira. Ester cuk barawi maɗ suu ca mulla egeɗ ca ni hin col ki hu taraŋga vi mulna kurufu fun ziŋ mulnara. Mulna kaki kay dlam mamba mulla, fun ziim ma mulla, fun grek ma kal hurumma.

SOOLLA 66:3

Dagi Lona ana, «Sun maŋga mbuɗ mbuɗ cocoo, kay saɓak maŋŋa, suu gonok maŋsina halaŋ hom kaŋga fokoŋu.

EZEKIYEL 27:30

Asi halaŋ hin tii kagi ni u simina, asi cuk buɗna kasiya, bulum tasi ga duk buɗna lay.

Magaara Vi Sa Jok Vun Lona OZE 6:2

Tew buuna mba' ni nam hoŋoygi ki iiriya, hu buu ma hindina ni nam ka coloygi ki koloo, aygi hin kak iiri fokomu.

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

MATIYE 12:40

Ko Jonas li buuna hindi hu kuluf ma ŋgolna na, Goŋ Sanna hin li buuna hindi hu zulla may.

MATIYE 16:21

Hu li namma Yesu gijaŋ njaɗ maŋ suu haɗi mamsina ana, «Lini nanagelay ni ko an tuɗ Yerusalem. Hu li namma suu ŋgolona u muli suu li ɓivunna u suu wi magaara gaɗta hin lasan cocoo. Asi hin can ki lay. Hu buu ma hindina an hin paɗ ki kolo iiriya.»

JOSUWE 7:6

Josuwe u suu ŋgolo suu Israelna haa barawi masisina kiyo, mba girif kaŋga fok Zandukka vi Yawera ta ta ɗik faɗta. Asi cuk buɗna kasi lay, kay dla mayra suuna suu ay kasi ndaɗta.

WIRA ŊGAYRA 3:9

Gola ni va ma an hin a lam eg suu toki u Satanna, asi ni suu kaboyna ana asi ni suu Juifna ni ka naɗi lay. An hin ɦeɓesi asi mba goɓ kaŋga fokoŋ geleɗeŋu. Asi hin wi ana an miniŋu.

1 SAMUEL 20:41

Gogoona hoŋa. David col kolo irim u mbayaw na. Nam puk kaŋga u vogom kay ndaŋgara, goɓ kaŋga yam hindi. Asi mboɗ tasi kolo hu tasiya, tii ko tasi ta ta David tii su Jonatan.

1 SAMUEL 25:23

Abigal wi David may ni ɗiŋ ki kaŋga kay kor maɗta zak gaw. Ndaɗ ndi kaŋga u vogoɗ fok David, goɓ kaŋga duk ndaŋgara.

1 SAMUEL 4:12

Sa vi Benjaminna tuɗ fun duuna u liŋŋa ta ta tew ki hu Silo hu buu namma gaw may, baraw ma egemma ki haariya, ndaŋgara kay yam na kufuruk may.

1 SAMUEL 4:16

Sana di Heli ana, «Anni sa col ay fun duunana. An pii ay ki fun duuna ni karam gak gak.» Heli di ana, «Ni me lige, goronna?»